Du roj berê Serokerkaniya Tirk di brîfîngekê da qebûl kir ku serekerkanîyê li dora 430 malperên înternetê fîş kiriye û ji bo meşandina şerê psîkolojîk jî 42 malper vekirine.
Lê dûra gotin, ev yek di sala 2000-î da bi îzin û destûra hukûmeta Bulent Ecevît bûye, wan bi serê xwe nekiriye.
Hukûmetê do tavilê bersîva vê îdîaya serokekaniyê da û got ew destûr di sala 2007-an da bi qanûna jimara 5651-ê hatiye betalkirin û serokerkanî jî vê yekê baş dizane.
Yanî tiştê heta nuha serekerkaniyê kiriye him bêqanûnîye û him jî haya hukûmetê jê tuneye.
Çapemeniya kurd qala bûyera fîşkirina malperên înternetê kir, lê kes qet li ser 42 malperên(sîteyên)serekerkaniyê yên ku ji bo şerê psîkolojîk hatine avakrin nesekinî.
Di destpêkê da hat gotin ku serekerkanî 430 malperên înternêtê ku piraniya van yên kurdan e fîş kirine û taqîb dikin.
Lê dûra derket ortê ku bêyî van malperan, serekerkaniyê 42 malperên bi navên cuda vekirine û bi riya van melperan li hember kurdan û hêzên îslamî şerekî psîkolojîk didn meşandin.
Ev yek gelkî girîng e. Dibê kurd biçin ser vê meselê û heger mimkûn be van malperan derxin, eşkere bikin.
Ji ber gelek malperên heta nuha wek yên nîjadperest û faşîstan dihatin zanîn bi îhtîmaleke mezin yên artêşê ne û ji alî serekerkaniyê va tên îdarekrin.
Wek numûne, malpera ”TURK SOLU” ku heroj neyartiya kurdan dike, dikane ya serekerkaniyê be.
Dibê hêzên kurd yên siyasî û çapemeniya kurd here ser vê meselê û koka wê derxe.
Çimkî ev 42 malper, li Tirkiyê li hember kurdan heroj tahrîk û prowakasyonên mezin dikin, milet li hember kurdan pîj dikin û jahriya nîjadperestiyê di nava tirkan da belav dikin.
Dîwarê Berlînê û sînorên KurdistanêEv du roj in bîstemîn salvegera hilweşandina dîwarê Berlînê ji alî sedhezaran ve bi meş, civîn û şahiyên pir mezin tê pîrozkirin.
Di çarçeweya pîrozbahiyan da dîwarê ji hezar perçeyên weke domînoyê pêkhatî
careke din hate hilweşandin û bi vî rengî mesaja aştiyê ji dinyayê ra hate dayin.
Li dora 30 serokên dewlet û hukûmetan bi çendsed zarokî ra ji deriyê Brandenburgê ji aliyê rojava derbasî aliyê rojhilat bûn.
Serokwezîra Almanya Angela merkel, di axftina xwe da got:
”Îro rojeke Almanya ya gelkî bisiûd bû. Dîwarê ku gelek, parzemînek ji hev qetandibû 20 sal berê hilweşiyabû. Ji bo min rokeke herî bextewar bû. Dîwarê ku du dinya ji hev veqetandibû hilweşiyabû, şerê sar qediyabû.”
Dema di telewîzyonê da min li merasima pîrozbahiyê, axaftinên berpirsiyar û serokên dewletan û şiroveyên nûçegîhanan(peyamnêran)guhdarî dikir ez ketim derya xem û xeyalan û min rojeke wiha ji bo me kurdên bakur jî xeyal kir.
Dîwarê Berlînê herewere 28 salan li ber xwe da, tenê 28 salan dikanîbû bajarekî û miletekî ji hev veqetîne.
Û dema ev dîwarê bi heybet û bi nav û deng hedimî jî yek dilop xwîn nerijiya, yek gulle nehat berdan.
Bawerî, ezm û îradeya însanan ev dîwarê sunî û tirsê bi erdê ra kir yek û bi sedhezaran însan weke lehiyê di ser ra derbas bûn, dîwar kirin serad, hûrhûrî kirin.
Dîwarê ji betonê li hember îradeya gel nikanîbû zêde li ber xwe bida, zû hedimî...
Lê yê me, ev 86 sal in em dikin û nakin, em nikanin sînor û dîwarên ku em kurd, gund û bajarên me, welatê me ji hev qetandine ji ortê rakin.
Dibêjin dinya bi dor e, qey rojekê ewê dor were me jî, qey emê jî rojekê sînorên di nabêna milet û bajarên xwe da rakin, dîwarên zulmê hilweşînin û Serêkaniyê û Nisêbînê bi nîvê wan yê din ra bikin yek…
Koça mala bavê min dike here
Delal bi saetan li min zeriyê digere
Zanim lava dike ramûsanekê
Lê dike nake dev lê nagere
Qurba gelî kûr bû ez daketim
Strî hûr bûn bi nav da ketim
Ji bo sebre dila bilind firîm
Çi bikim li vê deştê nizim ketim
Mala bar kir koç bi rêket
Kewa gozel bi rex êlê ket
Hezkiriyê min diçe xerîbiyê
Dilê min heliya agir pê ket
Inga kommentarer:
Skicka en kommentar