Meriv binivîse ya jî nenivîse, ev e mesele !

Blogging or not blogging is the question !

Meriv bloga bike ya jî bloga neke, ev e mesele !

Ez zanim tiştên ez li vir dinivîsim û belav dikim zêde ne muhîm in. Belkî gelek kes henekê xwe jî pê dikin.

Lê ji bêkarî xwe pê mijûl dikim. Nenivîsim ewê çi feyde bigihîje kurda? 

Yanî ez jî zanim nanê garisî ne tu nan e, mexsed bira kes nebêje ev mal bê arvan e.

We fam kir ?

Selahê Musê Keko ne raste,
Nivisê te gelek xweş û balkêsin
Berî her tiştî nivisê te dikeve xizmeta ziman û wejeya Kurdî
Tu her hebî û destê te sax bin .

Zinarê Xamo Gelek spas mala te ava be biyarê delal

Azadi Libertad Ez jî tevlî nêrîna kekê Selahê Musê dibim. Nivîsandin û şîrovekirina bi kurdî toreyên civakî dixmilînin. Weşandina nivîsan me dihêle ku em zêde bi kurdî bixwînin û binivsînin.

Zinarê Xamo Spas û mala te ava birayê ezîz

Selami Doğan Kurdîya cenabê we mi bi xwe jê gelek xêr dîtîye, ez bawer im birrek kes hene ew jî wek min difikirin...ev jî ne tiştek kêm e...

Zinarê Xamo Spas Selamî, helbet ji bin de ne bêfeyde ye û hin kesên kêfan wan jê ra tê jî hene.

Remzî Kerîm Zinarê Xamo eger carna wekî te nefikirim jî, Ez bi keyfxweşî nivîsên te dixwînim. Bawer dikim Tu jidil dinivîsî, me ji betalî. Jixwe eger her kesî nivîsa te eciband û Li çepika xist belkî hingê Tu kesî nadî fikirandin. Berdewam be.

Zinarê Xamo Gelek spas Remzî. Rexneyên we jî, ecibandinên we jî him min kêfxweş dikin û him jî hêzê didin min.

Mence Aldur Kek Zinar! Nivisê te geleki xwešin û kefa min ji nivisè te ré té. Dest xweš û her hebi

Zinarê Xamo Spas xwişka Mencê. Ji xwe tu û peyê te hûn ji malê ne. Ji hezkirina we qet çika min tuneye.

Fuat Önen Me fahm kir hevalo. Ma em korefahm in ?:))
Tu çima xwe hêrso mêrso dikî. Tu dinivîsînî ev karê te yî. Em jî dixwînin û fahm jî dikin. Arizeyan dernexî Zinarê Xamo:))

Zinarê Xamo Hevalo, carnan xelk pê li zikê meriv dike û bêhemdî baqînî ji meriv tê.,,:))
Meriv dixwaze dengê hevalan bibihîze

Ez çiqasî dubare dikim û xwe davêjim bextê wan jî bêfeyde ye, hin camêr hene dev ji xizmeta ji tirkî ra bernadin.
Kurmê şîrî heta pîrî.
Mirîşka me ye, diçe di kadîna xelkê da hêka dike. Û him jî hêkên mezin...

Ömer Özmen Ger bı maquli werın nıvisandın, tı nıvis ne vala nın.Ki çı derbaskıriye dıvê werın nıvisandın.Her kes bı qasi xwe, jê berjewendi werdıgre.Sılav.

Zinarê Xamo Rast e, wek te gotiye birayê ezîz.

Berfin Evindar Tu binivîse em dixwînin û fahm jî dikin ê fam dike, dike, ê fam nake baqê nîskaye

Zinarê Xamo Spas Berfîn xanim. Weleh hûn bixwînin ya nexwîni, ezê binivîsim...:))

Radwan Badini Xema nex kekê Zinar. Gotina resen a kurdî weke henase ba, av û xwarna ruhê kurdewariyê ye.
Destê te saxbe.

Zinarê Xamo Gelek spas kekê Ridwan. Tiştê ji min tê ev e û ez wê dikim. Heçî kurdî ye li ber dilê min ji her tiştî muhîmtir û şîrîntir e. Ez tu carî pê ra xiyanetê nakim û dev jê ber nadim.
Xwezî min bikanîbûya tiştên "muhîmtir" binivîsanda, lê malê min ev e. Min xwest wiya bibêjim.

Suleiman Sulevani Nivêsînên te ji pêwistiyê wêdetir in. Tu bi zimanê xwe (me) yê şirîn dinivêsî, dîtinên cuda û wêrek tînê ziman û ev înada ser zimanê daykê û dewleta kurdî cihê rêz û hurmetê ye.Facebook bi kesên mîna te xweş e. Tu jidil dinivêsî , jidil te pîroz dikim!

Zinarê Xamo Pir û pir spas ji bo vê şirova te ya dostane û hewqasî jî ji dil birayê Sulêman.
Ev 38 sal in ez van fikrên xwe dubare dikim, çi bi devkî û çi jî bi nivîskî.
Li gorî hin kesan ez zêde aktîf im. Carnan bi "henek" di ber min ra davêjin. Fena ku henekên xwe bi nivîsên min bikin...
Mimkûn e hin kes ji nivîs û parvekirinên min yên zêde aciz bibin ya jî bêmane bibînin. Heqê wan e, kanin taqîb nekin.
Lê belê ez çi his dikim, çi rast dibînim wiya dikim. Rast çewt, baş xerab ez ev im, malê min ev e.

Ahmet Zeki Okçuoğlu Nivîsarên cenabê te, wekî edebî gelek serketî ne. Wekî ramanê de jî teşhîsên gelek xurt û di cîh de dikî. Dest xweş. Em jî te romanan hêvî dikin.

Suleiman Sulevani Mirovê rast rêya rast dibîne û bê virtopêç raste rast ya dilê xwe dibêje. Camêrekê nivêsibû "Nivêskarê baş ew e yê ku nikare nenivêse".Ji bextewariya me tu nikarî nenivêsî! Spas jibo bersiva te ya dostane,her hebî!.

Zinarê Xamo Gelek spas ji bo baweriya te kekê Ahmed.

Perihan Özgökçe Tu her hebî ez keyfxweşim nivîsete dixwinim teste te saxbe.

Mem Dogala Kekê Zinarê Xamo, tu gula civatêyî, tu kulîlka FB yî. Bê te civat nexweşe, bê te FB sar e. Her roj tu mêvanê me yî, em mazurvanê te ne. Hebûna cenabê we di FB de ne kêmasîye, dijberê wê şanhingivê kuwarê ye. Tu her hebe.

Zinarê Xamo Mala te ava birayê ezîz. Spas ji bo van gotinên te yên dostana û qedirzan.

Fahri Kaya Ki pé ziké mınke, ezé ji pé lı zıké wikım u kanıbım bina wi dıçıkinim.Yé pé lı zıké mınke ezé deşifre bıkim.Ma Tu Ne Zınnare..

Zinarê Xamo Spas, Fexrî. Ew jî fikreke.

Sabahattin Korkmaz Kek Zinar tu ji zimanê kurdî re xizmetekî baş dikî. Hem zimanê kurdî xweşik bi kartînî, hem helwesta kurdî axaftinê derdixî pêş. Ku herdû helwest jî, zêde hêjan e. Wekî din jî tu tiştên 'sîparîşkirî' nanivîsî û hemaseta siyasetê nakî. Fikrên te, gotinên te û helwestên te ji xwe mal in. Muşexes in û aydê te ne. Çewa ne sîparîş in, wisa kopîkirî jî nîn in. Ev muşexesiyet gelekî girîng e. Helwest, tawir û gotarên siyasî helbet dikarin ji hev cudabin û werin munaqeşekirin. Ez bahsa jiyana kurdîzade dikim. Ka, em dibêjin ya "jiyan bi kurdî xweş e." Bi rastî kurdiya te, wê tahmê dide mirov. Ji wê bonê binivîse. Gera xwe ya rojane jî binivîse, pêşwaziya mêvanan jî binivîse, tamîrata haletên navmalê jî û derketina serê xênî jî binivîse. Weke mesela ku dibêjin "Xêrê bike bavêje bahrê, masî nezanibe, xaliq dizane." Ez û kek Fuat banko şopandêrê te ne, vêya jî zanibe.

Rêber Tusanî Bavê Rodî Mal li Hemka Banehî li şemka
Roja Îro
Hizir u Raman bê mifane, madem şervanên te tunene, madem hun dorî Kurdistanêne
Madem pere u pol tuneye .

Zinarê Xamo Kekê Sabahatîn, gelek spas ji van dîtin û gotinên te yên dostane û aqilane. Hebûna heval û dostên wek te û Fûad ji bo min her tim şans û serbilindî ye. Dîtin û pêşniyarên we ne tenê min dilşa dike, her wisa moral û hêzê jî dide min.
Heta ji min tê ez dixwazim di fikir û helwesta xwe da ne durû û ne nanê sêlê bim. Tiştê rast dibînim, tiştê jê bawer dikim dibêjim, tu carî li berjewendîyên şexsê nafikirim.
Lema jî bi qasî dilxwazên min, dilnexwazên min jî pir in. Belkî jî dilnexwazên min gelkî zêdetir in. Ez wer his dikim.
Çimkî ez tu carî baweriya xwe naxim bin emrê kesî.
Bêguman her kesê di medîya sosyal da min taqîb dike nizane, lê hevalên min nas dikin zanin, ez ji zimanê xwe û ji nivîsandinê pir hez dikim.
Ez ji heneka, ji mîzahê, ji nuketeyan pir hez dikim.
Ez nikanim nenivîsim. Çimkî kêfekê jê digrim.
Tiştê ez dinivîsim ji bo hinekan bêqîmet bin jî ez jê hez dikim, loma jî dinivîsim.
Ji çi hez dikim û kanim çi binivîsim wiya dinivîsim.
Tiştê ez ji heq dernakevim û xwe têra wî karî nebînim nakim.
Di jiyana xwe da jî û di nivîsandinê da jî hinekî mukemeliyetxwaz(tekûzîxwaz) im, tiştê dikim dixwazim baş, ”mikemel” be û biecibînim.
Îcar ev tişt ji bo hinekan kane tiştên ne hewce, vala, filan bîvan bin û li alî din kêfa hin dost û hevalan jê ra were.

Mahfuz Yildiz Ez ji nivîsên we xweșim Apê Zinar. Her dema ez nivîsekî we dibînim bêtirîn dixwazim bi Kurdî binivîsim û bixwînim. Ma gelo ev hizmetek kêm e ku hûn ji me re dikin?

Zinarê Xamo Gelek spas Mahfuz. Têm herdu çavên te.

Yucel Aslan Tu binivîse apo
Nivîsandina te mîna haveynê penêr û şîr e
Mîna hevîrtirşê nav hevîr e
Tu binivîse apo texîr neke
Tu binivîse apo texsîr neke
Em te dişopînim û dixwînin tu yeqîn bike.

Silav û rêz apê min î dilciwan

Hüsamettin Acar Dest û mejîyê te sağbe kek zinar ez xwe gelek sûd li nivìsê te vedgarim..devlet serê te ez agahîyan hevalën xwe yê swîdê distînim

Azad İslam Axaftin û xwendin û nivîsandina bi kurdî, kar û xebatekî herî girîng û pîroz e.

Aso Zagrosi Kek Zinar ev gotinên te rast nînin.. Ez çendîn salin te dişopînim.. Tu karekî gellek hêja dikî û rojane hewl didî bi Kurdîya xwe şîrîn, li ser hemû Rudaw/bûyerên Kurdistanê dinivîsî.. Tu ji bo hemû Kurdzimanan wekî Vorbild î... Ez nizanim tu çima tiştên wisa dibêjî, lê tu rast nakî.. Heger piranîya Kurdên me wekî te Kurdîhezbûyana rewşa me wisa nedibû.. Bi rêz û silav

Zinarê Xamo Spas Aso, mala te ava be. Dîtin û gotinên te ez kêfxweş kirim. Helbet ez zanim dostên wek te qedir didin nivîsîna bi kurdî.