Min di kitêban da însan nas kirin

Min gelkî dixwest ez jî nuha li wir bûma...

Ev çend roj in li Diyarbekrê li Fûara Kitêban çalakî û tiştên pir baş dibin. Li ser edebiyatê, romanê, çîrokê, şiirê, dîrokê, folklorê û gelek babetên din panel, semîner û konferans çêdibin.
Xwendevan li nivîskaran guhdarî dikin, fikir, dîtin û mistewa wan fêr dibin. Pirsên di serê xwe da ji wan dikin, li ser wan mijaran fikrên wan fêr dibin.
Nivîskar jî îmkana dîtina xwendevanên xwe dibin û kitêbên xwe ji wan ra îmze dikin, li wan guhdarî dikin.
Ji bo herdu seriyan jî ev îmkaneke pir xweş e.
Bi kinî belediya Diyarbekrê îmaneke pir baş pêşkêşî weşanxane, nivîskar û xwendevanên kurd kiriye. Ji bo vê xizmetê ez li ser navê xwe spasî belediya Diyarbekrê dikim û dibêjim hezar carî mala we ava be, we karekî pir hêja kiriye.
Min gelkî dixwest ez jî nuha li wir bûma, di nava wan kitêban da begeriyama û ji wê panelê bûçûma wê konferansê.
Lê meriv karkirê xelkê be meriv hertim ne bi destê xwe ye, carinan daxwaza meriv di dilê meriv da diqurçime. Meriv tenê dikane di facebookê da li rismên xelkê temaşe bike…

XXX

Li ser kitêban çend aforîzm û gotinên biaqil.

Heger hûn dixwazin piştî mirinê neyên jibîrkirin ya berhemên hêjayî xwendinê binivîsin ya jî karên hêjayî nivîsandinê bikin.
///Benjamin Franklin

Kitêbên baş zarokên bavên xwe ebedî dikin.
///Eflatun

Kitêbeke baş xwîna can dide însên
///John Milton

Min di kitêban da însan nas kirin.
///Roosevelt

Ne min kitêbên xwe, kitêbên min ez derxistim ortê.
///Montaigne
Kitêb sar in, lê belê dostên saxlem in.
///Victor Hugo