31 oktober 2017

Şîreta nivîskarek li edebiyata kurdî zêde kir

Muhsîn Ozdemîr gotiye, di sala 1999a da di pêşbirka rojnameya Gundemê da Mehmet Aydin(Mihemed Ronahî) di nava 400 kesî da dibe yekem. Wê demê hîn xortekî 19 salî ye.
Xelata wî profesorek didê.
Piştî belavkirina xelatan şairekî tirk diçe ba Mehmet Aydin û gotineke ewê jiyana wî serobinî bike û gelek bela bîne serê wî jê ra dibêje.
Şairê tirk ji Mehmet Aydin, ji şairê 19 salî ra dibêje:

Berfa Stockholmê îsal em kevzikî kirin

Berfa Stockholmê îsal dereng dest pê kir, em li bende kevzikî bûn…
Bîstek berê li mitbaxê min qahwa xwe ya sibê vedixwar û di ber ra jî di pacê ra li hewşê, li pelên zerbûyê yên dara sêvê dinêrî.
Min dît peşkên berfê nermik nermik, melûl melûl tên xwarê. Kêfxweş bûm, min deng li xanimê kir, min got xanim çavê te ronî, berfa em li bende bûn wa ye dest pê kir…

30 oktober 2017

Dil tije ye lê naxwzim bidim der

Vê sibehê dixwazim gelek tiştan bibêjim, dilê min tije ye.
Lê nabêjim.
Naxwazim we jî wek xwe bêhêvî û reşbîn bikim.
Carnan bêdengî ji axaftinê çêtir e.
Ya baş em hêvîya xwe ji mucîzeyên me ji vê kaosê û ji vê felaketa hatiye serê me xelas bikin, ji surprîzên tarîxê qut nekin.

29 oktober 2017

Hemû hêz bi hev ra xelkê teskîn bikin û tansiyonê daxînin

Îşxala Parlamentoya Kurdistanê ji alî hin dilsozên Mesûd Barzanî ve û bûyerên li hundur û dervayî parlamentoyê qewimîn him zorbatîyeke nayê qebûlkirin û him jî ewê rewşê aloztir bike. Bûyerên wiha lîstina bi agir e, perçekirina Kurdistanê ye. Berî her kesî dibê Mesûd Barzanî li dijî bûyerên wiha derkeve, provakasyonên wiha bi tundî mahkûm bike.

Li Îraqê kurd û ereb hew kanin bi hev ra bijîn...

Yek, êdî qet ne mimkûn e li Îraqê kurd û ereb kanibin bi hev ra bijîn.
Bi êrîşa 16ê cotmehê û îşxala Kerkûkê, Xaneqînê, Şingalê, Xurmato û Mexmûr û gelek herêmên din Bexdayê ev zemîn ji ortê rakir.
Kurdan bi erebên sûnî ra ceribandin nebû.
Bi erebên şîî ra ceribandin nebû.
Lema jî dibê serokên kurdan êdî vê rastiyê bi dengekî bilind ji Amerîkayê ra jî û ji hêzên hevpeyman û Neteweyên Yekbûyî ra bibêjin.

Îraq herêmên dagir kirine ji xiristiyanan paqij dike

Bi îşxala Kerkûkê, Xaneqînê, Xurmatû, Şengel û Mexmûr û hin herêmên din ra ne jiyana kurdan tenê, jiyana hemû êzdî û xiristiyanên li wan deveran dijîn jî ketiye bin xetereke pir mezin.
Heşdî Şîe(1) û leşkerên Îraqê gundên xiristiyanan, mal û milkên wan jî talan  û wêran dikin.
Li Şingalê û Deşta Nînowa gelek gundên kurdên êzdî û xiristiyan ji alî Heşda Şîe ve hatine wêrankirin.

28 oktober 2017

Hezar carî spas ji te ra Dalkurd !

Dalkurdê soza xwe anî cî, bi zafera xwe ya îro ya li hemberî Gaîsê derket Lîga Swêd ya 1ê.
Û bi vê zafera xwe jî dilê hemû kurdên cîhanê şad kir !
Hezar carî spas Dalkurd !
Min wek îmana xwe zanîbû Dalkurd ewê îro ruyê hemû kurdan bikenîne û dilê me û zarokên me şad bike…
Ji ber îşxala Kerkûkê û çend bajarên din ji alî Heşdî Şîe û leşkerên Îraqê ve ev du hefte ne hemû kurd heznî ne, xewa şevan li her kurdî heram bûye.
Dalkurdê bi zafera xwe ya 1-0 ya li hemberî Gaisê him derketina xwe ya lîga yekê garantî kir û him jî kêfa hemû kurdan anî.
Hêvî dikim di rojên pêş da di warê siyasî da jî em zaferên wiha bibînin…
Her bijî Dalkurd !
Hezar carî spas Dalkurd!
Ez çiqasî spasî we bikim jî hindik e, Dalkurd û fansên Dalkurdê hêjayî her teqdîrê û spasiyê ne…

-Xeber 1

XXX


Îro li Stockholmê li ser rewşa Kurdistana Başûr û êrîşên Îraqê ser Kurdistanê û dagirkirina Kerkûkê û hin bajarên kurdan semînereke pir baş çêbû.
Axaftina pêşî serokê Federasyona Komelên Kurdistanê li Swêd Keya Îzol kir.
Xalid Xayatî(mamostê zanîngehê), Xalid Saleh(mamostê zanîngehê û şêwirmendê Nêçîrvan Barzanî), Fredrîk Malm(parlamenterê Partiya Lîberal)û Magnus Norell(lêkolîner)e rewşa Kurdistanê analîz kirin û gelek tiştên balkêş gotin.
Herçar axaftvan jî pispor û hakimên mijarê bûn û lema jî li ser êrîşên Îraqê û pêşeroja kurdan gelek analîzên balkêş kirin.
Herçar axaftevan jî li ser rewşa kurdan û misteqbela wan reşbîn bûn û li gorî baweriya wan ji Îraqê, Tirkiyê û Îranê ra carê fersend çêbûye, lema jî heta ji wan were ewê kurdan biêşînin û gelek maf û îmkanan ji wan bigrin.
Dîsa li garî dîtina herçar pisporan jî di vê rewşê da bi qasî neheqî û çavsorîya Îraqê, şaşiyên kurdan jî pir in, dibê kurdan realîst hereket bikirana, guh bidana dîtinên mitefikên xwe û ev êrîş texmîn bikirana. Di vê rewşê da bêtifaqiya kurdan jî roleke mezin lîstiye.
Li hemberî êrîşên Îraqê pasîfî û bêdengiya hukûmeta Kurdistanê partiyên siyasî û kurdan jî rexne kirin û gotin dibê kurd wek katalanan her roj li kolanan bûna û êrîşên Îraqê protesto bikirana. Dibê serokên kurdan jî hewqasî bêdeng nemana û bêtir aktîf bûna.
Bi kurtî semînereke xweş bû û bi feyde bû…

Miletê nikanibe meclîsa xwe bicivîne nikane serbixwe bibe

Civîna Parlementoya Kurdistanê cara duyem ji bo demeke ne diyar hate paşxistin.
Bi gotineke here sivik skandaleke mezin e.
Van serok û partiyan mala kurdan şewitandin.
Miletê nikanibe meclîsa xwe bicivîne nikane serbixwe bibe, dixwaze bindest bimîne.
Heta kurd ev kurd bin têkşîyin û bindestî ewê qedera wan be. Bi van kirinên xwe yên dûrî aqil kurd nîşanî dinyayê didin ew ne nehatine mistewa serxwebûnê, ew ne layiqî dewletê ne. Ew ne serxwebûn û dewletê, bindestiyê dixwazin, dixwazin di bin destê ereban da bimînin…
Wek kurdekî ez bi xwe bi vê rewşê pir diêşim, dîn dibim, bi vê trajediya gelê xwe digrîm, lê ev yek rastiya heyî naguherîne. Heger kurdan bixwestana j bindestiya Îraqê derkevin ev felaketa dûrî bi destên xwe aqilan nedianîn serê xwe û di rojeke wiha da hîn jî meclîsa xwe girtî nedihîştin.
Di rojeke wiha da jî hîn wek dijminan nediketin gewriya hev…
Tiştê xuya dike hemû îmkanên heta nuha di destên kurdan da bûn ewê ji destê wan derkevin û Kurdistan di warê eskerî û îdarî da ewê têkeve bin kontrola Îraqê…



XXX
Dibê em baş bizanibin tu kes nayê ji bo me li hemberî Îraqê şer nake. Dibê em bi mêranî welatê xwe biparêzin.
Îcar gava dinya bibîne em teslîm nabin, em bi canfîdayî welatê xwe diparêzin, wê demê ewê piştgiriyê bidin me.
Lê gava ji me hinek bi canê xwe welatê xwe biparêzin û hinek jî bibin hevalên dijmin û welatê xwe pêşkêşî artêşa dijmin bikin, ji dijmin ra bibin rêber, weleh tu kes naça ji bo me Kerkûkê ji Îraqê nastîne.
Nuha li başûr di warê siyasî da bêîstîkrarî, kaos û tevliheviyeke mezin heye.
Esas li ortê îradeyeke siyasî xuya nake. Rewşa başûr dişibe wek pezê bêşivan. Gava şivan tunebe, zû dereng gurê bi pez keve.
Tunebûna pêşengiyeke siyasî tesîreke negatîf li cepheya şer û hêzên pêşmerge dike.
Kurdan tu sûc û qebhet nekiriye, kurd di her warî da ji erd hetanî ezmên bi heq in, yê neheq û zorba û êrîşkar Îraq e.
Lê lîderên kurd ji dêlî derkevin meydanê û biheqbûna xwe biparêzin, êrîşkarî û zorbatiya Îraqê şermezar bikin , xwe bêdeng dikin.
Fena ku neheq bin û sûcek kiribin.
Ev bêdengîya berpirsiyaran û hêzên siyasî moralê milet jî û yê pêşmerge jî xera dike.
Gava ew xwe bêdeng bikin însan hêvîşikestî dibin.
Gerek serokên kurdan û berpirsiyarên hukûmeta Kurdistanê jî bi qasî Ebadî li ortê xuya bikin û daxwazên xwe yên çareseriyê bibêjin. Dibê gelê kurd û dinya bizanibe kurd çi difikirin û çi dixwazin…

27 oktober 2017

Ebadî mecbûr ma şer rawestîne

Ebadî gav paş da avêt û emrê rawestandina şer da leşkerên xwe
Serokwezîrê Îraqê Ebadî emir daye artêşa xwe dibê di nava 24 saetan da di hemû cepheyan da êrîşên ser Kurdistanê û pêşmergeyan rawestînin.
Dibe ku di vê biryara Ebadî da rola Amerîkayê hebe.
Lê belê bi kêmanî bi qasî rola Amerîkayê, liberxwedan û lehengiya hêzên pêşmerge û têkçûna Heşdî Şabî ya di gelek cepheyan da jî bû sebeb Ebadî vê biryarê bigre.
Ebadî bivik dît, di çend cepheyan da zayîatên mezin dan, lema jî mecbûr ma êrîşên xwe rawestînin.
Bawer bikin heger Ebadî bizanîbûya ewê kanibin zora pêşmerge bibin, qet guh nedida kesî û ewê heta Hewlêrê û Zaxoyê jî biçûyana.
Lê hêzên pêşmerge ev sê çar roj in ew perîşan kirine, bi sedan miryênên wan hene. Lema jî agirbest qebûl kir

XXX
Hela hûn bala xwe bidin vî heramzadeyê çaqokêşa dewleta tirk, ji agtirbesta nabêna hêzên pêşmerge û artêşa Îraqê nerehet bûye û gotiye ewê taqîp bikin, ew dixwazin bizanibin kî li wî aliyê sînor heye, agirbest ” me ji nêz ve elaqedar dike kî li wî aliyê sînor heye. Him ji alî siyasî û ewlehîyê ve û him jî ji alî bazirganiyê va me pir eleqedar dike. Emê pişopînin…”
Yanî heger ereb li wî aliyê sînor bin bi Çavuşoglu wek şîr û şekir e, lê heger kurd bin nabe, nikane tahamul bike…
Çavuşoglu dixwaze Bexda hemû Deriyên gumrikê (yên nabêna Tirkiyê û Îranê) ji kurdan bigre û têxe bin kontrola xwe.
Çavuşoglu her wisa dixwaze hemû balafirxaneyên Kurdistanê jî têkevin bin kontrola Bexdayê.
Yanî boxe dixwaze kurdên başûr jî wek kurdên bakur tam bibin bindest û êsîrên Îraqê.
Çimkî Çavuşoglu dixwaze kurd li her derê bindest û koleyên hinekan bin…

XXX


Katalanan guh nedan gefên Îspanyayê û îro serxwebûna xwe îlan kirin.
Ez katalanan pîroz dikim û hêvî dikim aqûbeta wan li serê me be jî.
Hêvî dikim di demek nêz da em jî wê rojê bibînin.
Wer xuya ye Îspanya ewê serxwebûna Katalanyayê bi rehetî qebûl neke. Lê Îspanya qebûl bike jî, neke jî ew bi tenê ne, welatekî din bi wan ra ewê êrîşî Katalanyayê neke.
Yê me ne Îraq tenê ye, sê welatên hov, sê artêşên celad û xwînxwar bi hev ra êrîşî me kirin.
Bi kurtî rewşa katalanan ne wek ya me kurda ye, muxatabê wan yek dewlet e. Lê yên me pir in.
Bes ew çi bikin jî vala ye, kurd jî rojekê ewê wek katalanan serxwebûna xwe îlan bikin.
Ya muhîm di vê riyê da em zû newestin û bêhîvî nebin.
Mixabin azadî û serxwebûna me li gorî ya katalanan pir zortir e, lê mimkûn e, ewê bibe…

Şer hîn nuh dest pê kir...

Pêşmerge bi sîleheke ji xeybê, kes nizane çi sîleh e û ya kîjan welatî ye Abramsa Amerîkayê tarûmar kirine.
Amerîka û Heşda Şabî û artêşa Îraqê matmayî mane.
Xwedêgiravî tu sîleh, tu derb nikane Abramsê îmha bike.
Lê pêşmerge tirr ji Abramsê berda û bi vê derbê jî îmaj û îtîbara Abramsê kir sifir.
Amerîka şeqizîye.
Lê ev hîn nîna ye, tirnîna hîn li dû ye..
Hîn gelek sîlehên xeybê ewê derkevin piyasê...
pêşmerge û kurd hîn ewê gelek carên din jî neyarên xwe matmayî bihêlin. Ev hîn destpêk e. M e di şer da hin qad wenda kirin lê me hîn gotina xwe ya dawî negotiye...
Kurdan şoka pêşî ji ser xwe avêt, êdî ewê bibêjin:
Lêxın birano lêxin
Ala sor bilind e
Kurdistana azad
Çiqas xweş û rind e

XXX


Tirk êdî miriyên trafîkê jî ”ŞEHÎD” îlan dikin…
Polîsên tirk li Îzmîrê qezayek trafîkê kirine, di qezayê da du polîs mirine û sisê jî birîndar bûne.
Medyaya tirk herdu polîsên mirine kirine ŞEHÎD !
Maperekê qeza kiriye manşêt û gotiye:
”Ji Îzmîrê xebereke pir xerab ! Polîsên şehîd û birîndar hene.”
Medyaya tirk êdî polîs û leşkerên di qezayên trafîkê da jî dimrin dikin şehîd. Wek her tiştî, tirkan nav û maneya ”şehîd” û ”şehadetê” jî xera kirin.
Şehîd, gotineke erebî ye û tê maneya kesê di şerê parastina welatê xwe da were kuştin.
Mesela pêşmerge û gerîlla dema di şer da tên kuştin şehîd dikevin.
Çimkî ji bo parastina welatê xwe, ji bo şeref û namûsa gelê xwe, ji bo parastina erz û eyalên gelê xwe canê xwe feda dikin.
Lê tirk polîs û leşkerên di qezayên trafîkê da dimrin jî dikin şehîd. Wiha dikin çimkî qîmeta tu tiştî li ba tirkan tuneye, ji bo armancên siyasî, ji o xapandinê her derewê, her sextekariyê, her bêexlaqiyê, her tahrîfatê mubah dibînin.
Kesê ev manşet nivîsî ye zane miriyên trafîkê ne şehîd in, lê dîsa jî vê bêexlaqiyê, vê dezînformasyonê belav dikin.

26 oktober 2017

Wey çavê we ronî be, wa ye Îran li we hat rahmê !



Ji ber ku Îranê piştî deriyê Başmaxê îro jî deriyê sînor yê Perwîzxanê jî vekiriye Rûdaw û kurdên me pir kêfxweş bûne.
Fena ku Îranê çêyîyeke pir mezin bi me kiribe.
Yê biqehere ne Îran dibê em bin.
Çimkî ne me, Îranê bi dijminê me ra welatê me dagir kir û însanên me kuştin û mal û milkên me wêran kirin.
Ma Îranê ji bo çi ji me bixeyide û deriyan li ser me bigre?
Mêrikan tiştê dixwestin hemû bi dest xistin, bajar û herêmên dixwestin îşxal kirin.
Bi çeteyên xwe yên Heşdî Şabî bi sedan pêşmerge û xelkê siwîî kuştin.
Yanî di warê siyasî û leşkerî da Îranê çi dixwest ew bi dest xist.
Nuha jî dora tîcretê ye.
Fena ku qet tiştek nebûbe nuha jî helbet ewê bixwazin firingî, xiyar û zebeşan bifroşin me û pera qezinc bikin.
Ji viya çêtir çi heye?
Ma qey Îran dîn e deriyên xwe heta û heta girtî bihêlin?
Piştî gihîştin mûrad û mexseda xwe bêguman ewê deriyan vekin û dest bi tîcareta xwe bikin…
Û emê jî fena ku qet tiştek nebûbe, fena ku Îranê li hemberî me tu sûc û cirm nekiribe bi vekirina deriyan kêfxweş bibin…
Bindestî, bêdewletî wiha ye. Meriv tim motajî kesên xwedî dewlet


XXX


Wezîrê karên derve yê Tirkiyê Çavuşoglu, di civîna çapemeniyê ya bi wezîrê karên derve yê Kosowayê Behcet Pacollî ra li ser Kurdistana Başûr jî zimandirêjî kiriye û aqil daye kurdan.
Lê esas wek xayinekî qewmê xwe, neyartiya xwe ya bi kurdan ra nîşan daye.
Çavuşoglu, li ser biryara Kurdistana Federe ya cemidandina netîceya referandûmê û serxwebûnê gotiye, ”Biryaya Bakurê Îraqê ya cimidandinê gaveke muhîm e, lê belê têrê nake. Ji îdareya herêmî ra pêşniyara me daxwazên Îraqê bi cî bîne. Dibê deriyên sînor di bin kontrola Bexdadê da be. Piştî ev hat kirin gava hewce be em kanin derîyekî nuh jî vekin.”
Çavuşoglu ne li dijî referandûm û serxwebûna arnawitan bû, lê ji Bexdayê bêtir li dijî serxwebûna kurda ye.
Arnawitên Kosowayê jî wek kurdan di netîceya referandûmê serxwebûna xwe îlan kirin û bûn dewlet.
Çavuşoglu di civînê da gotiye Tirkiyê ji her kesî bêtir piştgirî da serxwebûna Kosowayê.
Rast e, Tirkiyê ji her kesî bêtir piştgirî da referandûm û serxwebûna Kosowayê. L
Lê eynî Tirkiye ji her kesî bêtir li dijî referandûm û serxwebûna kurdên başûr e.
Çimkî ew kurd in.
Êdî her kurdî dît û fêm kir, Tirkiye li vê dinyayê tenê neyarê kurda ye, bêyî kurdan piştgiriyê dide albanan jî û her miletekî din jî.

Helbet Ebadî ewê vê quretiyê bike...

Serokwezîrê Iraqê Heyder Ebadî li ser daxuyaniya Hikûmeta Herêma Kurdistanê ya ji bo despêkirina diyalogê û cemidandina referanduma serxwebûnê gotiye ew ”bêyî îptalkirina, netêhesbkirina encamên referandumê ew tu tiştekî din qebûl nake.”
Dihat zanîn Ebadî ewê viya bibêje. Lema jî ev beyana Ebadî ne surprîz e.
Di nivîsa xwe ya do min got, Ebadî ewê cemidandina netîceya referandûmê neyê serî, ewê betalkirinê bixwaze.
Çimkî Ebadî nuha xwe pir xurt û kurdan jî pir zeîf dibîne. Lema jî ewê gelek şert û daxwazên berê newêrîbû bigirta devê xwe, nuha bi israr ji kurdan bixwaze. Gerek kurd hay ji vê hebin û gavên yekalî navêjin.
Tawîzên yekalî, tim paşda gavavêtin pir xerab e û dijmin bêtir aşûnî û çavsor dike.
Di 25ê îlonê da ji sedî 72ê kurdan çûn ser sindoqê û îradeya xwe diyar kirin. Ji sedî 93ê beşdaran gotin em dixwazin ji Îraqê veqetin, em dixwazin serxwebûna xwe îlan bikin.
Ne Barzanî, ne hukûmeta Kurdistanê û ne jî Ebadî kane netîceya referandûma 25ê îlonê biguherîne ya jî tune bike.
Dibê Hukûmeta Kurdistanê li hemberî gef û tazîqên Bexdayê serî netewîne û vê daxwaza Ebadî ya zorba ebeden qebûl neke. Qebûlkirina betalkirina referandûma 25ê îlonê şaşiyeke pir mezin e û bedelê wê jî ewê pir giran be. Dibê Hukûmeta Kurdistanê teslîmiyeteke wiha qebûl neke.

XXX
Hukûmeta Bexdayê kanalên Rûdawê û Kurdistan24ê yasax kir û biryar da dest deyne ser hemû mal, milk û cîhazên wan.
Hukûmeta Kurdistanê û xwediyên van kanalan jî li ber Ebadî digerin û dixwazin pê ra li hev werin.
Ebadî carê ketiye ser dilê me, heta me baş nekute û ji desthilanîn da nexîne ewê rehet nesekine.
Bi kêmanî nêta wî ev e, heger bikane ewê wer bike.
Dibê kurd dev ji bergerê û dana tawîzan berdin û liberxwe bidin, her daxwaza Îraqê qebûl nekin.

XXX
Do(25/10)bi serokatiya Meral Akşener partiyeke din, bi navê Îyî Partî(ÎP) li partiyên tirk yên irqçî, faşîst û antî-kurd zêde bû.
Bi qasî ez serok û avakarên ÎPê nas dikim û tiştên di medyayê li ser programa ÎPê tê gotin, tu ferqa vê partiyê jî ji MHPê û AKPê tuneye.
Ji xwe partiyeke Meral Akşener, Umît Ozdag, Yûsûf Hallaçoglu û Sînan Oganê faşîst avakarê wê bin ne mimkûn e ne partiyeke irqçî û faşîst be. Navê wê ÎP yanî ”partiya baş” be jî, ÎP bi îdeolojî û programa xwe partiyeke irqçî û antî-kurd e. Tu hêviyeke kurd ji vê partiyê bikin tuneye.
Sebebê avabûna ÎPê ne îdeolojîk û siyasî ye, şexsî ye…

Desthilanîn û liberxwedan her tim ji teslîmiyetê baştir û bi rûmettir e

Rewşa em tê da ne çiqasî xerab be jî bêhêvîtî ne rast û qet ne baş e. Gava pêşî, pêlika pêşî ya wendakirinê bêhêvîtî ye. Ji bo serketinê dibê dilê meriv tije hêvî û bawerî be.
Bi taybetî jî di rojên wiha da dibê serok û siyasetmedarên me bêhêvîtiyê nexin dilê gel.
Heger ne hêviyeke bêsînor û baweriyeke ji polayê sexmtir bûya em heta îro li ser nigan nediman û nedigihîşt van rojan.
Me gelek badîreyên wiha û heta yên ji vê jî xerabtir borandin.
Ev rojên giran jî ewê derbas bibin.
Hovîtî û rûreşiyên dijminên me û bêbextiya mitefikên me û xayintiya hin xayinan jî ewê di tarîxa wan da wek lekeyeke reş bimîme.
Me tu tiştekî em ji ber fedî bikin nekiriye.
Em di netîceya bêbextî, xiyanet û dek û dolabeke namerdane da têk çûn, dijmin bi destê hin hespên trûva ji hundur da kela me girt.
Derba li me ketiye mezin e û birîna me kûr e.
Dibê em ji vê têkçûna xwe û ji van êrîşên dijmin, ji rifaqa wan dersê bigrin û bi lez û bez xwe bidin ser hev û bi hêzeke hîn xurt û ji xwe bawer micadela xwe bidomînin.
Bêhêvîtî, teslîmiyet malwêraniyeke ji têkçûna me mezintir e. Gerek em şoka têkçûnê û derba ji par ra li me ket ji ser xwe bavêjin û bi baweriyeke xurt û bi kadir û pêşengên ji xwe bawer micadela xwe ya azadî û serxwebûnê bidomînin. Erê di 16ê cotmehê da em likumîn, di cepha şer da em şikestin, lê em teslîm nebûn û dibê teslîm nebin jî. Micadele berdewam e. Vê têkçûnê bi qasî zirarê, hin tecrûbe jî da me.
Baweriya bi serketinê ewê me bibe zaferê...


XXX
Bêguman di şer da, di siyasetê da meriv kane wenda jî bike û bişkê jî. Lê ya muhîm dibê meriv teslîm nebe, teslîmiyetê qebûl neke.
Liberxwedan her tim ji teslîmîyetê baştir û bi rûmettir e.

25 oktober 2017

Dinya hevalê yê zalim û neheq e

Bi referandûma 25ê îlonê kurdan li hember kesî herb îlan nekir, welatê kesî dagir nekir, zum li kesî nekir, tenê gotin em azadî û serxwebûna xwe dixwazin.
Lê bi Îraqê, Tirkiyê û Îranê ra, Neteweyên Yekbûyî û hemû dinyayê jî got na, dibê hûn kurd bindest bimînin. Em qebûl nakin hûn kurd bibin xwedî dewlet. Bira 22 dewletên ereban hebin, lê dewleteke we kurdan tunebe.
Rastiya piştî referandûmê û bi êrîşên Îraqê ra derket ortê ev e, ne Îraq, Tirkiye û Îran tenê, NY, Amerîka, Rûsya û hemû dinya jî ji me ra dibêje nabe hûn kurd bibin xwedî dewlet, em nahêlin hûn Kurdistanê çêkin.
Û heger hûn di vê daxwaza xwe da israr bikin, emê hemû li ser serê we bibin yek û we bikujin, we biçolan xin, gund û bajarên we wêran bikin, qatilên Heşda Şabî berra bedena we bidin…
Tiştê îro dinya ji me kurdan ra dibêje ev e.
Belkî sibe li Kurdistana Rojava jî eynî tiştî bikin.
Gerek em vê rastiyê fêm bikin û siyaseteke li gorî wê bimeşînin, li rêyeke din bigerin…
Û heger rojekê me kanîbû dibê em hemû ker, hesp û qantirên Kurdistanê berdin ser êl û maka vê dinya namerd, ji bo ku baş bikutin wan…
Axir me bi vê trajediya xwe careke din dît dinya hîn dinya berê ye, tu tişt neguherî ye. Dijminên me ne Tirkiye, Sûriye, Îran û Îraq tenê ne, gerek em zora hemû dinyayê jî bibin.
A gerek em li gorî vê xwe organîze û tanzîm bikin

Dinya jî naxwaze kurd azad bibin

Li hemberî kurdan ereb, tirk û faris yarên diyên hev bin, dijminên hev yên qanîqanî bin jî tavilê kumê bênamûsiyê didin serê xwe û dibin birayên hev û bi hev ra şerê kurdên mezlûm û bêkes dikin.
Sê dewletên wek zebelihan, Amerîka û Rûsya jî dane pişt xwe û hemû bi hev ra şerê çend hezar pêşmergeyên bêpişt dikin.
Ma ev edalet e?
Ma ev mêranî ye?
Ez kîrê kerê xwe yê henşerî bikutim qûna vê dinya qahp û vê dûzan û edaleta zalim û bênamûsan...

XXX



Miletê kurd li Kurdistana Başûr rûbirûyî felaketeke pir mezin e. Sê dewetên xwînxwar(Îraq, Îran, Tirkiye) bi destûra Amerîka û Rûsyayê li kurdan hatine hev û dixwazin hemû Kurdistanê dagir bikin û statuya heyî jî hilweşînin.
Tahlûke pir mezin e...
Di vê felaketa hatiye serê gelê me da bi qasî hovîtiya neyarên me û qeleşiya mitefikên me, rola nezanî, şaşî û korfahmiya siyasetmedarên me jî pir e. Siyaseta wan ya şaş ya bêferast em xistin vê rewşa kambax û trajîk...
Lê nuha dibê em kurd nekevin gewriya hev û rewşa xwe xerabtir nekin.
Ji dlî wê, dibê em li hemberî êrîşên neyarên hov hêzên xwe bikin yek û moral bidin pêşmerge, gelê xwe bi tenê nehêlin.
Li Ewrûpayê bîrûraya giştî ji hovîtiyên Îraqê haydar bikin.
Roj roja hevakariyê û piştgiriya bi Kurdistana başûr ra ye...
Dibê ev piştgirî were organîzekirin.
Bijî liberxwedana pêşmerge !

Vê beyanê hemû kurd xeyalşikestî kirin

Hikûmeta Kurdistanê bi beyanekê pêşniyar kiriye netîceya referandûmê were rawestandin.
Îcar pêşniyar ji kê ra ye, kî ewê netîceya referandûmê betel bike(rawestîne) min ew jî fêm nekir.
Ji xwe  rawestandina (cemidandina) netîceya referandûmê” bi xwe jî gotineke ne zelal e.
Ma kî kane netîceya referandûmê tune bihesibîne?
Netîceya referandûmê di destê miletê kurd da tapû û belgeyeke tarîxî ye, tu kes nikane wê betal û pûç bike. Hukûmeta Kurdistanê jî nikane û mafê wê jî tuneye tiştekî wiha bike.
Tenê meriv kane îro serxwebûnê nexwaze, taloqî rojeke din bike.
Lê betalkirin ne hedê kesî ye, gel carê îradeya xwe diyar kiriye...
Hûn çi zû poşman bûn?
Heger hûnê piştî mehekê teslîm bibûna û we yê netîceya referandûmê tune bihesibanda we çima di referandûmê da hewqasî israr kir?
Ev beyana we skandaleke nedîtî ye.
Bi vê beyanê we pir eyb kir, min qet bawer nedikir hûnê hewqasî zû teslîm bibin.
Heyf, we(Mesûd Barzanî) mala xwe jî û ya miletê kurd jî şewitand...
Di vê beyanê da hukûmet dibêje  em netîceya referandûmê betal dikin, tune dihesibînin û serxwebûn, merxwebûnê jî naxwazin û em amadene bi hukûmeta merkezî ra dest bi diyalogê bikin.
Bi gotineke din em şertên hukûmetê qebûl dikin.
Bi baweriya min ev beyan him trajediyeke mezin e û him jî îlana teslîmbûnê ye, dibê hukûmetê tiştekî wiha negota.
Bi vê beyanê berpirsiyaran him xwe û him jî miletê kurd hetikandin.
Lê ez bawer nakim Ebadî bi betalkirina netîceya referandûmê jî were serî û bi kurdan ra dest bi diyalog bike.
Berî referandûmê ewê qebûl bikira, lê nuha ewê qebûl neke.
Tiştê xuya dike Îraqê ewê êrîşên xwe bidomîne heta tevahiya Kurdistanê dagîr dike, dike bin kontrola xwe.
Helbet heger bikanibin.
Heger hin mudaxeleyên ji derve nebin û Îraqê mecbûrî rawestandina şer nekin, Ebadî di şer da ewê israr bike. Êrîş û haziriyên rojên dawî viya nîşan dide.
Çimkî Îraq îro him di warê eskerî da û him jî di warê siyasî da di pozîsyoneke xurt  da ye û kurd jî di rewşeke herî zeîf da ne.
Loma jî Îraqê bixwaze vê fersendê baş û heta dawî bi kar bîne.
Di vê rewşê da liberxwedan ewê ji teslîmbûnê baştir be. Liberxwedana pêşmerge belkî şêla Amerîka û dinyayê biguhere û zixtê bidin ser Îraqê.
Lê îmkanên hêzên pêşmerge jî bi sînor in, ewê kanibin çiqasî li ber xwe bidin helbet  mesele ew e.
Welhasilî kelam siyaseta şaş  û bêferaset bû sebeb ev felaketa mezin were serê gelê me….
Hêvî dikim em kanibin bi zirareke biçûk ji vê kemînê, ji vê kaosê derkevin.

XXX
Dalkurdê li hemberî Brommapojkarna maç 0-1 wenda kir. Pir xemgîn im. Îşev bû derdê ser derdan.
Lê hîn du maçên din hene. Maçekê bigre derdikeve lîga yekê.
Ev çend maç in hinekan Dalkurd çavînokî kiriye.
Êdî bes e!
2017-10-24

24 oktober 2017

Gerek em tiştekî bikin


Halê me kurdan nuha dişibe halê vî camêrê li ser
darê.
Dibê em çi bikin?
Dijminên me wek gurên har dora kurdên başûr girtine û dikin wan bixwin.
Dibê em çi bikin?
Çarhawêlî me dewletên neyar in û yek ji yekî xerabtir û faşîsttir e.
Îranê, Îraqê û Tirkiyê rêyên çûn û hatinê, deriyên gumrikan û saha hewayê li ser gelê me girtine û dixwazin bi birçîbûnê îradeya gelê me bişkînin û teslîm bigrin.

Erdogan dibêje Îdlîb temam e, nuha jî dora Efrînê ye

Erdogan gotiye operasyona Îdlib temam e, nuha dor hatiye Efrînê.
”Operasyona Îdlibê bi piranî qediya. Li pêş me mesela Efrînê heye. Me berê jî got, şevekê ji nişkave em kanin werin, şevekê ji nişka ve am kanin lêxin…”
Gerek YPG û kurdên rojava van gotinên Erdogan pir cidî bigrin û li gorî wî tedbîrên xwe bigrin.
Belkî jî îşev ya jî sibe êrîşî Efrînê bikin.
Lê ewê êrîş bikin, îcar îşev e ya jî du rojên din in ew pir ne muhîm e. Ya muhîm dibê hên kurd wek ku Tirkiye ewê saeteke din êrîşî Efrînê bike haziyên xwe bikin.
Dibê Efrîn jî nebe Kerkûka duduyan. Tirk ewê êrîş bikin, Erdogan pir vekirî dibêje.
Lema jî Efrîn nebe Kerkûka duduyan, bibe Kobana duduyan û tirk derseke baş bigrin…
Tirk dev ji Efrînê bernadin, miheqeq ewê êrîş bikin. Gerek gerîla tim di haziriya xwe da bin.


XXX
Li gorî medyaya tirk dinivîse, mamûrên gumruka Îraqê ji bo deriyê Xabûr(Îbrahîm Xelîl)dewr û teslîm bigrin hatine Tirkiyê. Û îhtîmale Tirkiye derîyê Xabûr îro ji Kurdistana Federe bigre û dewrî Îraqê bike.
Heyeta Ewlekariya Tirkiyê çend roj berê ev biryara girtibû û pêşkêşî hukûmetê kiribû. Wer xuya dike hukûmet jî îro ewê vê biryara hukûmetê têxe prarktîkî.
Hukûmet mukûmet vir e, çimkî li Tirkiyê tu hukûmet tuneye, her tişt Erdogan e, ew wiha dixwaze hukûmet jî mecbûr e emrê Erdogan bi cî bîne.
Erdogan berî referandûmê çend caran got ewê saha hewayê û deriyê Xabûr li ser Kurdistana Başûr bigre û bi vî hawî kurdan ji birçîna bikuje.
Kurdên başûr zêde baweriya xwe bi Erdogan û bi Tikriyê anîbûn û Erdogan gelkî dostê xwe hesab dikirin. A ev dostê wan wek marê kobra berî her kesî bi wan veda û îro jî deriyê Xabûr(Xêbûr) li ser wan digre.
Tirkiyê saha hewayê ji xwe ji xwe di 28ê îlonê da girt. Deriyê Xabûr mabû wa ye wî jî digrin.
Ya tê meraqkirin hukûmeta Kurdistanê îro ewê çi bike, ewê midaxele bike û derî teslîmî mamûrên îraqî neke ya jî ewê vekşe û biryarê qebûl bike?

XXX
Li Şirnexê li dibistana ”Omer Keçecîoglu” mamosteyekî axaftina kurdî li zarokan yasax kiriye.
”Omer Keçecioglu”, miheqeq ya leşker ya jî polîsekî faşîst e, qatilekî kurda ye, li Şirnaxê hatiye kuştin. Navê wî dane vê dibistanê.
Li Kurdistanê navênbi sedan qatilên kurdan dana dibistanan.
Wa ye hukûmeta AKPê jî eynî wek salên 1940-1960î kurdî li kurdan yasax dike.
Di wan salan da jî di dibistanan da axaftina kurdî li zarokan yasax kiribûn.
Li bajaran jî polîs, bekçî, leşeker û xefyeyên dewletê digeriyan û ceza li kesên bi kurdî dipeyivin dibirîn. Serê her gotinekê nizanim çend quriş bû.
Hukûmeta AKPê jî wa ye eynî nîzamê bi cî dike, ew jî wek dema Îsmet Înonu axaftina kurdî li kurdan yasax dike.

XXX


Dalkurdê li hemberî Brommapojkarna maç 0-1 wenda kir. Pir xemgîn im. Îşev bû derdê ser derdan.
Lê hîn du maçên din hene. Maçekê bigre derdikeve lîga yekê.
Ev çend maç in hinekan Dalkurd çavînokî kiriye.
Êdî bes e!

23 oktober 2017

Ji nuha û pê da daxwaza we ya ji Îraqê gerek serxwebûn be

Dibê ji nuha û pê da daxwaza we ji Îraqê ne hevdîtinên di çarçeweya destûrê da, serxwebûn be, di 25ê îlonê da gel ev wezîfe da we...
Serokwezîr Nêçîrvan Barzanî li ser êrîşên Îraqê û Îşxala Kerkûkê û hin herêmên din da gotiye:
“Em dixwazin gelşên xwe yên bi Îraqê ra di çarçoveya destûrê da çareser bikin. Ji bo vê yekê em dixwazin heyetekê bişînin Bexdayê. Em amadene rûpeleke nuh vekin. Em li benda bersîva Bexdayê ne. Lema jî çûna heyeta Kurdistanê hîn ne diyar e.”
Ê heger we yê gelşên xwe yên bi Îraqê ra di çarçeweya destûrê da çareser bikira çima we referandûm çê kir û raya gel pirsî?
Ezbenî heger hûn amadebûn gelşên xwe yên bi Bexdayê ra di çarçeweya Destûra Îraqê da hel bikin, çima we pêşniyara Amerîkayê û Îraqê qebûl nekir?
Ma we referandûma 25ê îlonî ji bîr kir?
Ebadî ji destpêkê da digot were em di çarçeweya destûrê da bipeyivin.
Destûra Îraqê tu carî Kurdistaneke serbiwe qebûl nake. Destûr qebûl nake Îraq perçe bibe.
Ji xwe Ebadî jî dibêje ji bo ku em li Kurdistnê qanûnan û destûrê bicî bikin me êrîş kir û Kerkûk, Xurmatû û Xaneqîn dagir kir…
Piştî vê saetê qala qebûlkirina Destûra Îraqê nekin.
Di referandûma 25ê îlonê da we raya gel pirsî, we got hûn serxwebûnê dixwazin ya na?
Gel jî got em serxwebûnê dixwizin.
De îcar em amadene di çarçeweya destûrê da dest bi gelşên xwe çareser bikin çi ye?
Gerek ji nuha û pê da hedefa we, daxwaza we ji dinyayê ûji Îraqê veqetandin, serxwebûn be, xelaskirina erdên hatiye dagirkirin be...
Berî referandûmê we digot derket ortê em nikanin bi hev ra bijîn, çimkî Îraq wekheviyê qebûl nake. Lema jî ya baştir em bibin du cîranên baş.
Ma we ev gotin ji bîr kir, ma we dev ji daxwazê serxwebûnê berda?

XXX
Zalmay Halilzad di twîtteke xwe da gotiye, ”Îro di nabêna hêzên pêşmerge û delagasyona Îraqê da hevdîtin çê bû. Ji çaran sisêyê(4/3)delagasyona Îraqê zilamên Îranê bûn ya jî kesên di bin emrê Îranê da bûn.”
Rast e, kurd ne bi Îraqê tenê ra, bi Îranê ra jî di şer da ne. Amerîka viya zane, lê Xerbê ev yek hîn baş fam nekiriye.
Bi taybetî medyaya Xerbê hîn balê nakşîne ser vî şerê Îran li Îraqê li hemberî kurdan dimeşîne.
Bi kurtî meriv kane bibêje îro li Başûrê Kurdistanê kurd li hemberî 3 dewletan, Îraq, Îranê şer dikin û Tirkiye jî îstepneya Îranê û Îraqê ye, ew jî her alîkarê dide Îraqê...
Today there was a security meeting between the Kurdish Peshmerga and an Iraqi delegation.
However, in fact the Iraqi delegation consisted of 3/4 of representatives of Iran or Iranian-controlled forces.



22 oktober 2017

Bi xortekî kurd ra rojeke xweş

Ez û mîvanê xwe Yûsiv Hemed îro li Stockholma xopan baş geriyan. Ji şansê wî ra dinya hinekî sar bû lema jî min nebir her dera min nêt kiribû.
Lê dîsa jî me gelek der dîtin.
Mîvanê min bawer nedikir kalekî wek min kanibe bi xortekî wek wî sportmen ra hewqas cî bigere.
Lê helbet min ew matmayîhîşt…
Yê min bi xwe gava ez bi xortan ra hevaltiyê dikim ez umir û kalîtiya xwe ji bîr dikim û xwe wek xortekî 18 salî his dikim.
Îro jî ji kêfa xortê kurd Yûsiv Hemed ra min eynî tişt his kir. Lema jî em çend saetan li Stockholmê viz bûn.
Hêvî dikim mîvanê min ji rêberî û mazûbaniya min memnûn ma…

XXX


Îro mîvanekî min heye. Saet di 11.30 da ezê herim pêrgî wî. Xortekî kurd e, ji Nisêbînê ye, hatiye Swêd dixwaze min bibîne.
Wer xuya ye ezê îro bi wî ra bim û nikanibim tiştekî binivîsim.
De bira îrojî wiha be…

21 oktober 2017

Me îro dîsa li Stockholmê got ”solîdarîtet, solîdarîtet" !

Me îro dîsa li Stockholmê got ”solîdarîtet, solîdarîtet”, ji kurdan ra azadî û bijî Kurdistan !
Îro li Stockholmê bi hezaran kurd di rêya konsulxaneya Emarîkayê da bûn.
Em hemû bi hev ra diqîriyan:
-Solîdarîte, solîdarîtet !
-Bijî Kurdistan !
-Ebadî Qatil e !
Û em gelek sloganên din diqîriyan….
Tam ev 37 sal in em kurdên Stockholmê di vê rêyê ra diherin û tên. Kevirê, bihosta axa di vê rêya 5-6 km. dirêj da kurdan pê lê nekiribe tuneye.
Geh em Tirkiyê protesto dikin, geh Amerîkayê û geh jî Îraqê û Îranê.
Ne ev dewlet bi protestoyên me tên rê û mafên me didin û ne jî em diwestin.
Lê îro meşa me ne ji bo protestoya Amerîkayê bû.
Îro me ji Amerîkayê alîkarî xwest, me got Îraq û Îran û Tirkiye me dikujin, werin hawara me, nehêlin van zaliman me bikujin, welatê me wêran bikin.
Me nameyek da konsulê Amerîkayê.
Dewlet bêûjdan in, li kara xwe dinêrin, heta neyê hesabê wan xwe kerr û lal dikin.
Gelo Amerîka ewê guh bide hawara kurdan ya na ez nizanim. Ev hinekî girêdayî micadela me ye, dibê em Amerîkayê jî û dinyayê jî mecbûr bikin. Wekî din tu rê tuneye. Çara liberxwedan e...
Min digot belkî kurdên başûr êdî xelas bûna, êdî gihîştina azadiya xwe, barê me sivik bûye û emê ji bo wan hew têkevin rêyan, di cadeya Stranvagenê da hew bikin qîrîn û hawar.
Lê wer xuya dike tarîxê tekerur kir, em dîsa vegeriyan serî.
Wer xuya dike emê hîn gelek carên din jî di cadeya Stranvagenê da ji bo azadiya kurdên başûr biqîrin û Îraqê û Ebadî protesto bikin.
Yanî em dîsa vegeriyan salên 1980 û 1990î.
Berê me digot ”bimre Seddam”, “Seddam qatil e, faşîst e”, nuha em dibêjin ”bimre Ebadî”, “Ebadî qatil û faşsîst” !
Tiştê guherî ye tenê şexs in, dîktatorek, faşîstek dihere, dîktator û faşîstekî din tê.
Ne dîktaor û faşîst diqedin û ne jî kurdên Stockholmê diwestin…
Ev rewş ewê heta kînga dom bike bawer bikin ez jî nizanim.
Tiştê ez pê zanim emê hîn gelek salên din jî li kuçe û kolanên Stockholmê, li Strandvagenê bibêjin “ji kurdan ra azadî” û solîdarîtet, solîdarîtet…”

XXX
Nuha li Ewrûpayê gerek em pir aktîf bin û dîplomasiyeke xurt bimeşînin.
Di medyaya sosyal da û ya din da dibê kurd rewşa Kurdistana Başûr aktuel bikin, gelên ewrûpî ji êrîşên Îraqê û Îranê agahdar bikin.
Gelê başûr û pêşmerge îro ji her demê bêtir motajî piştgiriya me ye. Ji destê kê çi tê dibê texsîr neke. Bi taybetî jî di medyayê da gerek kurd tim bîrûraya Ewrûpayê ji rewşê agahdar bikin.

20 oktober 2017

Medyaya kurdî gerek bi mesûliyeteke netewî hereket bike

Min nuha li malpera ANF Newsê nêrî. Xeberek tenê li ser êrîşên ser Kurdistana Başûr û pêşmergeyan heye.
Ew xeber jî di eleyhê kurdan da ye.
Di xeberê da dibêje berdevkê artêşa Îraqê gotiye wan qeza Pirdê ya di nabêna Kerkûkê û Hewlêrê da ye û hemû herêmên nakokî li ser heye girtine.
Wekî din yek xeber jî li ser êrîşên Îraqê tuneye.
Ji cepheya kurdan, ji devê berpirsiyar û pêşmergeyên kurd yek xeber, yek gotin tuneye.
Fena yên li Kurdistana Başûr marûzî vê êrîşa hovane bûne ne kurd in û derên hatine îşxalkirin jî ne Kurdistan e.
Ajanseke kurd çawa kane li hemberî vê trajedeya gelê xwe hewqasî xemsar û bêûjdan be meriv fêm nake.
Dijayetiyên siyasî dibê nebe sebebê meriv li hemberî trajediya gelê xwe hewqasî xemsar û bêûjdan be.
Bi rastî şermeke pir mezin e. Kurdên hevalên PKKê vê şêla medyaya xwe qebûl nekin.
Diyar e em hîn nebûne milet, lema jî em wek ferdên miletekî hereket nakin û eynî êşê û xemgîniyê nakşînin…

XXX
Medyaya kurd dibê bi mesûliyet weşanê bike, xeberên ne rast belav neke û bi weşanên xwe nabêna kurdan, lê bi taybetî jî nabêna YNKê û PDKê xera neke.
Di rojeke wiha da dibê weşaneke yekîtiya kurdan xurt dike, moralê milet û peşmerege bilind dike were kirin.
Bi sedan pêşmergên PDKê û YNKê bi hev ra şehîd ketine. Dibê meriv viya derxe pêş û dijminatiyê nexe nabêna hêzan.
Xelasiya kurdan ne dijminatî û berberiyê da ye, di yekîtiyê da ye, hin kesên bêxîret û dane ser rêya şaş jî ancax bi yekîtiyê kanin werin bêhêzkirin û pûçkirin.
Sê dewlet li kurdan kom bûne û di warê teknîk, çek û çebilxane û leşkerî da sed qatî ji kurdan xurttir in.
Dibê em vê rastiyê bibînin û bi weşanên xwe, bi nivîsên xwe moralê gel û pêşmerge xera nekin.
Di nabêna hêzan da hezkirin û yekîtî hebe pêşmerge jî ewê baştir li ber xwe bide û baştir şer bike....

XXX
Meriv poşman dibe li ser hêzekê, partiyekê, dezgeheke kurdî tiştekî binivîse, gazinekê jê bike.
Tavilê bi dehan kes radipelikan ser çavên meriv û dibêjin tu çima ji filan kesî ra, ji filan partiyê ra, ji filan telewîzyonê ra tiştekî nabîjî...
Rojekê berê jî hinekên din ji bo partiya din û telewîzyona din eynî tişt gotibûn.
Yanî ya dibê tu mirîdê hinekan bî ya jî dibê tu devê xwe bigrî û li mala xwe rûnî...
Însan pir rehet hev û du ajan û xayin îlan dikin...
Xwedê dijminê min jî neke kurd...






Nuha ne wexta rexnekirina Barzanî ye



Îbrahîm Xelîl Baran gotiye, ”ev şer, şerekî di nabêna Îranê û Kurdistanê da ye. Heger em têk biçin ne em tenê, Suûdî, Îsraîl, Amerîka û Xerb jî têk diçe…”
Ev tespîteke rast e, li hemberî kurdan biserketina Îraqê di esasê xwe da biserketina Îranê ye.
Tirkiye di vî şerî da di bin fermandariya Îranê da ye.
Hêza nuha li li Kurdistana Başûr hemberî kurdan şer dike ne Îraq tenê ye, Îrane jî.
Îran him bi pasdarên xwe, him bi çekên xwe û him jî bi alîkariya xwe ya lojîstîk ya bi Îraqê ra şerê kurdan dike.
Helbet Îran vê alîkariyê belaş bi Îraqê ra nake.
Heşda Şabî wa ye ji nuha da li Kerkûkê rismên Xumeynî bi darda dike. Îranê li ku derê alîkariya kê kiribe rêbertiya Xumeynî, şîîtîyê û îdeolojiya îslamîst li ser wan ferz dike.
Ev, li Lubnanê wiha ye, li Yêmenê wiha ye.
Ev rastiyek e
Hin analîst dibêjin efendim Amerîka dixwaze bi Abadî li Îraqê hêza Îranê kêm bike. Lema jî Amerîka dixwaze Heyder Ebadî di hilbijartinên sala bê da qezenc bike.
Ez bi xwe vê teoriyê pir vala û şaş dibînim.
Heger Amerîka bi rastî wiha difikire hesabekî pir şaş û pûç dike. Abadî tu carî ji bin emrê Îranê dernakeve û nabe merivê Amerîkayê.
Ka Ebadî bi çi yê xwe, bi kîjan siyaseta xwe li dijî Îranê ye?
Ez bi xwe tu ferqê di nabêna Malikî û Ebadî da nabînim, her du jî zilamên Îranê ne û tu carî bêemriya Îranê nakin.
Ebadî bi pasdarên Îranê, bi generalên Îranê, bi piştgirî û planên Îranê êrîşî kurdan dike.
De îcar Ebadî bi çi yê xwe li dijî Îranê ye û bi çi yê xwe ji Malikî ya jî ji Elawî baştir e?
Hemû jî eynî faşst in.

Em werin ser şaşiyên Mesûd Barzanî û hêzên pê ra

Bi baweriya min nuha ne wexta rêzkirina kêmasiyên berpirsiyaran e, wexta liberxwedanê ye

Nuha dibê meriv dev ji rêzkirina şaşiyên Barzanî û hêzên pê ra berde. Bêguman dibê meriv viya minaqaşe bike, sûcê kê di vê rewşê da çi ye dibê derkeve ortê.
Lê ne nuha.
Nuha dibê em li hemberî êrîşa neyarên xwe hêzên xwe bikin yek û welatê xwe, destkeftiyên xwe biparêzin.
Teslîmîyet, rev malwêranî ye.
Ya herî baş liberxwedan e, tenê liberxwedan kane raya Amerîkayê û dinyayê biguhere û mudaxeleyî şer bikin.
Lema jî dibê em nuha ji rexnekirina Mesûd Barzanî û rêzkirina şaşiyên wî bêtir, wext û hêza xwe bidin parastinê û piştgiriyê û moral bidin hêzên pêşmerge.
Wexta hesabê bi Mesûd Barzanî ra ne mijara nuha ye, ya rojên pêş e, nuha em di şer da ne. Musebîbê vê rewşê kî be jî ya muhîm di vî şerî da em têk neçin.



Roj roja yekîtiyê û liberxwedanê ye

Ez hîn jî hêvî dikim li başûr şerê nava kurdan dest pê neke û pêşmerge tivingên xwe nekin sînga hev.
Lê tiştê xuya dike Îran û Îraq hin kurdan di şer da didin pêş û dixwazin şerekî nabêna pêşmergeyên PDKê û YNKê û di nava pêşmergeyên YNKê xwe bi xwe da derxin.
Kesên bi Îran û Îraqê ra hevkariyê dikin êdî xwe venaşêrin û vekirî hereket dikin.
Rewşa nuha pir aloz û tevlihev e. Kesên bi Îraqê û Îranê ra hereket dikin di nava YNKê da çiqasî xurt in, hêza wan ya leşkerî çi ye ez nizanim.
Hêvî dikim zêde ne xurt bin û hevalên YNKê yên wek Kosret Resûl û yên din kanibin yektîya kurdan çêkin û rê li ber şerekî navxwe bigrin.
Di vê felaketa dawî da tiştekî din jî baş eşkere bû, ew jî hevaltiya Îranê jî û ya Tirkiyê jî şaşiyeke mezin û malwêranî ye...
Kurdan heta nuha digotinew bi alîkariya dijminekî li hemberî dijminekî din şer dikin, wer digotin
Lê bi referandûma 25ê îlonê ra derket ortê ev siyaseteke şaş û pir tahlûke ye, kurd bi vê siyasetê gorra xwe dikolin.
Keda wan ya salan, dibe keda bersîs û bi avê da dihere.
Ji dêlî alîkariya ji dijmin tê girtin dibê kurd rêyeke din bibînin, ev rê ne tu rê ye, bi xwe ra felaketê tîne.
Îspata wê referandûm û îşxala Kerkûkê ye...

XXX
Em ji berdevkê YNKê Sedî Ehmed Pîre fêr dibin êrîşa ser Kerkûkê bi plangeriya Îranê, Tirkiyê, Îraqê û bi destega Seîd Ehmed Pîre û hin endamên YNKê yên din ketiye praktîkê.
Li gorî agahiyên Pîre, komîteyek ji alî Îranê, Îraqê û Tirkiyê ve hatiye çêkirin û vê komîteyê seneryoya îşxala Kerkûkê nivîsîye û bi alîkariya hin endamên YNKê xistine praktîkê.
Haya Kosret Resûl û Mesûd Barzanî ji vê plana xayinane tunebûye. Lema jî di cepheya Kosret Resûl da li dora 60 pêşmergeyên YNKê şehîd ketin û 70 kes jî birîndar bûn.
Û ev Sedî Ehmed Pîreyê bûye şirîkê vê qeleşiya bi haval û gelê xwe ra bêyîşerm hîn jî vê hevkariya bi dijmin ra rast dibîne û diparêze, dibêje bi vî hawî me rê li ber zirareke mezintir girt.
Pîre dibêje çimkî Tirkiyê, Îranê û Îraqê biryara êrîşê girtibûn û me çi bikira jî ewê êrîş bikirana .



Gerek em neyên lîstika dijmin û bi hev nekevin

Tiştê dijmin nikanîbû bi zora xwe bi dest xe, nuha dikin kurdan bera hev bidin yanî PDKê û YNKê bînin hemberî hev û bi wê riyê bigihîjin armanca xwe.
Ev plan ji êrîşa wan ya leşkerî tahlûketir e. Dijminên me dixwazin me bera hev bidin. Dibê em neyên lîstikê.
Hêvî dikim hevalên YNKê nehêlin ev plana Îranê, Îraqê û Tirkiyê biçe serî û kurd neyên hemberî hev.
Di vê sanaryoyê da Îran senarîst e, Tirkiye jî fîguran e. Tirkiye ji ber neyartiya bi kurdn ra tam ketiye bin kontrola Îranê. Çimkî kartên di destê Îranê da xurttir in.
Li meydanê Îraq xuya dike, lê li pişt perdê Îran û Tirkiye ye.
Yanî kurd li Kurdistana Başûr li hemberî 3 dewlean û hin hevkarên wan şer dikin. Û yên êrîş kirin jî ne Îraq enê ye, 3 dewlet in. Kurd di şer da şikestin. Çimkî dijmin ji wan gelkî xurttir bû.
Ji bo serketinê siyaseteke pir bi hostayî û zîrekane lazim e. Dibê em nekevin gewriya hev, ji dêlî wê li hemberî neyarên xwe bibin yek
2017-10-19




XXX
Bi baweriya min dibê parlamenterên kurd êdî neçin Bexdayê. Êdî tu mişterikiyekeme û Bexdayê bi hev ra namaye.
Dibê meclîsa Kurdistanê tavilê bicive û ji bo îlankirina serxwebûnê gavan bavêje, hin biryaran bigre.
Bi dagirkirina Kerkûkê û şehîdkirina 50-60 pêşmergeyî Îraqê nîşan da em nikanin bi hev ra bijîn.
Çimkî mentalîteya wan hîn ya Seddam e, gava xurt dibin li hustuyê me siwar tên û heqaretê, çavsoriyê li me dikin, bi xurûr heysiyeta me dilîzin.
Lema jî dibê kurd haziriya îlankirina serxwebûnê bikin. Serîhildana Xaneqînê, Kerkûkê, Silêmaniyê û derên din daxwaza gel ya serxwebûnê ye,
2017-10-19

19 oktober 2017

Gel serxwebûnê dixwaze

Serîhildana gel ya li Xaneqînê û Kerkûkê û paqijkirina Kurdistanê ji Heşdî Şabî daxwaza gel ya serxwebûnê ye, siyasetmedar mecbûr in vê rastiyê bibînin.
Bi baweriya min dibê parlamenterên kurd êdî neçin Bexdayê. Êdî tu mişterikiyekeme û Bexdayê bi hev ra namaye.
Dibê meclîsa Kurdistanê tavilê bicive û ji bo îlankirina serxwebûnê gavan bavêje, hin biryaran bigre.
Bi dagirkirina Kerkûkê û şehîdkirina 50-60 pêşmergeyî Îraqê nîşan da em nikanin bi hev ra bijîn.
Çimkî mentalîteya wan hîn ya Seddam e, gava xurt dibin li hustuyê me siwar tên û heqaretê, çavsoriyê li me dikin, bi xurûr heysiyeta me dilîzin.
Lema jî dibê kurd haziriya îlankirina serxwebûnê bikin. Serîhildana Xaneqînê, Kerkûkê, Silêmaniyê û derên din daxwaza gel ya serxwebûnê ye.

XXX
Ciwanên Kerkûkê bûn sembola serîhildanê û qehremanên rizgarkirina bajarê xwe
Ciwanên Kerkûkê do bi şev li hemberî hêzên dagîrker serî hildan û gav bi gav bajarê xwe rizgar kirin.
Li gorî xeberên ji herêmê tên qatilên Heşda Şabî û leşkerên îraqê ji Kerkûkê, Xaneqînê, Mexmûrê û Şengalê û hin herêmên din vekişiyan e. Yanî ev der dîsa ketine destê kurdan.
Lê rewş hîn ne zelal e, li ortê hêzeke, serokekî raperînê kontrol û îdare dike xuya nake. Serîhildan hîn di çarçeweya gelêrî da ye. Bes tiştê baş Heşda Şabî ji Kerkûkê û paş da vekişiya ye û rewş nuha aram xuya dike.
Serîhildana keç û xortên kurd bêguman tiştekî pîroz e û ne li Kerkêkê tenê, li seranserê Kurdistanê rewşeke nuh derxist ortê.
Dibê di zûtirîn wextê da hukûmeta Kurdistanê û hêzên siyasî serokatiya raperîna gel bigrin destê xwe û gel bêserî û pêşeng nehêlin.
Rewş pir nazik e, di nava saetan da her tişt kane biqewime û biguhere.
Lê belê tiştê do bi şev li Kerkûkê dest pê kir û li hemû bajarên Kurdistanê belav bû serîhildaneke gelêrî ye û destpkeke pir pîroz û muhîm e.
Zafer ya gelê me ye.
Roja me hiltê.
Keç û lawên qehreman qebûl nakin neyar heqaretê li gelê wan û li sembol û miqedesên wan bikin. Emê rojên baş bibînin…

PARVE BIKE