Me îro başûrê Stockholmê serobinî hev kir

Em her roj li dora mala me digerin. Îro dinya xweş bû, me got em herin nava bajêr, ji xwe ra li hinderên me nedîtine bigerin.

Û em çûn başûrê Stockholmê. Li başûrê Stockholmê gelek derenên xweş, hêjayî dîtinê hene. Ji nişka ve em rastî ”Quncikê Nacka” hatin.

Nacka, bi navê wî yê rastîn Karl Lennart Skoglund(1929-1975), lîstikvanekî futbolê yê bi nav û deng bû.

Her roj bi sedan hezkiriyên wî diherin be mala wî, li ber peykerê wî risman digrin, wî yad dikin.

Di taximê Hammarby da dest bi futbolê kir, dûra li Îtalyayê di Înter, Sampdorîa û Palermo da lîst, dûra dîsa vegerîa Hammarby.

Li Swêd Nacak skoglund yek, Sven Tumba, bi navê wî yê temam, Sven Olof Gunnar Tumba(1931-1911)dudu, herdu jî du futbolciyên efsane ne.

Sven Tumba

Tumba merivekî ecêb bû, spora nizanîbû tunebû. Lîstikvanê hokeya bûzê bû, lîstikvanê futbolê bû, golfer bû.

Tumba li saha futbolê jî, li ser bûzê jî tim qiral bû, efsane bû, çavê her kesî tim li ser wî bû.

Em li başûrê Stockholmê hetanî danê êvarî gerîyan, me gelek derên nuh û xweş dîtin.

Berî em ji mal bi rêkevin min ev çend rêzên jêr nivîsîn:

Kurd dibêjin gerîyayo diriyayo. Yanî yê digere di gelek tiştan, hedîseyan digere, gelek tişta dibîne, gelek diştan fêr dibe.

Helbet ger û seyahet baş e, meriv gelek deran, gelek tiştên meriv nedîtibû, nizanîbû dibîne.

Ger û seyahet zanîna meriv, zeka meriv bi pêş dixîne, asoya meriv berfirehtir dike.

Lê ji bo gerr û seyahetê jî pere û îngilîzî lazim e. Yên min û xanim pere îdare dibe, lê îngilîzî sifir e.

Lema em wek teyrên baskşikestîne, em nikanin zêde dûr bifirin.

Ji dêlî gerr û seyrana welatên dûr, emê nuha herin li nava Stockholmê bigerin. Belkî em çend ciyên nuh bibînin.

Reve pisikê heta kadînê ye.