Amerîka êdî dixwaze gelşên nabêna Hewlêrê û Bexdayê biqedîne

Li gorî xebera BasNewsê êdî Amerîka jî dikeve civînên nabêna Hewlêrê û Bexdayê.

Ev pêşketineke pir baş e, di civînan da hebûna Amerîkayê di lehê me da ye.
Ev çend sal in ji civînên kurd û ereban tiştekî berbiçav derneket, bihostekê jî bi pêş da neçûn.
Ereb li peymanên bi kurdan ra berê îmzekirine poşman bûne, dixwazin mafên qebûl kirine nedin. Lema serî li kurdan digerînin.

Helbet ji bêtifaqiya kurdan sûdê digrin. Kurd li hev bûna, neyartiya hev nekirina ereban nikanîbûn Kerkûk dagir bikirana...

Nuha belkî bi xêra Amerîkayê ereb mecbûrî lihevkirinekê werin kirin. Heger ereb li dijî lihevkirinê bin Amerîkayê bi xwe bibîne kî neheq e û belkî ev yek bibe sebebê Amerîka piştgiriyê bide veqetandina kurdan.

Bêyî piştgiriya Amerîkayê kurd nikanin serxwebûna xwe îlan bikin. Amerîka bibêje erê, Fransa û hin dewletên din jî ewê destegê bidin serxwebûna kurdan.
Yanî ji bo serxwebûnê ji me ra du tişt lazim in, yek jê yekîtiya hêz û partiyên kurdî ne, ya din jî piştgiriya Amerîkayê ye.

XXX

Meriv li ser zik, bi dev û rû va li erdê dirêjbûyî be jî naxwaze li ciyê xwe bimîne, naxwaze bi paş da here, hewil dide bi pêş da here, bi pêş da xwe bi kişkişîne.

Îro rewşa me bi tevayî ne baş e, ev rast e, lê em mecbûr in li ber xwe bidin, bi pêş da herin. Xelasiya ji vê rewşa xerab xebat e, liberxwedan e.Dibê em hêzî ser xwe bikin, ji erdê rabin. Bêhêvîtî, sistî ne çare ye, me bi pêş da nabe.

Sebebê vê halê me yê xerab hinekî ji me ye, ji nezanî û bêtifaqiya me ye. Rêberên me ne tu rêber in, dibê hinên baştir, zanetir dîreksîyonê bigrin destê xwe.