Dîyojen di kûpê xwe da û bi kûçikên xwe ra |
Dîyojen rojekê li ser kaniyekê hinek nîsk dişuşt û diniqand ewê ji xwe
ra şorba nîska çêkira.
Filozof Arîstîposê merivê împarator Îskenderê Mezin çû balê û bi tinazî ji Dîyojen ra got:
”Heger te kanîbûya aqilê xwe baş bi kar bianiya, nuha tu yekî nêzîkî împarator bû û tu mecbûr nedibû li ser vê kaniyê wiha nîska bişo û biniqînî.
Dîyojen dev ji şuştina nîska berda, serê xwe bilind kir, piçekî bala xwe da Arîstîpos û jê ra got:
”Ê heger te jî qîma(qinyata) xwe bi şorba nîska anîbûya tu mecbûr nedibû ji împarator ra şelefiyê bikî.”
Ji xwe maka hemû bêxîretî û îxanetan ev e, timayî û pûlperestî ye.
Heger kurdên bûne zilamên Erdogan û dewletê wan jî qîma xwe bi keda xwe ya helal ya xwîdana eniya xwe anîbûna ji bo çend qurişên rezîl nedibûn şelafên Erdogan û dewleta tirk.
XXX
Îskender, nav û dengê Dîyojen bihîstibû. Rojekê rabû lêxist çû bajarê Korînt
serdana Dîyojen.
Dîyojen jî di qesir û qonaxan da nedima, li peravekê di kûpekî mezin da dijiya. Ji Dîyojen ra dibêbe çi daxwaza te heye ji min ra bibêje.
Ew jî vê bersîva meşhûr didê:
”Meke sî çêyiyeke din ji te naxwazim !”
Li gorî anekdotê dibêjin Îskenderê Mezin jî dageriyaye ser zilamên xwe û gotiye:
”Heger ez ne Îskender bûma minê bixwesta bi Dîyojen bim.”
XXX
Ji fîlozofekî pirsîne, gotine:
” Tu bi hebûna şans bawer dikî?!
Fîlozof gotiye:
”Erê çawa bawer nakim; ya na minê serketina kesên ez ji wan hez nakim çawa îzah bikira.”
Ez jî ji mecbûrî ji şans bawer dikim.
Heger ne şans bûya hin milet nedibûn xwedî dewlet û em kurd jî çar perçe nedibûn û nediketin bin destê çar dewletan.
Inga kommentarer:
Skicka en kommentar