Dibê kurd alîkariya Tirkiyê qebûl nekin !

Bi baweriya min dibê Hukûmeta Kurdistanê, partiyên siyasê û gelê kurd alîkariya Tirkiyê qebûl nekin.
Bira kes viran neke, em ne "birayê" Yildirm in, em neyarên wî yê herî mezin in. Tirkiyê ev neyartiya xwe baş nîşan da û dide.
Ji bo kurdên Silîêmaniyê û Helebçê ji bindestiya ereban xelas bnebin Yildirim her babet alîkarî da Heşda Şabî û Îraqê.
Hukûmeta Yildirim ev du meh in seferên balafiran ya Kurdistanê yasax kiriye û nuha jî dixwaze bi şandina çend konserveyên genî kurdan bixapîne. Alîkariya we serê we bixwe.
Kurd ne motajê alîkariya neyarên xwe ne.
Dibê meriv "alîkariya" van qatil û faşîstên neyarên hebûna xwe qebûl neke û nîşan bide em ne parsek in...

XXX

Erdhejê zirara herî mezin daye Kurdistana Rojhilat(Îranê)....

Erdheja(zelzeleya) do êvarî li Rojhilat, Başûr, Bakur û Rojavayê Kurdistanê çê bû herî zêdetir li Kurdistana Rojhilat(Îranê) li herêma Kirmanşanê bi tesîr bûye.
Li Kurdistana Rojhilat(Îranê) li herêma Kirmanşanê li dora 200 kesan û li Kurdistana Başûr(Îraqê)jî 7 kesan jiyana xwe wenda kirine.
Li Kurdistana Başûr merkeza erdhejê Helebçe ye, li wir gelek avahî û xanî xera bûne.
Li Kurdistana Rojhilat li gel gelek mirî, xesareta madî jî mezin e, çend gund û gelek malan ji erdhejê zirareke mezin dîtine.
Ya xerab li wan deran nuha sar û serma ye jî. Ev yek jî rewşê xerabtir dike. Ji ber ku herêma erdhejê Kurdistan e, meriv nizane mejîma Îranê ya destbixwîn ewê çi bike. Hêvî dikim dinya here alîkariyê.