Keştiya ji Tirkiyê diçû Lîbyayê tije teqemenî derket

Keştiya ji Tirkiyê diçû Lîbyayê tije teqemenî (malzemeyên di çêkirina bombeyan da tên bikaranîn) derket.

Yûnanîstanê li girava Gîrîtê keştiyeke(gemîyeke)ji Tirkiyê bar girtibû û diçû Lîbyayê girt. Piştî saxîkirinê derket ortê di nava barê keştiyê da.

Li gorî xebera Reutersê Keştî roja şemiyê li Girîtê hat dîtin û berpirsiyarên Yûnan keştî dane sekinandin.

Di saxîkirinê da bi amonyum nîtrat, funeyeyên bêelektirîk ra 29 konteynerên tije malzemeyên teqemenîyê û 11 tankên gaza petrola avî dîtin.

Keştî li benderên(lîmanên)Mêrsîn û Îskenderûnê hatiye barkirin.

Li gorî xebera malpera(sîteya) T24ê bi van malzemyeyên teqemenîyê(çêkirina bombe)welatek kane were xerakirin. Yanî malzemeyekî pir mezin e.

Esas ev ne surprîz e, ev 6-7 sal in Tirkiye bûye merkeza terorîstan û fabrîqeya van teqemenîyan.

Piraniya malzemeyên teqînên li Sûriyê, Lîbyayê, Yêmenê, Îraqê û hin derên din çê dibin ji Tirkiyê diçe.

Li gorî xeberê 8 muretebatên keştiyê hatine girtin. Ji muretebatan 2 kes ûkranî, 5 hindî û yek jî cezaîrî ye.

XXX

Siyaset di eslê xwe da karekî cidî ye, îdarekirina dewletê û mirova ye, çareserkirina gelşa ye, kilîta vekirina derîyên girtî ne.

Lê li Tirkiyê siyaset bûye hunerê neyartiya kurdan û parodîyeke pir xerab, ji ken bêtir madê meriv jê digere.