Bi van siyastmedaran ra îşê kurdan pir zor e

Parlamentera HDPê ya Batmanê Ayla Akat Ata xanimê, li ser bûyer û trajediya keça kurd Ferînaz Xosrawanî gotiye:
”Îranê û dinyayê dît çawa ku Berîtan teslîmî PDKê nebû, Ferînaz jî teslîmî elemanên Îtlaatê(îstîxbarara Îranê)nebû.”
Ev meju, ev dîtin, ev hest û ev miqayese ne kurd û Kurdistanî ye, PDKê wek Îranê û îstîxbarata wê neyar dibîne. Ev gotin Ayla Akat Atayê tezahura neyartiyeke îdeolojîk û siyasî ya pir kûr e. Û wek kurd medê meriv digerîne. Îşê kurdan pir zor e…

Eez bi çîroka Bêrîtanê nizanim. Lê bizanibim jî zêde ferq nake. Di şerên PDKê û PKKê da ji herdu aliyan jî gelek însan hatin kuştin. Wek Bêrîtana PKKê, Bêrîtana PDKê jî heye. Ew jî dikanin eynî tiştî bibêjin. Ew jî nuh atiştekî wiha bibêjin şaş e û ezê wan jî rexne bikim.
Em hemû dizanin do gerîlla û pêşmerge gelek însan ji hev kuştin, lê îro eynî gerîlla û pêşmerge li Kobanê bi hev ra li dijî neyarên xwe yên mişterek şer kirin.
Di demeke wiha da Ayla Akat PDKê dişibîne ajanên îranê, dibêje herdu jî yek in. Dibê kurdên şiyar, kurdên welatparêz vê îrîş û termînolojiya Akatê qebûl nekin û li dij derkevin.
PDKê û YNKê jî gelek însan ji hev kuştin, lîderên hev kuştin, zirarên pir mezin dan hev. Lê dû ra herdu seriyan jî qebûl kirin ku şaş bû, dibê nebûya.
Yanî kurdan heta nuha bi şerê birakujiyê gelek zirar dan hev. Lê di netîceyê da gotin ew tiştekî şaş bû û dibê careke din dubare nebe. Nuha di demeke ku hewcedariya kurdan bi hevkariyê û yekîtiyê heye ji alî yeka wek Ayla Akat Atayê ve şibandineke wiha ji nezaniyê wêdetir xerabî û neyartiyeke mezin e. Bi vê gotina xwe Ayla Akat fêsadiyê dike, birînên kurdan tev radike û xizmetê ji neyarên miletê me ra dike.
Her kurdê welatparêz, ji kîjan hêzê dibe bira bibe, dibê biçe ser vê tahrîk û fêsadiya Akatê. Ev termînolojî xizmetê ji kurdan ra nake, tenê zirarê dide kurdan

Saît Çurukkaya, li ser şehîdketina Bertîtanê agahdariyeke pir muhîm daye, gotiye:
”Ayla Akatê ji ber cahilî û dijminatiya xwe li hemberî kurdan ev gotin kiriye. Kurdan di nabêna xwe da şer kirine, gelek kesî di wî şerî da jiyana xwe wend kir. Ne pêşmerge û ne jî gerîlla tu carî tecawizî jinekê nekiriye. Bêrtîtanê di sala 1992a da li herêma Xakurkê jiyana xwe wenda kir. Û hêza li wir şer dikir jî pêşmergeyên YNKê bûn. Bi hezaran gerîlayên jin ji PKKê veqetiyan û teslîmî Kurdistana başûr bûn.”
Yanî hêza Bêrîtanê pê ra şer kiriye jî ne pêşmergeyên PDKê bûne. Ev jî muhîm e. Çimkî çepên kurd û tirkên di nava PKKê û HDPê da di her fersendê da neyartiya PDKê û malbata Barzaniyan dikin. Ev jî nuxteyeke muhîm e.