Kesên li dijî yasaxa kurdî derdilevin ew bi xwe bi zarokên xwe bi kurdî napeyivin

Li Stenbolê şîrketeke înşaatê ya bi navê ”Yapi & Yapi” axftina kurdî li karkirên xwe yasax kiriye û ji bo vê yekê jî beyaneke nivîskî jî belav kiriye.

Ev çend roj in di medyaya sosyal da kurd vê meselê minaqaşe dikin û şîrketa kurdî li karkirên xwe yasax kiriye rexne dikin.

Lê ez bawer nakim ji sedî yekê kesên yasaxa şîrketê rexne dikin bi zarokên xwe ra bi kurdî dipeyivin.

Belkî ew karkir bi xwe jî li mala xwe bi zarokên xwe ra bi kurdî napeyivin, tenê di dema xebatê da ya straneke bi kurdî gotine ya jî bêhemdî du sê galgal bi hev ra kirine.

Yanî qet ne hewceyî yasaxê ye, ji xwe kurdan bi xwe dev ji kurdî berdaye. Dibê tirk di vî warî da rehet bin û nekevin telaşê.

Ji ber ku kurdî ne zimanê perwerdeyê ye û zarokên kurdan bi zimanê dayika xwe naxwînin kurd dewletê rexne dikin. Baş e rexne bikin. Lê ew bi xwe bi zarokên xwe bi kurdî napeyivin.

Dewletê di malan da axaftina kurdî li kurdan yasax nekiriye, lê piraniya kurdan dîsa jî bi kurdî napeyivin.

Yanî xeta xwar ji kurdan bi xwe da ye, erê dewlet zalim e, irçîtiyê û bênamûsiyê dike, heqê m enade, ev  hemû ras in.

Lê em bi xwe jî ne aşiqê kurdî ne, em bi xwe jî bi hev ra, bi zarokên xwe ra bi kurdî napeyivin.

Kurdê ji dagirkirina welatê xwe ra li çepikan xe, kêfa xwe bi dagirkirina Efrînê û bi kuştina 3800 kurdî bîne ma  qet zimên diparêze?

Tiştê kurd dikin tenê gotin e, lê bi daxwazên xwe ra ne samîmî ne.

Di TRTkurdî da li programa (Civak û Siyaset) ya Vahdetîn Înce û Muhsîn Kizilkaya ya do(30/3) temaşe bikin û hûnê bibînin di nava kurdan da çi xayin mezin hene...

Yê kêfa wî ji dagirkirina welatê wî ra were ewê ziman çi bike...

Tirkiyê du sê caran bi qasî erdê Efrînê li Kurdistana Başûr dagir kiriye

Leşkerên tirk li dora 20 km., belkî jî hîn zêdetir ketine nava axa Kurdistana Federe û li ser hin çiyayên pir bilind û stratejîk baregeh û qereqolên leşkerî çê dikin.

Leşkerên tirk av û kaniyên hin gundan xistine bin kontrola xwe û ji bo ku gundî bikanibin heywanên xwe av bidin dibê herin destûrê ji leşkerên tirk bigrin.

Muxtarê gundê Bermîzê Ebdulrezaq Biradostî ji ajansa Spûtnîkê ra gotiye hin caran leşker nahêlin gundî herin ser avê û zahmetiyan derdixin.

Yanî gelek gund ketine bin destê leşkerên tirk û êdî ew herêmê îdare dikin. Li ser Çiyayê Kitkîn baregehên leşkerî ava dikin.

Lê belê ne hukûmeta Kurdistanê li dijî vê dagirkeriya Tirkiyê derdikeve û ne jî Îraq. Ji ber ku kes dengê xwe nake Tirkiye jî li dera dilê wan dixwaze, li dera herî stratejîk  baregehên leşkerî  û qereqolên xwe ava dikin. Û gundî jî lê temaşe dikin. Diyar e Tirkiye bi îzna hukûmeta Kurdistanê viya dike. Ne mimkûn e haya hukûmetê ji viya tunebe.

Kurd newêrin herin hinda makîneyên rê û qereqolan çê dikin û bibêjin çi karê we li vir heye, bi çi heqî hûn welatê me qereqolêan ava dikin?

Ji dûr va li wan temaşe dikin, ji Rûdawê ra gotine wer xuya ye îcar ewê venegerin, ewê li vir bi cî bibin..

Ev welat li me kurdan heram e û li Tirkiyê helal e. Em ne miletekî layiqî bi xwedî welat bin, lê tirk layiq in. 

Lema jî bira Kurdistana başûr jî li wan helal be.

Ji xwe dilê wan ku derê bixwaze wira digrin, welatekî bêxwedî ye, tu kes guleyekê bera leşkerê tirk nade, nabêje ji welatê me derkevin. Netwêre ji tirkan bipirsin, bibêjin hûn çawa û bi çi heqî 16 km.

ketine nava axa me û li gundên me qereqola ava dikin?

Pir ji dûr va li tirkan temaşe dikin...

Wer xuya ye Tirkiye bi hinceta PKKê ewê rojava û başûrê Kurdistanê jî bigre. Li Erdgoan helal be, wek şîrê diya wî lê helal be...

Em kurd layiqî bindestiyê û koletiyê ne, me bindestî û koletiya tirk û ereban heq kiriye. Serokên me ne hêjayî pîvazekê ne jî...

-Tirkiye 3 baregehên leşkerî li nav axa Başûrê Kurdistanê çêdike

-Lînka xebera Sputnîkê

-Hêzên tirk di nava axa Kurdistna Başûr da qereqolan ava dikin.

Çavê dinyayê û Neteweyên Yekbûyî ji filistîniyan ra çar e û ji kurdan ra kor e

Ji bo bûyerên Xezayê û kuştina 15 filistîniyan Tirkiyê qiyamet rakiriye, birêvebirên Tirkiyê gotinên pir giran ji Îsraîl ra dibêjin.

Konseya Ewlekariya Neteweyên Yekbûyî bi lez dicive.

Hemû ajans û telewîzyonên dinyayê qala bûyerên Xezayê û şîdeta Îsraîl dikin.

Tirkiyê 58 rojan Efrîn û gundên wê bombebaran kir, Efrîn, gelek gund û navçe wêran kir, 150 hezar însan koçber bûn. 

Û li gorî gotina Erdogan 3800 ”terorîst” kuştin.

Lê ne Îsraîl rojekê Tirkiye rexne kir û ne jî Konseya Ewlekariyê ji bo Efrînê civiya.

Ji xwe Neteweyên Yekbûyî, Konseya Ewlekariyê di tu beyan û biryareke xwe da navê Efrînê û kurdan jî zikir nekir.

Leşkerên Îsraîl sîleyekê li filistîniyekî xe, Tirkiye qiyametê radike, gotinên pir giran ji Îsraîl ra dibêje, dibêje ev teror e.

Tirkiye bi hezaran kurdî dikuje, bajaran dagir dike, talan û wêran dike, bi terorîst û çeteyên îslamî ra hevkariyê dike, Îsraîl newêre dengê xwe bike. Çimkî Îsraîl ji Tirkiyê ditirse, naxwaze xezeba Erdogan li xe bîne xezebê.

Hemû dinyayê, Neteweyên Yekbûyî û Yektîtiya Ewrûpayê jî di nav da, 58 rojan li êrîşên Tirkiyê temaşe kirin. Kesî Tirkiye rexne nekir.

Lê eynî Neteweyên Yekbûyî û eynî dinya li ser bûyerên Xezayê rabûye ser piya û Îsraîl rexne dikin…
Evy ek jî nîşan dide hemû dinya dijminê me ye.

Gava mesele dibe kurd, Neteweyên Yekbûyî jî û hemû dinya jî dibe bênamûs û bêşeref, hemû li qetla me temaşe dikin.

Neteweyên Yekbûyî li dijî kuştina her miletî derdikeve, zulma li her miletî dibe protesto dike, tenê li dijî zulma li kurdan dibe dernakeve, tenê li dijî kuştina kurdan dernakeve. 

Gava mesele dibe kurd û Kurdistan ji tirsa tirkan û Tirkiyê hemû dinaya xwe kerr û lal dibe, kumê bênamûsiyê û bêşerefiyê dide serê xwe û devê xwe digre.

Tufî li namûs û şerefa we hemûyan be…

Ev dinya, bi hemû dezgehên xwe yên mafên însanî û nizanim çi û çi ve dinyayeke bêbext, bêûjdan, bêedalet û bêşeref e…

Pêşewa Qazî Mihemed, Seyfî Qazî û Sedrî Qazî nemir in, ewê tim di dilê miletê kurd da bijîn !

Serokkomarê Kurdistanê Pêşewa Qazî Mihemed, pismamê wî Seyfî Qazî û birayê wî Sedrî Qazî di 31ê adara 1947a da li Mahabadê li Meydana Çarçira, li wê meydana Kurdistan lê hatibû îlankirin ji aliyê Îranê ve hat darvekirin.

71 sal di ser wê roja reş ra derbas bûn, lê belê miletê tu carî şehîdên Kurdistanê Pêşewa Qazî Mihemed, pismamê wî Seyfî Qazî û birayê wî Sedrî Qazî ji bîr nekir.

Di 71 saliya şehadata Qazî Mihemed û hevalên wî da, Pêşewa Qazî Mihemed, pismamê wî Seyfî Qazî û birayê wî Sadrî Qazî û hemû şehîdên kurd û Kurdistanê bi hurmet bibîr tînim….

Di ser îdamakirina Qazî Mihemd û havalên wî ra ra 71 sal derbas bûn, lê ew di dilê her kurdî da dijîn, ew şehîdên Kurdistanê yên nemir in.

Îdama Qazî Mihemd û Meydana Çarçira di dil û hafizeya her kurdê welatparêz da birîneke kûr e û şopeke mezin hîştiye, ev meydan, ev roj, ev dîrok tu carî nayê jibîrkirin.

Di 71 saliya şehadata Qazî Mihemed û hevalên wî da, Pêşewa Qazî Mihemed, Seyfî Qazî, Sadrî Qazî û hemû şehîdên kurd û Kurdistanê bi hurmet bibîr tînim….
Qazî Mihemd nemir e…

Qazî Mihemed di mahkimê da awirekî tûj da serleşkerê ecem û wiha got:
”Mirina bi şeref baştire ji jiyana bindestiyê. Belê çend deqîqeyên din ez bi werîsê sêdara îdamê ve daleqandîme, lê ez we di binê sola di nigên xwe da dibînim. Min ji bo netewa kurd azadî kire fîrûze, hûn Mihemedekî dikujin, bes ji her dilopeke xwîna min bi hezaran Mihemed tên dinê, bi îdamkirina Mihemedekî azadiya gelê kurd ji nav naçe.”

Bi dengê Qazî Mihemed: "Kurdistan welatek Bi dengê Qazî Mihemd "Kurdistan welateke nabe çar"e nabe çar."

Heger Îsraîl Efrîn dagir kiribûya ma welatên ereb û dinya ewê wiha bêdeng bima?

Heger ne Tirkiyê, Îsraîl Efrîn dagir kiribûya ma dinya û welatên ereb ewê wiha bêdeng bimana?

Tirkiyê 50 leşkerên xwe û 150 çeteyên xwe yên îslamî da kuştin û Efrîn dagir kir.

Heta çend rojan ewê Efrînê bi Hatayê ve girê bidin û wê jî bikin bajarekî Tirkiyê.

Bi gotina Erdogan, Tirkiyê tevî Efrînê 2 hezar km ji erdê Sûriyê dagir kiriye.

Ne Neteweyên Yekbûyî, ne Yekîtiya Ewrûpayê û ne jî dewleteke din heta nuha ji Tirkiyê ra negotiye te erdê Sûriyê, bajarên Sûriyê dagir kiriye û derkeve.

Heta nuha yek dewletekê jî dagirkiriya Tirkiyê şermezar nekiriye û tu kes jî qala koçberiya 150 hezar kurdî nake.

Heger ji dêlî Tirkiyê ve Îsraîl Efrîn dagir kiribûya gelo Neteweyên Yekbûyî, Yekîtiya Ewrûpayê û dinya ewê wiha bêdeng bima?

Bi baweriya min na. 

Neteweyên Yekbûyî jî, Yekîtiya Ewrûpayê jî û dinyayê jî li hember Îsraîl ewê qiyamet rakirana.
Tirkiyê li hemberî Îsraîê belkî herb îlan bikira.

Lê Îsraîl heta nuha negotiye ”kirt”, newêre dengê xwe bike. Newêre ji qalibê xwe derkeve.

Lê heger Îsraîl Efrîn ya jî bajarekî din yê Sûriyê dagir kiribûya, bi Xwedê Erdogan ewê tiliya xwe di çavê Netanyahu ra kiribûya, herr oj ewê gotinên nemayî ji Îsraîl ra bikira.

Lê Îsraîl heta nuha yek beyan jî li ser Efrînê nedaye û îşxala Tirkiyê protesto nekiriye.
Heger Îsraîl Efrîn dagir kiribûya ewê li her welatê Ewrûpayê her roj Îsraîl bihata protestokirin.
Di ajans û telewîzyonên cîhanê da dagirkeriya Îsraîl ewê tim xebera yekem bûya.

Ajansan ewê ji Efrînê her roj dîmenên dilşewat belav bikirana.

Lê ji ber ku welatê Efrîn dagir kiriye Tirkîyeye kes newêre dengê xwe bike, tew kes nabêje Efrîn hatiye dagirkirin.  

Heta nuha yek rojnamevanekî swêdî jî neçûye Efrînê û nava koçeberên ji Efrînê reviyane.
Du sebebên vê bêdengiyê kanin hebin.

Yek, dinya ji tirkan û Tirkiyê pir hez dike, lema jî naxwazin qala dagirkeriya Tirkyê bikin, yanî îltîmas dikin.

Ya din her kes ji Tirkiyê ditirse.

Lema jî tu dewlet newêre ji Tirkiyê ra bibêje te Efrîn dagir kiriye.

Amerîka, Îngilistan, Almanya, Fransa, Îtalya, Îspanya, Yekîtiya Ewrûpa, welatên ereb hemû ji Tirkiyê ditirsin, lema kes newêre li dijî dagirkeriya Tirkiyê derkeve. Lema kes newêre devê xwe veke. Heta nuha Îran û welatên ereb jî di nav da(bêyî Misrê), li dinyayê yek dewlet jî li dijî dagirkeriya Tirkiyê derneketiye û ji Tirkiyê ra negotiye ji Efrînê vekişe.

Erdogan ev yek baş fêm kiriye, lema jî ewê gelek derên din jî dagir bike, ewê ”Mîsakî Millî” ji nuh ve paş da bîne. Hazirî û hedefa wî ev e...

Erdogan bersîveke "frekansa wê pir bilind" daye Macron !

Heyeteke Rojavayê Kurdistanê do li Parîsê bi Serokê Fransayê Emmanuel Macron ra civiya û li ser êrîşên Tirkiyê û rewşa kurdan agahî dan Macron û ji Fransayê alîkarî xwestin. 

Li gor daxwiyaniya Qesra Elyseeyê, Macron di civînê da soza alîkariyê daye Kurdan û gotiye ew kanin di nabêna PYDê/HSDê û Tirkiyê da nabênkariyê bikin.

Tirkiyê îro ev pêşniyara Macron red kir, got ew tu carî bi ”terorîstan ra rûnanin.”

Spas ji bo beyana Macron û hêvî dikim ev beyana Macron samîmî be, ne ji bo bazareke bi Tirkiyê ra be. 

Lê Tirkiye nuha ewê Fransayê jî wek yên din bi bertîl û rişwetê bîne rê. Erdogan ev îş baş fêm kiriye, ew zane ewrûpî çawa tên kirîn. 

Ewrûpî jî pînc in, dema îşê wan baş naçe, sîlehên wan nayên firotin, xwe nêzî kurdan dikin, dibêjin ewê piştgiriyê bidin PYDê, filan û bîvan. 

A li ser vê Erdogan devê kîs vedike û çend balafir, helîkopter û sîleh mîlehan dikire û meselê hel dike.

Ev 40 sal e eynî çîrok e, ne xêra kurdan bûya li Ewrûpa û Amerîkayê gelek fabrîqeyên sîlehan hatibûn girtin.

Di şer û tecrûbeya 40 salî da derket ortê bi vê siyasetê em nikanin zora dijminên xwe bibin. Dibê em ji xwe ra rêyeke nuh, siyaseteke nuh bibînin. Dibê em rûnin û muhasebeyekê bikin, em bala xwe bidinê hela me di ku da şaşî kir û di ku da em rast bûn?

 Rêdûr Xelîl qala hevdîtina bi Macron re dikr

Erdogan îcar bela xwe di Macron da. Ji bo beyana Macron ya ku gotibû Fransa ewê alîkariyê bide YPGê û ew dixwaze di nabêna YPGê û Tirkiyê da bibe nabêncî, Erdogan gotiye ”beyaneke hedê wî û bejna wî derbas dike” !

Gotinên Erdogan li yên ser beyana Macron:

”Macron pir ecêb ecêb dipeyive. Min bersîveke frekansa wê bilind dayê.

´Me garantîya alîkariyê da YPGê.´ Hela bala xwe bidin gotinê yaho?

Heger gotina em dixwazin bibin nabênkarê Tirkiyê û YPGê rast be, ev beyaneke hedê wî jî û bejna wî jî pir derbas dike. Ji xwe ra dibe bûk û zava. Tevî karên bejna te derbas dike nebe!

Hewcedariya me bi nabênciyan tuneye. Tirkiye bi rêxistinên terorîst ra rûnane. Tirkiye wek li Efrînê kir bi rêxistinên terorîst ra micadele dike. 

Hûn kî ne û çawa kanin bibêjin hûn dixwazin di nabêna Tirkiyê û rêxistina terorê da bibin nabêncî? Hûn çawa kanin peyveke wiha bigrin devê xwe? 

Tiştê hatiye serê me her tim kane were serê Fransayê jî. Di vî warî da heneka me, musameha me qet tuneye. Ma ez hîn çi bibêjinm?”

Xwendevanên Beşê Ziman û Edebiyata Kurdî bi hev ra bi tirkî dipeyivin

Raman Ayatullah li zanîngeha  Mûşê xwendevanê ” Beşê Ziman û Edebiyata Kurdî” ye. 

Raman Ayatullah, di Facebooka xwe da li ser beşê xwe gotiye her çiqas ew beşê ziman û edebiyata kurdî dixwînin jî, lê ne di sinifê da û ne jî li derveyî sinifê wendevan bi hev ra bi kurdî napeyivin, her kes bi tirkî dipeyive.

Li hembeî vê agahiyê ne mimkûn e meriv matmayî nebe !

Ev çawa zanîngeh e, çawa xwendin e min fam nekir!

Mamoste çawa destûrê didin wan, min ew jî fam nekir !

Xwendevanên beşê zimanekî çima ewê bi zimanekî din bi hev ra bipeyivin tiştekî pir xerîb e, dibê psîkolog û sosyolog li ser vê sosiretê lêkolînê bikin…

Dersa meriv bi zimanekî dît, kitêba meriv bi zimanekî xwend, mamosteyê meriv bi zimanekî lê guhdarî kir, dibê meriv bi wî zimanî jî bipeyive û minaqaşe bike.

Lê xwendevanên Zanîngeha Mûşê Beşê Ziman û Edebiyata Kurdî him xwendevanên kurdî ne û him jî bi kurdî napeyivin, zimanê wan yê zanîngehê tirkî ye.

Bi gotineke herî sivik xwendevanên li wê zanîngehê ziman û edebiyata kurdî dixwînin ji kurdî nefret dikin û tu carî nafikirin bi kurdî bipeyivin. Lê li pey dîplomayekê ne, vî mafê kurdan ji bo berjewendiyên xwe yên şexsî îstîsmar dikin. Dixwazin li ser navê kurdan bibin xwedî dîplome, çimkî li dereke din nikanin bibin.

Lê mamosteyê wan jî ne tu mamoste ne, dibê qebûl nekira…

Meriv deng bike derdeke, deng neke derdekî din e. Li Kurdistana Başûr hukşmet, meclîs tuneye, otorîteyeke netewî tuneye, kurd bûne wek keriyê bêşivan û ketine nava lepên ereban û ereb jî wek gurên devbixwîn bi wan ketine.

Bi emrê walî li Kerkûkê mal û dikanên kurdan ji wan tên stendin û xera dikin. Ji bo kurdan ji Kerkûkê derxin her zulmê li kurdan dikin. Û hukûmeta Kurdistanê, ji serokê hukûmetê, ji meclîsa Kurdistanê, ji partiyên kurdan deng dernakeve. Her kes li vê terora ereban temaşe dike. Tu dibêjî belkî ne hukûmet heye û ne jî meclîs .

Bi kurtî tiştê hatiye serê kurdên başûr ji felaketê jî mejintir e.
Van serok û van partiyan mala kurdan şewitandin, kurd perîşn kirin. Musebîbê vê perîşaniya kurdan PDK û YNK ye, lê kes nikane hesab ji wan bipirse....

Gerek YE teslîmî dîktatoran nebe

Rejîma Tirkiyê ya faşîst dixwaze bi tacîz û terorê, bi siyaseta şerkar ne kurdan tenê, Yekîtiya Ewrûpayê jî teslîm bigre û bêdeng bike. 

Lema jî gav û saetê Yekîtifya Ewrûpayê bi gelek kanalan tacîz dike, zextê dide ser ji bo ku kurdên reviyane teslîmî Tirkiyê bikin. Navê bi hezaran kurdî dane Întepolê. Yek ji van kurdan jî seroka belediya Cizîrê Leyla Îmret e. 

Ji bo ku Leyla Îmret li Konseya Yekîtiya Ewrûpayê nepeyive û qala zulm û terora Tirkiyê neke navê wê dane Înterpolê. Ji bo ku Leyla Îmret li nepeyive zext dane ser Yekîtiya Ewrûpayê, gotine viya hevala "terorîsta" ye. Tiştê li Tirkiyê û li Kurdistanê dikin dixwazin li Ewrûpayê jî bikin, dixwazin li Ewrûpayê jî devê kurdan bigrin.

Dibê Yekîtiya Ewrûpayê vê terora Tirkiyê qebûl neke, teslîmî zorê nebe.
Teslîmiyeta li hemberî  dîktatoran tim bûye sebebê felaketên mezin, dibê YE teslîmî dîktatorê Tirkiyê nebe.

Wezîrê Karên Derve yê Rûsyayê Lavrov gotiye, ”Li herêmê, li welatên kurd lê dijîn bêyî gelê kurd ne mimkûn e tu gelş çareser bibe.”

Ev namerd henekê xwe bi kurdan dike. Efrîn ji kurdan stendin dan Tirkiyê û çeteyên îslamî, bi tirkan ra kurd xistine quncikekî teng, dikin bifetisînin, bêşeref dibêje bêyî kurdan tu gelş çareser nabe.

Heger bêyî kurdan nabe wê demê ev bêbextî û namerdiya we li Efrînê li kurdna kir çi ye?

Ev merivê bêexlaq û rezîl tinazê xwe bi kurdan dike. Di dagirkirina Efrînê da sûcê Rûsyayê ji yê Tirkiyê girantir e, çimkî Rûsyayê destûr neda Tirkiye nikanîbû êrîşî ser Efrînê bike, nikanîbû vê zulmê li kurdan bike. Him bajarê kurdan didin dagirkirin, 150 hezar kurd didin koçberkirin û him jî dibje bêyî kurdan nabe. Ev durûtî û bêxalqî ye.

Gelo Tirkiye ewê bikane Amerîkayê jî bi kirîna fuzeyên Patrîot bikre?

Tirkiye ji bo ku li Sûriyê kurdan bifetisîne bi kirîna fuzeyên S-400 Rûsya bertîl kir, nuha jî dike bi kirîna fuzeyên "Patrîot" Amerîkayê jî bertîl bike.

Gelo Tirkiye wek Rûsya bi kirîne fuzeyên S-400î kirî, ewê bikanibe Amerîkayê jî bi kirîna fuzeyên Patrîot bikire?

Bi baweriya min mimkûn e. 

Ji bo kurd li Sûriyê nebin xwedî maf Tirkiye kane hemû sîlehên Rûsyayê û Amerîkayê bikire. 

Bazarê dest pê kiriye. Bi dîtina min tu asteng tuneye ev bazar neçe serî. 

Tirkiye amadeye Patrîotan sed qatî buhatir bikire û Amerîka jî li dû wê ye.

Maneya xwe piştî lihevkirinê tiştê Rûsyayê kir, Amerîkayê jî bike. Diyar e piştgiriya Amerîka ya bi PYDê û HSDê ra heta firotina Patrîtan e. Ji bo Patrîotan deh qatî buhatir bifroşin Tirkiyê, amerîkî çavê Tirkiyê baş ditirsînin.

Netîce ûjdan û bextê dewletan tuneye, bêbextiya Rûsyayê kir, Amerîka jî kane bike, yanî ew îhtîmal heye. Lê ewê bike ya neke hîn ne diyar e. Hêvî dikim neke.

Lê tiştê tayinker ne hêvî ye, berjewendî ye. Îcar berjewendiyên Amerîkayê ewê di berdewamiya mitefîkiya kurdan da be ya jî di firotina Patrîotan da be rojên pêş ewê nîşan bide. Em nemrin emê bibînin.

Tiştê min ji siyaseta dewletan fêm kiriye her tişt mimkûn e, dewlet kanin her bêbextiyê, her qeleşiyê bikin. Û bi taybetî jî li hemberî kurdan pir rehet dikin, çimkî tu baceke wê tuneye...

Ma tiştê Rûsyayê kir Amerîka jî bike, kurd kanin çi bikin? 

Qet, nikanin tiştekî jî bikin.

Ma gava Rûsyayê Efrîn da Tirkyê me tiştek bi Rûsyayê kir?

Heger Amerîka jî Minbicê û herêmên din bide Tirkiyê emê nikanibin tiştekî bi Amerîkayê jî bikin.

Ji xwe ji ber ku zanin em nikanin tiştekî bikin vê namerdiyê dikin.

Dibê meriv guh bide vê şîreta Machiavelli

Rêya herî kin ya fêmkirina qelîteya serokekî, dibê meriv bala xwe bide kesên li dora wî.
///Machiavelli

Dema rev hewce be bireve, dema wêrekî hewce be wêrek be. Tu her tiştî ji bo xwe dikî.
///Machiavelli

Serokên kurdan kesî nêzî xwe nakin, merivên bi tenê ne, çimkî kûpê êqil in, ne hewceyî aqilê kesî ne.
Û yên li dora wan hene jî bi piranî pepûk in, wezîfeya wan leqandina serî û parastina serok e.

Ez ji gudarîkirinê hez dikim. Li însanan bi gudarîkirina bi dîqet ez gelek tiştî fêr bûm. Gelek kes li yê hemberî xwe qet gudarî nake.
///Ernest Hemingway

Li ba tirk û ereban kultura gudarîkirinê tuneye, kultura axaftina di devê hev da, birrîna peyvên hev, qîrîn û kakafonîyê heye.

Di telewîzyonê da li minaqaşeyeke tirkan temaşe bikin hûnê bibînin tirk çawa dipeyivin.
Ev bêkulturiya ereb û tirkan di me jî gerîyaye, çimkî em bi perwerdeya wan mezin bûne…

Heyeta Ewlekariya Netewî ya Tirkiyeyê (MGK) di bin serokatiya Erdogan da civîyaye û piştî civînê li ser Efrînê, Minbicê, Şengal û Qendîlê belavokek belav kiriye.

HENê di belavoka xwe da teqrîben gotiye hey Tirkiyê dest pê kiriye, dibê Minbicê, Şengalê, Qendîlê û her dera terorîst lê hene wek Efrînê bigre.

Em çi bibêjin jî hûnê nesekinin, çimkî çavê we me dibire û du dewletên baskokirî li hemberî we hene. 

Lema jî hûn pir har bûne. Lê ev stûrî ewê ji we ra nemîne. Hela ka em binêrin taliya we ewê ça be...

Îro li Tirkiyê rejîmeke ji apartheida Afrîka Başûr irqçîtir heye

Îro li Tirkiyê rejîmeke ji apartheida Afrîka Başûr zalimtir û irqçîtir heye û halê kurdan jî ji yê reşikan sed qatî xerabtir e. Welatê kurdan hatiye dagirkirin û dewlet zulmeke nedîtî li kurdan dike

Apartheid, navê rejîma irqçî ya Afrîka Başûr bû. 

Maneya peyva ”apartheid”ê nijadcudakarî ye, yanî spî di ser reşikan ra dihat dîtin, dewletê ferq û cudahî dixit nabêna mirovên spî û reşik, spî di ser reşikan ra didît, neheqî û zulm li reşikan dikir.

Lema jî hemû dinya li dijî rejîma apartheid ya Afrîka Başûr bû. Ambargoyekle berfireh li ser Afrîka Başûr bû. Turîst nediçûn Afrîka Başûr. Malên Arîka Başûr li Ewrûpayê dihat boykotkirin.

Li her welatî tevgerên antî- apartheid hebû, her kesî piştgiriya ANCê û Nelson Mandela dikir. 

Li Afrîka Başûr vê rejîma irqçî, nîjadpereset ji sala 1948a heta 1992a dom kir. Lê dawiya dawî de Klerk mecbûr ma dev ji rejîma apartheid berda û derbasî demokrasiyê bûn.

Di 1990î da bi berdana Nelson Mandela ra rejîma apartheid ji ortê rabû û Mendala di 1994a da bû serokê Afrîka Başûr.

Di ketina rejîma apartheid da piştgiriya navnetewî roleke esasî lîst, de Klerk mecbûr ma dev ji rejîma apartheidê berde û derbasî demokrasiyê bibe.

Rejîma Tirkiyê ya îro ji rejîma Botha ya apartheidê bi kêmanî deh qatan irqçîtir e û halê kurd li Tirkiyê tê da ne sed qatî ji halê reşikên Afrîka Başûr xerabtir e.

Lê dîsa li dinyayê kes piştgiriyê nade me, dîsa jî kes ambargoyê danîne ser Tirkiyê, dîsa jî Neteweyên Yekbûyî li ser vê rejîma tirk ya irqçî  û dagirker tu biryarê nagre û ji Tirkiyê ra nabêje zulmê li kurdna neke, û mafê kurdan yên netewî bide.

Di qada navnetewî da jî piştgiriya ji bo reşikên Afrîka Başûr hebû ji bo me kurdan tuneye, li tu welatekî dinyayê tevgereke li dijî rejîma tirk ya îslamîst-faşîst û antî-kurd tuneye. 

Neteweyên Yekbûyî, dinya li zulma tirk li me dikin temaşe dike. 

Dema rejîma Erdogan ya îslamî-faşîst vê bêdengiya dinyayê dibîne bêtir cesaretê digre û zulm û terora xwe zêde dike.

Bube Eser Kek Zinar dest xweş lê ê wan Mandala û ANCê wan hebû ê me kî heye gelo. Çend serokên me hene. Çend partiyên me hene. Ewropî wê alîkariya kîjan partiyê bikin. Divê em berê li xwe û xalê rastiya xwe mukur werin.
Silav

Zinarê Xamo Na weleh ne ANCa (Kongra Netewî ya Afrîka) me heye û ne jî serokekî me yê wek Mandela heye. Û ji xwe kêmasiya me jî ev e. Ez tim dibêjim, heta cepheyeke netewî ya Kurdistanê çê nebe û serokekî wek Gandî, wek Mandela netewî dernekeve halê me kurdan ewê tim ev halê rezîl be.

Îran û Rûsya li Sûriyê wek şêwirmendên Tirkiyê dixebitin

Di referandûma 25ê îlona 2017a ya Kurdistana Başûr da Îranê li hemberî kurdan ferman rakir, got ew qebûl nake kurd serxwebûnê îlan bikin, ew qebûl nake Îraq perçe bibe.

Lê eynî Îran li dagirkeriya Tirkiyê û li perçebûna Sûriyê temeşe dike. Tirkiye bajar li pey bajar li Sûriyê dagir dike, Îran lê temaşe dike. Tirkiyê zêdeyî 2 hezar km çargoşe erdê Sûriyê dagir kiriye lê Îran qet îtîraz neke. 

Erê herêmên Tirkiye dagir dike Kurdistan e lê erdê Sûriyê ye, wek welatekî mitefikê Sûriyê dibê Îran li dijî dagirkeriya Tirkiyê derketa û qebûl nekira. Lê qebûl dike. Îranê qebûl nekira Tirkiyê nikanîbû Efrîn jî û derên din jî dagir bikira. Hemû bi destûra Îranê û Rûsyayê bûye.

Xwedêgiravî Îran mitefikê Esed e. 

Rûsya hewetinê. Rûsya jî bi gotinê ”mitefikê” Esed e. Li Sûriyê baregehên Rûsya yên leşkerî hene. Lê Rûsya jî wek Îranê ji dagirkeriya Tirkiyê ra dengê xwe nake. Heta ne tenê dengê xwe nake, bajaran, erd dide Tirkiyê. Efrîn da Tirkiyê. Til Rifat da Tirkiyê.

Tirkiye jî nuha çeteyên xwe Feyleq El-Rehman ji Xutaya Rojhilat derxist û şand Efrînê û Idlibê. Ev yek hemû bi destê Rûsyayê dibe. Rûsya li Sûriyê wek artêşa Tirkiyê dixebite, derên Tirkiye nikane dagir bike Rûsya dide Tirkiyê. 

Rûsya li Sûriyê li hemberî kurdan wek hêzeke dijmin dixebite û bi Tirkiyê ra demografiya Kurdistanê diguhere.

Şerê Sûriyê û dagirkirina Efrînê nîşan da Pûtîn merivekî pir sivik û pir bêbext e, şexsietekî xwefiroş e, kane bavê xwe jî bifroşe.

Sebebê bindestiya me bêtifaqiya me ye

Sebebê vê perîşaniya me bindestiya me ye, ji ber em bindest in, ne xwedî dewlet in em nikanin xwe biparêzin, nikanin dezgeh, hêz û aletên parêstinê ava bikin.

Ji ber ku em bindest in bi merhemeta dijminên xwe dijîn. Tabî heger meriv ji vê jiyana rezîl ra bibêje jiyan.

Kêmasiya me, dermanê derdê me Kurdistan e, dewlet e, heta em nebin xwedî dewlet perîşanî, kuştin û malwêranî, rev û koçberî ewê tim par û qedera me be.

Û yek ji sebebên heta nuha em nebûne xwedî dewlet û li her çar beşên Kurdististanê jî bindest in, bêtifaqiya me ye. Heta em wiha bêtifaq bin emê, emê tim di vî halê rezîl da bin.

Partî û serokên pêşengî û nûnertiya me dikin siyaseteke neteewî nameşînin, berjewendîyên netewî di ser berjewendîyên xwe ra nagirin, ji dijmin bêtir neyartiya hev dikin, lema jî yekîtiyeke netewî çênakin û ji ber vê jî dibin sebebê berdewamiya bindestiya me. 

Bi baweriya min heta ev serokên nuha hene serok û rêberên me bin, halê me roj bi roj ewê xerabtir bibe.

Dibê em ji van serok û rêberan xelas bibin. Dibê cîlekî, nifşekî, hin kesên nuh û netewî, hin serok û siyasetmedarên ne pûlperest rabin.

Yekîtiya Ewrûpayê ketiye destê tirsonekan. Ji ber ku serokên Yekîtiya Ewrûpayê reben û tirsonek in, di Zîrveya Varanayê da dev ji nirxên xwe yên demokratîk berdan û teslîmî dîktarorekî wek Erdogan û rejîma wî ya irqçî û faşîst bûn.

Yekîtiya Ewrûpayê ixwaze bi siyaseta pişo pişo” û bi bertîlan Erdogan nerm bike. Lê ev siyaseteke şaş e, her ku ew wiha tirsonek hereket dikin, Erdogan bêtir wek moza diazire û hinekî din pêş da diçe.

Heta serokên Yekîtiya Ewrûpayê ev tirsonek bin Erdogan ewê hîn pir xûgiyê ji wan bigre.

Ev rismê serokên Yekîtiya Ewrûpayê bi Erdogan ra belgeya teslîmiyeta wan e.

Hevalên hêzên dagirker, hûnê bi kîjan rûyî ji van zarokan ra bibêjin em kurd in?

Ev dibistaneke Efrînê ye. Pir ecela Erdogan heye. Xwediyên Efrînê yên Erdogan her roj qala wan dikir ev bûne.

Ez van risman dîyarî serokên ENKSê, hemû kurdên TRTkurdî dikim. Dibê mezin bikin û li mala xwe bi darda kin.

Bira serê serokên ENKSê, hemû kurdên di TRTkurdî û di telewîzyonên tirkî da neyartiya PYDê dikirin û dagirkeriya Tirkiyê diparastin sax be.

Nuha kêf kêfa Fuad Elîko ye, çimkî ew ji do da amadeye bibe xulamê Erdogan.

Geleo di saha navnetwî da kurda kanin çi bikin?

Bi zarokên miletekî din û welatekî hildana ala tirk dagirkerîye, irqçîtî û zorbatîyeke nazîst e...

Ev ev jina bêheysîyet dibêje piştî têkçûna PYDê rewşa Efînê baştir bûye. Tirkan Efrîn kirin bajarekî xwe, alên tirk dane destên zarokên kurd, marşên tirkî bi zarokan didin xwendin, dibêjin "spas Erdogan" û ev şermûta bêheya dibêje rewş baştir bûye.

Vîdeoyeke mektebeke Efrînê, mamoste alên tirk dane destên zarbi zarokan û marşan bi wan didin xwendin

”Pirsek ji bo ENKS û derdora wê .

Kî ji we diwêre ji van zarokan re bêje:Em kurd in û zimanê me Kurdî ye û welatê me jî Kurdistan e ?
Û em xwediyê vê axê ne??
Û em Kurd çêbûne û em ê Kurd bimînin ta mirinê?
Kî diwêre hey şekal !?
Kî diwêre bêje ku ev darên zeytûnan bi destê Kurdan hatine çandin û kesek ji bilî xwediyên wan zeytûnên wan naçinin ?!
kî diwêre hey sêwlek.”
///Schero Dalini

Pûtîn rojê bajarekî Sûriyê diyarî Erdogan dike

Li gorî medyaya tirk dinivîse operasyona artêşa Tirkiyê û çeteyên Artêşa Azad ya ser navçeya Til Rifetê dest pê kiriye. 

Operasyon vir e, tê gotin leşkerên rûs ji Til Riferê vekişiyan e û bajar teslîmî leşkerên tirk kirine. Rûsya li Sûriyê siyaseteke pir namerdane dimeşîne.

Ji xwe Tirkiyê ev çend roj in bi hezaran çeteyên xwe ji Gutayê neqlî Idlibê kir. Gelek çeteyên Feyleq El Rahman birine Efrînê. Li gundên dagir kirine çeteyan bi cî dikin. Nuha dibê wan di cepheyeke din da bi kar bînin.

Berê Tirkiyê hewqasî vekirî bi çeteyên îslamî ra hevkarî nedikir, di bin ra, bi dizî alîkarî, sîleh û cebilxane dida wan. 

Lê nuha, piştî dîtin dinya ji texmîna wan jî bênamûstir e, êdî bi Nusra, Daîşê û çeteyên din ra mil bi mil şer dikin.

Di bin destê Erdogan da bi dehhezaran çeqel û çuqûlên ereb û çeteyên îslamî hene. Ji bo Erdogan ev yek fersend û îmkaneke nedîtî ye, mêrik van çeteyên îslamî wek kerên mayinpaqijkirinê bi kar tîne, wan dide pêş. 

Heta ev îmkan di destê wî da be û heta dinya ev dinya bênamûs be Erdogan ewê şer bidomîne, ewê êrîşî her derê bike. 

Helbet loqê herî rehet kurd in, berî her kesî ewê kurdan qir bike. 

Lê ewê ji Sûriyê û ji Îraqê jî bela xwe veneke, ewê gelek deran dagir bike. 

Çimkî îktîdara wî girêdayî hebûna şer e, roja şer biqede ewê jî bikeve. 

Lema jî heta Erdogan li ser hukim be ewê şerê bi kurdan ra, bi Sûriyê û bi Îraqê ra nesekinîne.

Alpaslan Kavaklioglu: Ewrûpa ewê bi musilman be

Serokên Yekîtiya Ewrûpayê Erdogan bertîl dikin, rişwetê didinê ji bo ku zêde koçberan neşîne Ewrûpayê. 

Erdogan jî him perê xe digre û him jî musilmanan ji her dera dinyayê li Tirkiyê top dike û peyder pey dişîne. 

Çimkî Erdogan û hêzên îslamî çavên xwe bera Ewrûpayê dane, hesab û planeke Erdogan û îslamîstan ya siyasî ya dagirkirina Ewrûpayê heye. Hêzên îslamî dixwzin Ewrûpayê ji xiristiyanan bigrin û bikin parzemîneke musilman. 

Hêzên îslamî û Erdogan di vî warî da xwedî plan û program in û hemû guherîn û bûyeran ji nêz ve taqîb dikin.

Ji xwe  gelek welatên Ewrûpa yên Rojava ji nuha da hêdî hêdî dibin welatên musilman. Li gelek welatan hin tax, hin bajar ketine destê musilmanan û bi taybetî jî ereban. Yanî prosesa îslambûna Ewrûpayê dest pê kiriye û gihîştiye qonaxeke pir bilind.

Bi taybetî Ewrûpa Rojava wisa ye, rewşa welatên Ewrûpa Rojhilat hinekî cihê ye, ew wek welatên Ewrûpa Rojava di ber nigên musilman û ereban neçûne.

Lê îşê Almanya, Fransa, Hollanda, Belçîka, Swêd, Îngilistan, Îtalya, Îspanya pir û pir zor e. Tirk û hêzên îslamî ji nuha da tahma devê xwe xweş dikin, dibêjin piştî çend salên din Ewrûpa ewê têkeve destê musilmanan. 

Serokê Komîsyona Ewlekariyê û Îstîxbarata Meclîsa Tirkiyê û parlamenterê Nîgdê yê AKPê Alpaslan Kavaklioglu li ser musilmanbûna Ewrûpayê gotiye 20 salên din li Ewrûpayê nufûsa musilmanan ewê ya xiristiyanan derbas bike û Ewrûpa ewê bibe Ewrûpayeke musilman, ewê têkeve destê musilmanan. 

Ewrûpa çima ewê bi musilman be, sebebê vê yekê çi ye Kavaklioglu wiha îzah kiriye, gotiye: 

”Ewrûpa demeke pir awarete, demeke ne normal dijî.  Nufûsa Ewrûpayê kêm dibe, Ewrûpa her ku diçe kal dibe. Nufûsa Ewrûpayê pir kal e. Dema wiha be kesên ji derve tên kanin kar bibînin, bibin xwedî sinet.

Lê belê astengiyeke Ewerûpayê ya wiha jî heye: Kesên tên hemû musilman in. Ji başûr Fas, Tunus, Cezaîr. Ji alî din Afganîstan, Pakîstan, Îraq, Îran, Sûriye, Turkîye. Yên ji van deran tên musilman in. Hat gihîşt nuxteyeke wiha, nuha navê li paytexta Belçîkayê li Brukselê herî zêde li zarokan tê kirin navê Muhemed e. Navê duyem Melîh e, navê yê sêyem Ayşe ye.

Heger ev trend bi vî rengî dewam bike 20 salên din nufûsa musilmanan ewê ji nufûsa xirsitiyanan bibuhere. Tirsa wan ya herî mezin jî ev e. Li wan deran mîkro nasyonalîzm teqiya.

Nuha perçebûna Yekîtiya Ewrûpayê tê peyivandin, lê li gorî min berî berçebûna Yekîtiya Ewrûpayê li wir ewê welat perçe bibin. Dibê em ji van tiştan ra amade bin. Li Ewrûpayê kane nîzî 50 welatên nuh derkevin. Ev endîşe û tirsa wan dijminatiya biyaniyan û îslamê zêde kir. Ewrûpa ewê bi musilman be. Bi îzana Xwedê emê li wir bi bandor bin. Ez ji viya emîn im.”

Tiştê Alpaslan Kavaklioglu gotiye pir cidî ye, ne gotinê vala ne. Ji xwe li gelek welatên Ewrûpa, Swêd yek ji van welata ye, prosesa musilmanbûnê dest pê kiriye, Swêd  hêdî hêdî dibe welatekî ereb-musilman. Meriv viya li Stockholmê pir rehet dibîne. 

Lê siyasetmedar û gelên ewrûpî hîn bi xwe nehesiyan e, hîn himêza xwe ji îslamîstan ra vedikin û wan tînin derên herî muhîm.

Ezê numûneyekê ji Kanadayê bidim.

Ahmed Hussen somalî ye, wek koçber çûye Kanadayê. Salê çûnî bû wezîrê Hemweletî û Koçberîyê yê Kanadayê. Ahmed Hussen di merasima sondxwarinê da bi Quranê sond xwariye.

Mêrik wek wezîrekî Kanadayê bi Quranê sond xwariye û kanadiyan jî ev yek wek mafekî wî yê demkratîk dîtine û îtîraz nekirine.

Ahmed Hussenê somalî him dîndarekî radîkal e, bi îhtîmaleke mezin di hundurê da xwe da daîş e û li aliyê din jî yekî heyranê Tirkiyê û Erdogan e. 

Li gorî TurkNewsê û ajansa AA nivîsîne Ahmed Hussen merivekî  ”tam heyranê Tirkiyê û Erdogan e, Her cara fersendê dibîne diçe Tirkiyê.” 

Ahmed Hussen di darbeya 15ê Temûzê da li Stenbolê bûye û ”wê şevê ew jî derketiye derve û li hemberî xayinan hilkişiyaye ser tankekê.”

A ev somalîyê radîkal û heyranê yekî wek Erdogan îro li Kanadayê wezîr e. Îcar li Ewrûpayê sedan, bi hezaran kesên wek Ahmed Hussen hatine meqamên wiha muhîm. Di mektebên Swêd yên taybet da zarokên 7 salî nimêjê dikin. De îda hesab li ba we ye. 

Yanî tiştê Alpaslan Kavaklioglu gotiye ne beradayî ye, bingehê vê dîtina wî heye û him jî xurt e. Bi baweriya min jî heger deh salên din jî wiha dom bike, heger ewrûpî vê koça musilmanan ranewestînin Ewrûpa ewê têkeve destê musilmanan.

Yanî texmîna Kavaklioglu ne bêbingeh e. Ewrûpa jî ewê bibe Rojhilata Navîn û wek welatên ereb û misilmanan. Ewê Ewrûpayê jî bikin wek welatên xwe. 

Tirkiyê 30 gundên Kurdistana Başûr dagir kiriye hukûmeta Kurdistanê dengê xwe nake

Ne derew bûye, gotinên Erdogan ne fortên vala bûne. Tirkiye ji zû da ye 30 km ketiye nava axa Kurdistana Başûr û 30 gund dagir kirine û li leşkerên tirk li wan gundan bi cî bûne û qereqol çêkirine.

Û hukûmeta Kurdistanê vê yekê ji kurdan vedişêre. Heta nuha ne serokwezîr û ne jî berpirsiyarekî hukûmetê negotiye Tirkiye ketiye nava axa me û 30 gundên me dagir kirine.

Diyar e ev dagirkeriye Tirkiyê bi destûr û bi dilê wan e jî.
Di vê xebera Rûdwê da Tirkiyê li ku û kîjan gundên Kurdistana Başûr dagir kirine agahîyên bi teferûat hene.

Bedel Encu Nêzî 5 hezar gund in ku dê Tirkiye here têde; PKK wan gundan kontrol dike. Mesela; Li wan gundan PKK alaya Kurdistanê jî qedexe kiriye.

Ger Pêşmerge biçe wir dê PKK şerê wan bike, dê xwîn birije. Ango bi saya serê PKK, çi bandora Pêşmergeyan li wir nîne. Li wan gundan xelk nikare bijî.

Zinarê Xamo Bedel yanî tu dibêjî gundên, herêmên Tirkiye dagir dike bira ji Tirkiyê ra bin, em îşê xwe jê naynin. Çimkî erdê PKKê ne Kurdistan e, ne yê me ye. Lema jî kî dagir dike ne problema me ye.

Te qala 5 hezar gundên PKKê kiriye. 5 hezar gund welateke, wê demê Tirkye ewê wan jî bigre û hûnê îtîrazî dagirkirina wan jî nekin. 

PKK li Zaxo, li Hewlêrê û li Silêmaniyê, li her dera Kurdistanê heye, wê demê mafê Tirkiyê ye wan deran jî dagir bike. Û kurdên başûr ev kurd bin ewê bikin jî. 

Çimkî Kurdistana Başûr welatekî bêxwedî ye. 

Tirkiyê 30 gundên wan dagir kirine, qereqol lê çêkirine, ew vedişêrin û tu jî dibê ji ew der yê PKKê bû.

Bi vê siyasetê, bi vê dîtinê em nabin xwedî welat û xwedî dewlet. 

Bi dîtina min Tirkiyê ev gund bi destûra hukûmeta Kurdistanê dagir kirine. Heger ne wiha bûya hukûmeta Kurdistanê ewê li dij derketa, ewê ban Îraqê kira, ewê ji Amerîkayê ra bigota.

Lê bira li dij derketin li wir bimîne, dagirkeriya Tirkiyê bi dizî girtine, kes pê nehesandine. Ev tê wê maneyê dagirkeriya Tirkiyê bi dilê wan e.

Bedel Encu Kak Zinar tu bixwe jî dizanî mebesta min ne ew e. Hema îro Peşmerge biçe wan gundan dê şerê PKK û Pêşmergeyan dest pê bike. Ji bo PKK sedema şerî ye. Dibêjim ku lewma Pêşmerge naçe wan gundan, ta ku îro bi hincet ketin destê artêşa Tirkiye.

Ya rast ev e ku mezintirîn dijminê kurdan bêtifaqî ye. Ev bêtifaqî bi destê Talabanî, Öcalan û Barzanî hatiye çêkirin.

Vêca heger kurd bê tifaqiyê ji xwe re bikin rêber û Xweda; dê welatê kurdan li Tirk û Ereb û Farisan pîroz û bimbarek be: 1+1=2

Zinarê Xamo Bedel, tu tiştekî ez li van gotinên te zêde bikim tuneye, nuha me li hev kir.
"Ya rast ev e ku mezintirîn dijminê kurdan bêtifaqî ye. Ev bêtifaqî bi destê Talabanî, Öcalan û Barzanî hatiye çêkirin.

Vêca heger kurd bê tifaqiyê ji xwe re bikin rêber û Xweda; dê welatê kurdan li Tirk û Ereb û Farisan pîroz û bimbarek be: 1+1=2"

Sebebê vî halê me yê rezîl û vê çavsoriya Tirkiyê û Îraqê ev bêtifaqî ye, Ocalan, Barzanî û YNK ye û heta ev hêz pêşengên kurdan bin ne yekîtî mimkûn e û ne jî serketina me. Ya ewê xwe biguherin (ez bawer nakim) ya jî dibê miletê kurd wan ji bpêşengiyê bixin.

Tirkiye 30 gundên Başûrê Kurdistanê dagîr dike

Bi vê tirsonekîyê YE nikane êrîşkariya Erdogan rawestîne

Îro zîrveya Yekîtiya Ewrûpayê li Bûlgarîstanê li Varnayê çê dibe. Piştî zîrveyê serokê Tirkiyê Recep Tayyip Erdogan ewê bi Serokê Konseya Ewrûpayê Donald Tusk û bi Serokê Komisyona Yekîtiya Ewropayê Jean Claude Junker ra bicive. Û dû ra bi hev ra civîneke çapemeniyê çê bikin.

Bi qasî xuya dike serokên YE di mesela siyaseta Tirkiyê da tam ne li hev in. 

Hin welatên Ewrûpa yên wek Hollanda, Avusryayê dixwazin têkiliyên endametiyê bi Tirkiyê ra were rawestandin. 

Serokê Avusturyayê Sabasîan Kurz berî civînê gotiye, ”divê muzakereyên endametîya Yekîtiya Ewropayê bi Tirkiyê ra were rawestandin. Heger em nirxên sereke yên demokratîk û binpêkirinên mafên mirovahî bigrin ber çavan, Tirkiye krîterên Kopenhagê bi cih nayne, lewma jî divê muzakereyên endametîyê bi Tirkiyê ra biqede.”

 Lê hinek welat jî siyaseteke hîn tirsonek dimeşînin û dixwazin Erdogan bi bertîlan nerm bikin, ji bo ku koçberan neşîne Ewrûpayê. 

Ev siyaseta nerm û tirsonek Erdogan aşûnî û har kiriye. Ji ber vê bêdengiya Yekîyiya Ewrûpa û dinyayê mêrik welatan dagir dike, bi terorîstên îslamî ra tifaqê çê dike, li hundur li hemberî kurdan teroreke nedîtî dide meşandin. Zindanên Tirkiyê tije kurd û muxalifên wî ne.

Hin serokên ewrûpî ji dîroka xwe ders û tecrûbe negirtine, heger ders girtibana ewê li hemberî Erdogan wiha tirsonek hereket nekirana.

Ewrûpiyan di destpêkê da li hemberî Hîtler jî dengê xwe nekirin, ji terora nazîstan li hemberî yahûdiyan û komunîstan dimeşandin ra xwe bêdeng kirin. Gotin marê bi min vende bira sed salî bijî çi ji min ra… 

Lê wî marî dû ra bi hemûyan veda û bû sebebê derketina Şerê Cîhanê yê Duyem û kuştina 60 milyon însanî.

Li hember Erdogan jî hin serokên ewrûpî bi tirsonekiya xwe eynî xetayê dikin. Dixwazin Erdogan bi bertîlan aş bikin.

Erdogan bi bertîl û rişwetan, bi tawîzên siyasî û aborî dev ji îdeolojiya xwe ya îslamî, antî-kurd û antî-Ewrûpa û şerkariyê bernade. 

Bi dagirkirina Efrînê Erdogan bûye wek gurê devê wî bi xwînê bibe, ewê bixwaze gelek derên din jî dagir bike. Nuha jî qala dagirkirina Şengalê dike.

Sekinandina koçberan ne bi bertîlan, ancax bi ço, bi siyaseteke bi biryardarî were sekinandin. 

Dibê Erdogan tirsê bibîne, dibê bibîne şandina koçberan ne li kara wî ye, belovacî wê li zirara wî ye.

Tirkiye bixwaze nahêle yek koçber jî têkve hundur û derkeve. Lê ew koçberan organîze dikin, çeteyên tirk diçin milet  ji Afganîstanê, ji Pakîstanê, ji Sirîlenqayê, ji Benagalê, Îranê, Îraqê û ji Kafkasan top dikin û dişînin Ewrşpayê. 

Çimkî pereyekî pir di vî îşî  da heye.

Lema jî dibê serokên Yekîtiya Ewrûpayê serê dêr, zorê, bivikê nîşanî Erdogan bidin. Heta viya nekin Ewrûpa ji tahlûkeya îstîla musilmanan xelas nabe. Çimkî hedefa Erdogan musilmankirina Ewrûpayê ye,hêzên îslamî dixwazin di nava 50 salî da Ewrûpayê bikin musilman.

Hele em binêrin di civîna îro da serokên Yekîtiya Ewrûpayê ewê ji Erdogan ra çi bibêjin….