31 mars 2017

Polîsê tirk govend jî li kurdan yasax kir


Polîsan li Stenbolê li navçeya Buyukadayê di dema propagandeya referandûmê da govend li HDPê yasax kir.
Kurdên alîgirên HDPê li Adalarê li ber standa HDPê ji xwe ra kirin şahî û govend gerandin.
Polîsên Adalarê ji kesên govendgir û bepirsiayrên standê ra gotine “govend yasax e, hûn bi govenda xwe propagandeya rêxistina terorîst dikin.”
Govend û propaganda terorîzmê?
Tirk in, çi bibêjin dibê meriv gazinan ji wan neke...
Ji govenda kurdan, ji kultur û folklore kurdan, ji kinc û muzîka kurdan ya debdebe, muhteşem didexisin, diqeherin, lema jî yasax dikin...
Çimkî govenda wan tuneye.
Wek milet, wek tirk tu tiştekî tirkan yê netewî, folklorîk tuneye.
 Lema jî hesûdiyê dikin, ji folklora kurdî dibehecin, çimkî ew jî nikanin wek kurdan govedê bigerînin.
Li dinyayê bêyî tirkan folklora, lîstikên, dansên her miletî hene, tenê ya tirkan tuneye.
Lema jî ji hesûdiyê govenda kurdî jî yasax kirine…
Tirk di esasê xwe da di maneyeke ilmî da ne miletek e, hemû unsûrên miletbûnê bi tirkan ra tuneye.
Tirk, miletekî eklektîk e, sentetîk e, kozmopolît e, wek qerpalekî bi pîne ye, hinek ji Balakanan, hinik ji Kafkasan, hinek kurd, hinek ereb bi hev zeliqandine û nav kirine miletê tirk.
Ev e heqîqet...
Lema jî lîstikên xusûsî yên tirkan tunene, hemû yên xelkê ne.

Pêşewa Qazî Mihemed nemir e !

Di 70 saliya şehadata Qazî Mihemed û hevalên wî da, Pêşewa Qazî Mihemed, Seyfî Qazî, Sadrî Qazî û hemû şehîdên kurd û Kurdistanê bi hurmet bibîr tînim….
Serokê Komara Kurdistanê Qazî Mihemed, Seyfî Qazî û Sadrî Qazî di 31ê adara 1947a da li Meydana Çarçira ji alî rejîma şahîtiyê ya qatil ve hatin îdamkirin.
Di ser îdamakirina Qazî Mihemd û havalên wî ra ra 70 sal derbas bûn, lê ew di dilê her kurdî da dijîn, ew şehîdên Kurdistanê yên nemir in.
Îdama Qazî Mihemd û Meydana Çarçira di dil û hafizeya her kurdê welatparêz da birîneke kûr e û şopeke mezin hîştiye, ev meydan, ev roj, ev dîrok tu carî nayê jibîrkirin.
Di 70 saliya şehadata Qazî Mihemed û hevalên wî da, Pêşewa Qazî Mihemed, Seyfî Qazî, Sadrî Qazî û hemû şehîdên kurd û Kurdistanê bi hurmet bibîr tînim….
Qazî Mihemd nemir e…

Qazî Mihemed di mahkimê da awirekî tûj da serleşkerê ecem û wiha got:
”Mirina bi şeref baştire ji jiyana bindestiyê. Belê çend deqîqeyên din ez bi werîsê sêdara îdamê ve daleqandîme, lê ez we di binê sola di nigên xwe da dibînim. Min ji bo netewa kurd azadî kire fîrûze, hûn Mihemedekî dikujin, bes ji her dilopeke xwîna min bi hezaran Mihemed tên dinê, bi îdamkirina Mihemedekî azadiya gelê kurd ji nav naçe.”

30 mars 2017

Erdogan dibêje ya hûnê teslîm bibin ya jî ji vî welatî herin

Erdogan îro li Mêrdînê ji PKKê ra gotiye, ”Ya ewê teslîm bibin ya jî ewê ji van erdan herin…”
Hela hûn bala xwe bidin vî mahcirê kes nizane bezê guhê wî ji ku ye, kurdan ji welatê wan diqewitîne…
Mêrik eşkre kurdan bi tehcîrê, bi jenosîdî tehdît dike…
Binavkirina PKKê filan û bîvan demagojîye, Erdogan viya ji hemû kurdên azadîxwaz ra dibêje. Ji her kurdê ne xulamê tirkan ra dibêje.
Ev ne cara pêşî ye Erdogan ji kurdan ra dibêje ya hûnê bindestî û xulamtiya tirkan qebûl bikin, ya jî hûnê van erdan biterikînin…
Mêrik wek mahcirekî gurcî me ji welatê me diqewitîne…
Aşûnî/gewî bûne, ermenî qir kirin ji wan ra ma, yûnan qir kirin û dest danîn ser welat û mal û milkên wan, ji wan ra ma.
Nuha jî dora kurda ye, îcar kurdan bi tehcîr û jenosîdî tehdît dikin…
PKK ne tu partî ye, heger PKK partiyeke xwedî îdeolojî û siyaseteke millî bûya ewê dev ji ”demokratîk cumhûrîyetê” û ”welatê mişterek” berda û bigota ji nuha û pê da hedefa me serxwebûn e.
Lê heta çepên tirk û elewîyên çep rêvebirên PKKê bin, PKK dev ji ”demokratîk cumhûrîyetê” bernade û nabe partiyeke kurd û Kurdistanî…


XXX
Alîkarê wezîrê karên derve yê Rûsyayê Gennadiy Gatilov gotiye, “Kurd, beşekî krîza Sûriyê yê herî muhîm in. Heta kurd jî beşdar nebin girtina biryarên bicîanîna wan mimkûn pir zor e.”
Ji bo dîtina vê rastiyê ne hewceye meriv alîkarê wezîr be, her kesê haya wî ji gelşa Sûriyê heye vê rastiyê zane û dibîne.
Tenê Tirkiye ji ber siyaseta xwe ya antî-kurd naxwaze kurd jî wek aliyekî beşdarî hevdîtinan bibin.
Lê Tirkiye çi bike jî, xwe biçirîne jî dawiay dawî kurdê beşdar bibin û hemû mafên xwe jî bigrin.
Jimkî kurd li ser axa xwe ne û li welatê xwe xwedî hêz in. Tu hêz nikane kurdan ji nedîve were. Were jî vala ye, kurdê welatê xwe dîsa teslîmî kesî nekin...
Cin carê ji ş ûş ê derketiye, tu kes êdî nikane kurdan wek berê îdare bike. Ew dem çû. Dibê tirk wê demê ji bîr bikin.
Hemû padîş ahên Osmaniyan ji gorrên xwe rabin û werin alîkariya Erdogan û Bahçelî jî bêfayde ye, kurd ewê zincîrên bindestiyê biş kînin û li Kurdistana Rojava bigihîjin azadiay xwe....
Yanî dawa(mesela) Îraqê û Sûriyê qediya ye, nuha dora Tirkiyê û Îranê ye.
Ewrûpiyan Kurdistan çawa perçe kirin û kurd çawa kirin bindestê ereb û tirkan, wisa jî dibê ş aş iay xwe serrast bikin.
Ev deynekî îngilîzan, fransiyan, mereîkiyan û rûsan yê li hemberî kurda ye..

Ez zanim Kurdistanê çêbe…


Çêbûna Kurdistana serbixwe êdî ne tenê xewn û xeyaleke di dil û serê kurdan da ye.
Êdî ew heqîqeteke, munkûniyeke li ber derê me ye…
Tiş tê ji me tê xwestin avakirian wê ye.
Ne em kurd tenê, êdî dinya jî ji bo kurdan Kurdistanê, dewletekê dixwaze…
Ev pir û pir muhîm e, heta bêyî viya çêbûna Kurdistana serbixwe ne mimkûn e.
Yanî şertên der baş kemilî ne…
Emerîka, Yekîtiya Ewrûpa û Rûsya jî di nav da, îro li dinyayê bêyî neyarên me tu dewleta nexwaze Kurdistan çê bibe tuneye, hemû dewletên mezin piştgiriyê didin daxwaza kurdan ya serxwebûnê.
Di tarîxa me da di tu wext û zemanî da, tu carî piştgitriyeke navnetewî ya bi vê xurtiyê ji me ra çênebûye.
Hegger hêzên kurd li başûr û rojava di warê leşkerî û siyasî da yekîtiya xwe çêkin Kurdistan ewê çêbe.
Dibê meriv di vê qonaxê da fikir û dîtinên li dijî serxwebûnê red û mahkûm bike, fikir û dîtinên wiha ji teref kê were dibê em bizanibin ew ne dost e.
Û ji xwe strana Krdistanê jî hazir e:
Ez zanim Kurdistanê çêbe,
Azadî beyreqa wê be
ez zanim Kurdistanê çêbe
Lawê kurd egîdê wê be..
îro be yan sibê be..
Ew kesên nizanin Kurdistan li kû ye,
çi ye û çawa ye..
ji xwe ne îro û ne jî sibe nabin egîdên ti deran...
Ez zanim Kurdistanê çêbe
çavê alemê lê be...
///Eskerê Boyîk

XXX
Kurdê Kurdistanake serbixwe, dewleteke kurd nexwze û ala Kurdistanê wek ala welatê xwe û miletê û ya xwe nebîne, navê wî û maqamê wî çi be jî ew kurdekî qelp e, kelekekî kurmî ye.
Bi kurtî bi baweriya min siyasetmedarê, ronakbîrê, kurdê Kurdistaneke serbixwe nexwaze, viya wek mafekî kurdan yê rewa nebbîne ya jî bi hin demagojiyên beradayî li dijî serxwebûna kurdan be û ala Kurdistanê wek ala xwe nebîne ew ne merivekî kurdperwer e, heta ne dostê kurda ye jî.

XXX

Bînalî Yildirimê xwedêgiravî "serokwezîr" gotiye, operasyona "Mertala Ferêt qediya." !
Îcar qediya ha !
Kurro fedî neke, rastiyê bibêje, Traump, Pûtîn û YPGê hûn qewitandin...
Traump û Pûtîn wek Xoce Nesredîn hûn paşpê li kerê we siwar kirin û paş da şandin Anqerê..

29 mars 2017

Mêrik dibêje piştî 16ê nîsanê ewê Tirkiyê bike cinet (!)



Li ser pirsa ”piştî 16ê nîsanê ewê çawa bibe ?” Erdogan gotiye ”ewê Tirkiyeke pir xweş hebe. Di warê demokrasiyê da ewê Tirkiyeke hîn xurt hebe. Di warê maf û azadiyan da ewê Tirkiyeke xweş were.”
Yekî nizanibe ewê bibêje ev mêrik ev 15 sal in bi tena serê xwe ne li ser hukim e û nuha jî ne serokê dewletê ye.
Tu dibêjî belkî mêrik serokê CHPê ye, ne serokê dewletê û ne îktîdar e…
Kenê meriv tê…
Min fêm nekir çima piştî 16ê nîsanê ?
Sebebê hîştina piştî 16ê nîsanê çi ye?
Lê ev gotinên berradayî dikeve serê tirkan, miletekî xêv e…
Wisa xuya ye heger ji referandûmê “erê” derkeve ne ev Recep Tayyip Erdogan, Erdoganekî din ewê bibe serokê Tirkiyê…
Lema jî soza Tirkiyeke hîn xweş û hîn demokratîktir dide tirkan…
Lê rojnamevanên tirk jî ne tu rojnamevan in, kes nabêje lawo çima tu nuha van tiştan nakî?
Ma tu ne eynî meriv î ?
Kê bi destê girtiye?
Kî nahêle tu demokrasiyeke hîn baştir bîne Tirkiyê?
Tirk korfahm in. Mêrik bi aqilê wan dikene.
Lê bersîveke wî ya din jî tuneye, ma ewê çi bibêje?
Berî 16ê nîsanê tiştê bêqanûnî û bi zorbatî dike, piştî 16ê nîsanê, heger qezenc bike, ewê bi qanûn bike.
Dîktatoriya wî êdî ewê resmî û qanûnî bibe. Êdî kesê nikanibe bibêje tu nikanî viya bikî, filan û bîvan…
Dilê wî çi bixwaze ewê wiya bika.
Lê herî muhîm, heger qezenc bike, ewê jiyana xwe û malbata xwe heta mirinê bigre garantiyê.
Û ya din jî ewê bi hovîtiyeke pir mezin bajo ser kurdan, ewê teroreke nedîtî bide meşandin.
Ewê hin zindanên din bide lêkirin û ewê hinekî din jî Kurdistanê wêran bike.
Di vî warî da wî û Devlet Bahçeliyê faşîst li hev kirine. Ji xwe ne wisa bûya Bahçelî piştgirî nedidayê.
Bi kurtî meriv kane bibêje Erdgoan îro çi dike, piştî referandûmê jî ewê eynî tiştan bike…

Ala Kurdistanê bîna Abdullah Gul jî teng kiriye



Abdullah Gulê gelek kurdên totikvala jê pir hez dikin û pir pesnê wî didin, li dijî hildana ala kurd li Kerkûkê derketiye, gotiye
” Hildana ala IKBY li Kerkûkê ji bo têkêliyên tirkmen, kurd û ereban gefek e. Ev biyareke li dijî qanûna esasî ya Îraqê ye û ewê bibe sebebê hin gelşên nuh. ”
Wek hemû neyarên kurdan Gul jî naxwaze bibêje ala kurd ya jî ala Kurdidtanê, ji dêlî wê dibêje ”ala IKBY. Yanî ala Hukûmeta Herêma Kurdistana Îraqê.
Tirk û medyaya wan heta pir ne mecbûr bin navê Kurdistanê û ala Kurdistanê bi kar naynin. Naxwazin navê Kurdistanê û ala Kurdistanê meşrû bibe û têkeve devê milet. Dixwazin wek tabû bihêlin.
Em werin ser gotinên Abdullah Gul.
Hûn dibînin evê devşil çi keftarekî bêdiran e, çi marekî kor e.
Ala Kurdistanê ji bo efendî û tirkmenên wî gef e û ewê bibe sebebê hin gelşên nuh.
Ala Îaqê û erebî  ji bo Dulê devşil û tirkmenên çeteyên dewleta tirk ne gelş e, ya wan nerehet dike ala Kurdistanê ye, kurdî ye.
Erdogan dijminekî eşkere ye û dijminatiya xwe ya li hemberî kurdan tu carî jî veneşartiye.
Lê ev marê qartîşî sed carî ji Erdogan bêtir neyarê kurd û Kurdistanê ye, bes wek Erdogan nade der. Ev gayê zexel pir bi bin û xayin e, dixwaze koka kurdan bi devnermikî, bi dostî biqelîne.
Ala Îraqê, zimanê erebî bi wî û bi tirkmenên bêbext wek şîr û şekir e, lê ala Kurdistanê û zimanê kurdî wek şûjinê di çavê wan ra dihere…

28 mars 2017

Dadgeha Diyarbekrê ji doza KCKê ceza li kurdan barand


Îro li Diyarbekrê mahkima KCKê(Koma Civakên Kurdistanê)bû. Ev 8 sal in dewleta tirk di bin navê "doza KCKê" zulmeke pir mezin li kurdan dike.
Wa ye îro dawî dane vê tiyatroya xwe.
Xwedê heye ”mahkima” tirk di mahkûmkirina kurdan da qet texsîr nekir. Tenê îdam û muebet neda.
Lê hewqas jî nedibû, heger bibûya ewê çend muebet û çend îdam jî bidana…
Mahkima faşîst û  tiroviro û antî-kurd, hevserokê BDPê Kamûran Yuksek, Hatîp Dîcle û Ahmet Turk jî di nav da tam li 107 kesan ceza barand…
Tiştê îro li Diyarbekrê li hemberî kurdan kirin teror e, irqçîtiyeke dûrî aqilan e û jenosîdeke siyasî ye…
Di vê tiyatroya bi navê ”Doza KCK”ê da ev 8 sal in bi sedan kurd belasûc û belasebeb di zindanan da zirandin.
Ji xwe KCK bi xwe rêxistineke tarî ye. Bi îhtîmaleke mezin bi teşwîq û haya hukûmetê hat avakirin û lema jî ji destpêkê da gelek merivên xwe xistin nav, li însanan guhdarî kirin, provakator bi kar anînin, provaksyon kirin.
Û dû ra jî giş torp kirin û kirin delî û sûc…
Lê di esasê xwe da li ortê tu sûc mûc tuneye, hemû vir û sanaryoya dewletê ye.
Ji bo ku kanibin bi sedan siyasetmedar û kadirên kurd yên fedekar û welatparêz ji jo ortê rakin û di zindanan da birizînin KCK li hev ragirtin.
Musebîbê vê trajediya mezin jî PKK ye, hat lîstika hukûmeta AKPê û bi sedan kurdên fedekar û welatparêz xist kemîna vê dewleta faşîst..
Û him jî pir erzan, ji bo tiştekî berradayî. Ji ber endametiya KCKê !
PKK hebû, BDP hebû, bi dehana rêxistinên din hebûn, lê ji nişkava rabûn KCK ava kirin.
Çima, ji bo çi kes nizane…
Ji ber endametiya rêxistineke îllegal 21 sal ceza!
Sînorê bêbextiyê û çavsoriyê tuneye, ev dewlet dewleteke faşîst û antî kurd e, kane her namerdiyê bike.
Li hemberî vê zulmê meriv lal dibe…
Çend nav ji kesên cezayên giran girtie ev in:
 Li gorî biryara dagehê, ji bo hevserokê Partiya Herêmên Demokratîk (DBP) Kamuran Yuksek 21 sal, Gulcihan Şîmşek 6 sal û 3 meh, Salih Akdogan 21 sal, Zahîde Besî 9 sal, Zohre Bozacî 21 sal, Çîmen Işik 21 sal, Ahmet Turk 1 sal û 3 meh, Hatîp Dîcle 9 sal, Leyla Guven 6 sal û 3 meh, Firat Anli 6 sal, Ferhan Turk 6 sal û 3 meh, Selîm Sadak 6 sal 3 meh cezaya girtîgehê hate dayîn.
Û 47 kes jî berat kirin

Yekîtiyê li Kerkûkê fêkiyê xwe da

Encumena Kerkûkê îro biryareke dîrokî girt !
Ala Kurdistanê li Kerkûkê êdî ewê li ser hemû sazî û dezgehên dewletê li ba bibe
Ev serketina kurdan li Kerkûkê fêkîyê tifaq û yekîtiyê ye...
Hezar carî pîroz be !
Encûmena Parêzgeha Kerkûkê biryara bilindkirina Ala Kurdistanê li ser hemû dexgehên dewletê qebîl kir.
Encûmena Parêzgeha Kerkûkê îro(28ê/3) bi rojeva hildana Ala Kurdistanê li ser hemû sazî û dezgehên dewletê civiya û biryara hildana alê qebûl kir.
Li gorî Rûdaw dinivîse tirkmen û ereban ji bo civîn çê nebe gelek hewil dane û hinekên wan civîn boykot kirin.
Lê belê encumenê biryara bilindkirina Ala Kurdistanê li Kerkûkê li ser ser hemû dezgehên resmî bi piraniya dengan qebûl kir..
Biryareke dîrokî ye û pîroz dikim.
Esas dibê ev biryar ji zû da hatibûya girtin. Çimkî berî her tişî Kerkûk bajarekî Kurdistanê ye, piraniya nufûsa Kerkûkê kurd in û yên Kerkûkê diparêzin û xwîna xwe ji bo wê dirjînin jî kurd in.
De îcar çima ewê ala Kurdistanê bi ala Îraqê ra neyê hildin?
Muxalefeta ereban ez fêm dikim, mêrikan naxwazin Kerkûkê ji destê xwe derxin, cebga li ser Kerkûkê bi ereban ra ne nuh e.
Lê sebebê dijayetiya tirkmenan Tirkiye ye, Tirkiye tirkmenan li dijî kurdan pîj dike. Yanî sebeb dijminatiya Tirkiyê ye….
Yekîtiya kurdan ew birin zaferê.
24 endamên meclîsa Kerkûkê hene. Di dengdanê da hemû hêzên kurd bi hev ra hereket kirin, lema jî kanîbû piraniyê bigrin destê xwe. Gava yekîtî hebe netîce ev e. Yanî yekîtiya kurdan ew brin zaferê, ya na ewê tirkmen û ereb bi ser ketana...
Li gorî Rûdawê nivîsîye erebekî tenê bi kurdan ra hereket kiriye.

XXX

Wezîrekî tirk heye, ne tu meriv e, qaşikê xiyarekê tahl jî nake.
Faşîstekî pir erzan e, şelafekî Erdogan e.
Ev demeke pir diewte, bêsebeb diewt e, ne li serê çiyan, li meydanan, di nava koma polîsan da dike ewteewt…
Ji wî wetnê mêrxasiyê dike.
Lê qet pê nakeve.
Ne di wê kalîbrê/çapê da ye…
Bira mêrxasî li wir bimîne, nagihîje şekala pêxwasan jî..
Cewrike hîn nebûye kûçik.
Lê li ba xwediyê xwe, xwe li şêr û şepalan radikşîne…
Kûçik ya dema hêrs bibe, ya dema kêf bike, ya jî dema bitirse diewte…
Ez dibêji ev seg ji tirsê hewqasî dike ewteewt…
Kûçik ji kê bitirse bi wî da diewt e...
Dixwaze xwediyê wî şekirekî têxe dev û destê xwe di serî bide…
Kûçik ji eferimê hez dike, çimkî bi qasî heywanekî sadiq e, hewqasî şelaf/şalûz e…

27 mars 2017

Tirk dixwazin kurdan bikin lazên Kurdistanê

Tirkan çawa laz û miletên din kirin tirk, eynî tiştî bînin serê kurdan jî.
Heger tirkan bixwesta kurd wek milet bimînin ewê zimanê kurdî bikirana zimanê resmî û perwerdeya bi kurdî qebûl bikirana.
Lê nêteke wan ya wiha qet tuneye. Armanca dewletê û ya hemû tirkan, ya hemû partiyên wan, ya rast, çep, dîndar û faşîstên wan yek e, helandina kurda ye.
Nêta wan, hedefa wan kurdan bi riya asîmîlasyonê bihelînin û wek lazan bikin tirk.
Di van 30-40 salên dawî da herî kêm 4-5 milyon kurd kirin tirk. Haya kurdan ji vê jenosîda bêdeng û bêxwîn tuneye.
Bi hin manawrayan xapandinê wextê qezenc dikin.
Ji ber nêta wan xerab e, lema jî zimanê kurdî nakin zimanekî resmî û qebûl nakin zarokên kurd bi kurdî bixwînin.
Li gorî wan dibê kurd ji zû da, piştî 2-3 nifşan wek lazan heliyabûna û bûbana tirk.
Heta li gorî Îlber Ortayliyê panturkîst û antî kurd piştî nifşekî şansê mayina zimanekî tuneye...
Lê kurd wek lazan û miletên din neheliyan, kurdan li ber xwe da.
Çimkî rehên zimanê kurdî, kultur, folklor, zargotin, muzîk û edebiyata kurdî pir di kûr da ye, kultura kurdî, folklor û zargotina kurdî ji ya tirkî sed qatî xurttir e, lema jî kurd wek miletên din zû neheliyan.
Folklor û zargotina wan, kilamên wan, edebiyata wan ya devikî helandina wan zahmettir kir.
Lê li hemberî vê teknîk û dinya nuh êdî şansê me tuneye, êdî em bi xwe, ji xwe ber asîmîle dibin.

XXX

Tirk direvin Swêd
Kesên ji Tirkiyê direvin û tên li Swêd îltîca dikin roj bo roj zêde dibin.
Di sala 2016a da li Swêd daxwaza penaberiyê(îltîcayê) ji hemû wealtan kêm bûye, tenê ji Tirkyê zêde bûye.
Him jî ji sedî 200 qat zêde bûye.
Di sala 2015a da ji Tirkiyê 253 kesî li Swêd daxwaza îltîcaya siyasî kiriye. Ev hejmar di sala 2016a da derketiye 738 kesan.
Yanî wek prosent kesên ji Tirkiyê direvin ji yên Sûriyê, Îraqê, Somalî û Erître jî zêdetir e…
Tê texmîn kirin îsal îltîayên ji Tirkiyê ewê du sê qatan zêdetir bibe.
Yanî yê kane ji Tirkiyê berive direve. Çimkî îslamîstên tirk Tirkiye kirin dojeheke bi rastîn, bêyî çend faşît û îslamîstên AKPê kes nikane lê bijî, bîna însên lê diçike.
Tirkiyeya dikira bibûya endamê Yekîtiya Ewrûpa îro bûye zindaneke mezin û her kes dixwaze jê bireve. 

26 mars 2017

Min dev ji teqawîdiyê berda û sibe diçim kar…


Heft meh berê gava min rahîşt gopalê xwe û ez teqawid(emeklî) bûm, min digot belkî ez kokbirr ji swêdiyan û ji Forsakringskassanê(Dahîreya sîgortayê)xelas bûm.
Lê dinya tije surprîz in, meriv nizane kînga ewê kîjan surprîz derkeve hemberî meriv.
Ez zêde dirêj nekim û ji we ra meselê ronî bikim.
Hefta borî roja sêşemiyê xanima şefa min telefonî min kir, got karkirê me nexweş e, heger mimkûn be em dixwazin tu werî hawara me.
Min got weleh ez qet ne li bende pêşniyareke wiha bûm, ji bo min bû surprîzeke mezin e. Lê min zanîbû ewê netîce ev be. Gava min ji we ra digot bêyî min hûnê nikanibin îdare bikin, hûn bi min dikeniyan, wa ye gotina min rast derket. Lê gerek ez hinekî bifikirim.
Gava xanimê û zarokan mesele bihîstin, gelkî kêfa wan hat, gotin weleh ji te ra loto lêket, qebûl bike.
Yanî dixwestin min ji hundur derxin. Xanim dibêje qenekê tu yê ji vê bêxwediya datayê(kompîtorê) xelas bibî, tu pê ve zeliqî ye…
Tabî hesûdî jî heye, ew(xanim) dihere kar, ez li mal dimînim, ev jî pê zor tê. Lema dixwaze min jî ji hundur derxe…
Ez serê we neêşînim roja çarşemiyê min telefon kir û min pêşniyar qebûl kir.
Me heta 30ê hezîranê li hev kir. Xwestin ez hinekî din jî dirêj bikim, min got na, dibê ez hinekî biceribînim…
Ezê sibe(27/3)dest bi kar bikim.
Kar tam kar e, yanî 8 saet û nîv e. Ezê saet 08-00 da dest bi kar bikim û di 16.30î da biqedînim…
Yanî dûzana min careke din xera bû.
Ev çend meh bûn ez fêrî rehetiyê bûbûm, ji çûn û hatinê û qelebalixa trafîkê xelas bûbûm. Ji nuh ve dibê ez xwe fêrî bikim.
Ez hêvî dikim tesîreke zêde li karê minê nivîsandinê neke. Hela ka em binêrin ewê çawa be…

XXX
Bersîva xwendevanên nivîs şirove kiribûn.


Mala we hemûyan ava be, we ez pir kêfxweş kirim…
Lê belê we ji xanimê jî xerabtir kir, kes nabêje tu kalekî 67 salî ye(di vê nabênê da min temenê xwe jî eşkere kir)te guneh e, tu êdî ne yê kar mara yî…
Him 8, 5 kar, saet û nîvek rê û him jî şerê tirk, faris û ereban !
Ma ez bûm Rustemê Zal ?
Lê ez ji we ra bibêjim, bi Xwedê ez qurişekî xwe jî di sal malan nadim, dilê min û mejuyên hîn wek yê xortekî 20 salî ye…
Berxwedan jiyan e, hêz û enerjî eşq û evîna Kurdistan e…

XXX

Merheba ji we hemûyan ra!
Şikir ji Xwedê ra piştî gelek keft û left faca min çê bû. Hinekî serî li min gerand, lê dawiya dawî ez bi ser ketim.
Gava wexta min çê bibe ezê çend rêzan binivîsim.
Ev roja pêşî ye, zaliman ji min ra gelek kar xistine ser hev. Kes nabêje ev mêrik kal e, guneh e. Dibê ez berê ji wan xelas bibim.
Dû ra Xwedê mezin e, hela ez binêrim roj ewê çi surprîzan derxe pêş min…
Haaa, dibê ez vê jî îtîraf bikim, di vê nabênê da bi minasebeta ”xêrahtinê” min çend horî jî himêz kirin…
Kara min ya îro ev e…


Heta referandûmê Erdogan ewê retorîka xwe ya êrîşkar bidomîne

Erdogan dîsa ji ewrûpiyan ra gotiye ”hûn faşîst in, faşîst”.
Heta 16ê nîsanê jî ewê vê retorîka xwe ya lûmpen û êrîşkar bidomîne. Çimkî kêfa tirkan ji qebedayîtiyên wiha ra tê.
Ev zimanê lûmpenwarî rayên wî zêde dike, bi kêmanî hesabê û hêviya wî ew e…
Tirk miletekî zêde nasyonalîst û faşîst e, lema jî ji propagandeyên panturkîst pir hez dike.
Erdogan jî tirkan baş nas dike, zane kane tirkan bi çi bixapîne. Lema jî dide bin çengê wan….
Lê piştî referandûmê kane sedîsed çerx bike û îcar here xwe bavêje dexlê Ewrûpayê…
Wek mesela rûsan…
Di şerê bi Rûsyayê ra jî eynî tişt kir…
Yanî mêrik wek kevoka teqlebaz e, çerxkirin jê ra ne muhîm e…Di vî warî da xwedî meharet e. Çimkî şerm nake…
Ma heta nuha bi dehan car wiha nekiriye?
Tiştên berê kir sûcê Fetulah Gulen, got merivên Fetulah ew xapandin. Îcar jî kane bibêje hinekên din ew xapandin…
Jê her tişt tê…

XXX
-Merivê durust(rast) him bedena wî û him jî ruhê wî rehet e.
Merivê durust wek zêr e, zêr jî herkes bi xwe ve nake, jê hez nake. Lê ev yek qîmeta zêr naxîne.


XXX
Hin kes çend maskeyên wan hene, li ku derê, di kîjan rewşê da kîjan maske lazim be wê maskeyê bi kar tînin. Min 6 maskeyên yekî  jimartin. Mêrik tam 6 maskeyan bi kar tîne. Ev jî yên min jimartin, belkî  zêdetir bin.  Û giş jî pere dikin.

25 mars 2017

Cîgirê serokê AKPê: Ji bo em rê li ber çêbûna Kurdistanê bigrin me operasyona Mertala Ferêt da destpêkirin

Cîgirê serokê AKPê Mehmet Alî Şahîn gotiye, ”Ji bo em rê li ber çêbûna Kurdistanê bigrin me operasyon Mertala Ferêt  da destpêkirin. Dixwazin ji bo kurdên Îranê, Îraqê, Sûriyê û Tirkiyê, Kurdistaneke xwe bigihîne Derya Spî ava bikin, projeyeke wan ya bi vî rengî heye. Xerîteyên hazir kirine derketin ortê. Hûn zanin me wek dewlet û hukûmet operasyona Mertala Ferêt ji bo çi da destpêkirin? Ji bo em rê li ber çêbûna Kurdistanê bigrin.”
Ev gotinên Mehmet Alî Şahîn tu înformasyoneke nuh nadin min, ew bibêje, nebêje ez zanim ew li dû çi ne û dixwazin çi bi bikin.
Û ev tiştê Şahîn nuha îtîraf kiriye heta nuha min belkî sed carî gotiye. Ji xwe ne ez tenê, her kurdê ne hevalê dewleta tir vê hedefa Tirkiyê dibîne.
Lê gelek cahil û xayin hene naxwazin vê hedefa Tirkiyê bibînin.
Ez van gotinên Mehmet Alî Şahîn diyarî van kurdên AKPê û hemû kurdên neyarên PYDê dikim. Ew cahşên hîn jî bi AKPê ra ne, li Sûriyê hîn jî li hemberî PYDê piştgiriyê didin îşxala Tirkiyê, diyarî wan dikim.
Bi qasî dewleta tirk û hukûmeta AKPê ew jî dixwazin rê li ber avabûna Kurdistanê bigrin.
Her kurdê îro bi AKPê ra ye, di telewîzyona dewletê da kurdan dixapîne piştgiriyê dide vê plana AKPê û dewlta tirk.
Tirk ji nuha da tedbîra xwe ya 100 sal şûn da dgirin. Dibêjin Kurdistane mezin îro nebe 100 salên din kane çê bibe. Lema jî ji nuha da rê li ber digrin.
Mehmet Alî Şahîn ev rastî pir vekirî gotiye...
Spas, dijminekî rastgot ye...
Ji bo kurdên tirkînezan jî kanibin beyana Mahmet Alî Şahîn bixwînin min qismê axaftina wî ya li ser îşxala Kurdistana rojava kir kurdî.


 ”100 sal berê, di dema dawî ya împartoriya Osmanî da emperyalîstên rojavayî sînor bi cetwelê kişandin. Iraq, Sûriye, Urdun wan çêkirin. Ji bo berjewendiyên xwe wiha kirin. Lê belê nikanîbûn bigihîjin du hedefên xwe. Ji vana yek Kurdistana mezin bû, yek jî Ermenîstana mezin bû. Piştî 100 sal, dixwazin ji nuh ve ji bo kurdên Îranê, Îraqê, Sûriyê û Tirkiyê, Kurdistaneke xwe bigihîne Derya Spî ava bikin, projeyeke wan ya bi vî rengî heye. Xerîteyên hazir kirine derketin ortê. Hûn zanin me wek dewlet û hukûmet operasyona Mertala Ferêt ji bo çi da destpêkirin? Ji bo em rê li ber çêbûna Kurdistanê bigrin me operasyon da destpêkirin.
Ji bo ku derbasî rojavayê Ferêt nebin me ev tiş hemû kirin. Ya na çavê me di axa Sûriyê da tuneye. Di yek buhost erdê Sûriyê da çavê me tuneye. Lê belê parastina Sûriyê ji El Babê dest pê dike. Ji ber wê leşkerên me li wir e. Ji bo wê me nêzî 70 leşker şehîd dan. Ji ber vê jî dibê li Tirkiyê îdareyeke xurt hebe, hewcedarî ji îdareyeke bi îstîkrar heye. Em bi geleşa beka Tirkiyê(hebûn û tunebûn, ebedîyet)Tirkiyê ra rû bi rû ne. Me jî ev got, Devlet Bahçeliyê xwedêjêrazî jî ev tişt got. Nuha ne wexta meriv li mefaetên partiyan bifikire. Rîsk û tahlûkeyeke pir cidî li pêş Tirkiyê ye. Wê çaxê dibê miheqeq em îdareyeke pir xurt bînin ser hukim, dibê em sîstemê biguherin.”
(DHA)

Tirsa ji cûntayeke leşkerî ya nuh Erdogan bizandiye

Erdogan hîn jî ji cûntayeke leşkerî ya nuh ditirse, tirsa ewê wî bixînin û ceza bikin ew ziravqetyayî kiriye. Lema jî der û dora xwe, leşkeran, civatê tehdît dike.
Çend numûne ji gef û tehdîdên Erdogan:
”Heger tiştekî xerab were serê welatê me, emê hemû bi hev ra qiyametê bijîn. Li Sûriyê bajarên şewitî û wêranbûyî hûn dibînin. Hûn êşên li Îraqê taqîb dikin. Dixwazin li Tirkiyê jî eynî tiştan bikin. Li hemberî kesên viya dixwazin sîleha me ya herî mezin yekîtiya me ye.”
Di vir da baş xuya dike Erdogan ji xistin û kuştina xwe pir ditirse, tirsa ewê darbe bibe hîn ji ser xwe neavêtiye.
Lema jî dibêje heger hûn teşebusî darbeyê û xistina min bikin ewê qiyamet rabe, tiştê hat serê Sûriyê û Îraqê ewê were serê Tirkiyê jî.
Ji bo wê jî, heger hûn dixwazin Tirkiye jî nebe Îraq û Sûriye, dibê hûn li hemberî hukmê min ranebin û teşebusî xistina min nekin. Dibê ez heta mirinê li ser hukim bim. Ya na ezê Tirkiyê bikim Sûriye û Îraq.
Ji xwe ji bo heta mirinê li ser hukim bimîne, ji bo ruhê xwe bigre garantiyê serokatiyeke ebedî dixwaze, sebebê guhertina destûrê ev e.
Li alî din bela xwe ji Ewrûpayê jî venake, dev ji tehdîdên xwe bernade.
Ji ber Parlamentoya Ewrûpayê nehîştiye rojnameya AKPê Daily Sabah têkeve hundur avahiya Parlamnetoyê Ewrûpa tehdît kiriye, gotiye:
” Nahêlin Daily Sabah têkeve Parlamentoya Ewrûpayê, yasax kirin. Ka li ba wa azadiya çapemeniyê hebû? Çima we yasax kir?Hûnê hesabê wê bidin. Hûnê rehetiyê nebînin.”
Bi baweriya min dibê ewrûpî gefên Erdogan cidî bigrin. Tiştê Erdgoan dibêje ne blof e, bi rastî jî ewê Ewrûpayê rehet nehêle…
”Heta hûn ji Erdogan ra bibêjin dîktator, Tayyip Erdoganê jî ji we ra bibêje faşîst jî, nazî jî !”
Wek tê dîtin di gefên xwe da mêrik bêperwa ye, dibêje ya hûnê devê xwe bigrin û tu kirineke min rexne nekin, ya jî ezê jî bêbersîv nemînim…

XXX
Rahmetîyê bapirê min digot, rojekê du melaîke ji jorê werin û di bin çengê xwe de mirovekî tirk bi xwe re bînin û ji min re bêjin me ev ji jorê aniye, tu dikarî qinyatê pê bînî, welehî dîsa jî ezê hinekî bifikirim.”
Selman Coşar
Bapîrê Selam Coşar merivekî pir biaqil û pir bi xîret bûye. Dijminê xwe baş nas kiriye û xwestiye neviyên wî jî vî dijminê xedar nas bikin. Lema jî şîreteke pir baş li neviyên xwe kiriye..
Ez rahmetî bi hezkirin û bi hurmeteke mezin bibîr tînim. Gorra wî buhuşt be…


XXX
Bi roj şimamok e bi şev pîrebok e…
Bi şev mîvan, heval û aqildarê dijmin e, bi roj jî ronakbîr û tarîxzanê kurd e…
Mezhebê me pir fireh bûye...
Tu dibî çi bibî dîsa were, deriyê me hertim ji te ra vekirîye..

24 mars 2017

Ev karê munafiqan e

Kurdê ev bandrol bi darde kiriye, kurdê vê sloganê diparêze merivekî namerd û xwefiroş e
Ev hukûmet û kurdên ji Erdogan û Bînalî Yildirim ra xulamtiyê dikin merivên pir bêrû û pir bêheya ne, bi wan ra ar û fedî nemaye.
Ev slogana jêr li Diyarbekrê bi darde kirine:
”Her ERÊ ji ruhê Şêx Seîd û hevalên wî ra fatîheyeke”!
Însan ancax kane hewqaî bêheya û bêar bibe. Kurdê ev bandrol li Diyarbekrê bi darde kiriye, kurdê vê sloganê biparêze kurdekî xwefiroş û namerde, cahş e, xayinê qewmê xwe ye…
Û bi qasî misqalekî jî hurmeta wî ji Şêş Seîd ra tuneye…
Şêx Seîd û 46 hevalên wî bi hovane îdam kirin û ev 92 sal in jî gorra wî û hevalên wî nîşanî malbatên wan û kurdan nadin.
Malbta Şêx Seîd çi kir jî vê hukûmetê ciyê garra wî nîşan neda.
Di hemû kitêbên dîrokê yên tirkan da Serîhildana Şêx Seîd wek şerîhildinake xayinan, paşverû û provaksyoneke îngilîzan ya li hemberî rejîma kemalîst û cemhûrîyetê nîşan didin.
Hîn 3 meh berê aqilmendê Erdogan Prof. Burhan Kuzu ji bo Şêx Seîd û havlên wî got ”Namerd”.
Lê nuha jî rabûne li Diyarbekrê bandrola ”Her ERÊ fatîheyeke ji ruhê Şêx Seîd û hevalên wî ra” bi darde dikin.
Qeyûmê Erdogan û Bînalî Yildirim çer dest da ser belediyê navê Meydana Şêx Seîd guhert, lê li ser navê Şêx Seîd rayên kurdan jî dixwqzin. Ev munafiqîyê jî wêdatir e.
Bêguman Erdogan û Bînalî Yildirim bi çavekî baş li Şêx Seîd nanêrin û navê wî tu carî bi başî nagrin devê xwe.
Ew jî wek Burhan Kuzu difikirin û ji bo Şêx Seîd û havalên wî eynî tiştî dibêjin, eynî heqaretan dikin.
Lê cahş û xayinên me yên AKPê ji bo çend rayan bi namerdî navê Şêx Seîd îstîsmar dikin.
Yên ev pankart nivîsîne ne AKP û tirk in, hebe tunebe hin namerd û cahşên kurd in, ew ji Erdogan û Bînalî hezar carî xerabtir in.

XXX

Bi baweriya min yê li Diyarbekrê slogana ”Her ERÊ ji ruhê Şêx Seîd û hevalên wî ra fatîheyeke” daye bidardekirin serokê AKPê yê Diyarbekrê Muhammed Akar e, ew li pişt vê sloganê ye.
Sloganek, îstîsmarek hewqasî xayinane ancax were bîra munafiqekî wek wî.
Ez Muhammed Akar ji TRT6ê, berî bibe AKP nas dikim. Ji roja min ew dîtiye û nas kiriye întîbyeke pir xerab li ser min hîştiye.
Bi baweriya min bêyî wî tu kurdekî din ne mimkûn e Şêx Seîd bi vê namerdiyê îstîsmar bike, ancax ew bike.

XXX
AKPê got tu têkliyeke wan bi pankartên Şêx Seîd ra tuneye
AKPê got têkiliya wan bi pankarta Şêx Seîd ya bi nivîsa ” Her ERÊ ji ruhê Şêx Seîd û hevalên wî ra fatîheyeke” tuneye, ev yek bê haya wan çê bûye û ewê di heqê berpirsiyaran da tiştê pêwîst bikin.
Cîgirê Bînalî Yildirim û berpirsiayrê karên hilbijartinan Ahmet Sorgun got ”tu têkiliya pankartên Şêx Seîd bi AKPê tuneye ” û wan di heqê kesên berpirsiyar da jî lêkolîn dane destpêkrirn.
Di nivîsa xwe ya do da min got ” yên ev pankart nivîsîne ne AKP û tirk in, hebe tunebe hin namerd û cahşên kurd in…”
Texmîna min rast derket. Wa ye haya Akpê jê tuneye û hemû pankart rakirine. Yanî derket ortê ev karê hin şelaf û namerdên kurdin, ji bo berjewendiyên şexsî navê Şêx Seîd îstîsmar dikin.
Lê baş bû wa ye tirkan red kir. Çimkî Yildirim û Erdogan bi çavê neyar, bi kîn û nefreteke mezin li Şêx Seîd dinêrin. Û tu carî jî tiştekî eksê vê negotine. Rezîl û xwefiroşên me li ser navê Akpê ev sextekarî kirin…
2017-03-24

23 mars 2017

Kuro hûn jî herin bi gerîlla ra rismekî xwe bigrin !

Kuro ma çi yê we ji rûsan û emerîkiyan kêmtir e, hûn jî herin bi gerîlayên YPGê yên qehreman ra çend rismên xwe bigrin û ket û mir !
De îcar ev çi qahr e, ev çi protesto ye?
Efendim leşkerên rûs bi gerîlayên YPGê ra risim girtine…
Kuro bira leşkerên we jî herin pê ra rismên xwe bigrin …
Ma kê bi detê we girtiye?
Ji bo girtina rismekî bi gerîlayên YPGê ra xelk ji wî serê dinyayê tên Efrînê û Kobanê…
Hûn cîran in...
Bira leşkerên we jî herin çend rismên xwe bi wan şêr û şepalan ra bigrin.
Û hûn jî wek rûsan belav bikin.
Bira xelk ji we ra jî bibêje eferim, wa ye leşkerên tirk bi gerîlla ra risim girtine..
Lê hûn nakin.
Ma qotike dilê min li we ketiye?
Ma hûn kût in ?
Herin, nêzî we ne, dengê we dihere hev…
Bibêjin em jî dixwazin wek rûsan bi gerîla ra çend rismekî bikşînin...
Efendim ji ber leşkerên rûs li Helebê beşdarî Newrozê bûne, bi gerîlayên YPGê ra govend gerandine, risim kişandine û generalekî rûs arma YPGê bi milê xwe ve kiriye Tirkiye pir aciz û xeyalşikestî bûye...

Û ji ber vê jî berdevkê wezareta karên derve yê Tirkiyê Huseyin Muftuoglu, di nava du rojan da du caran gazî maslahatguzarê Rûsyayê yê Anqerê Sergey Panov kiriye û nerazîbûna Tirkyê nîşan daye.
Li gorî medyaya tirk û kurd dinivîse Huseyin Muftuoglu ji Sergey Panov ra gotiye, bi dîtina rismên gerîlayên YPGê û leşkerên rûs yên bi hev ra Tirkiye pir xemgîn bûye û ji Rûsyayê xwestiye tiştekî wiha careke din dubera nebe û ew hêvî dikin Rûsya di demeke kin da ofîsa YPGê ya Rûsyayê bigre…
Hema hûn emir bikin efendim…
Yaho bi navê Xwedê tirk kêmaqil in.
Kurro çima hûn xwe diqeherînin, çima rûsan protesto dikin ?
Ma çi yê we ji rûsan kîmtir e?
Tiştê rûsan kiriye hûn jî bikin û xelas !
Di ser qerez û qayişa rûsan ra hûn jî  herin bi gerîla ra çend risman bikşînin!
Bira generalekî we jî arma YPGê bi milê xwe veke!
Bira çend leşkerên we jî ala YPGê li bake…
Xelk ji Emerîkayê, ji Rûsyayê, ji serê dinyayê dihere Efrînê, Kobanê, Kurdistana rojava ji bo bi gerîlayên dilêr, bi wan şêr û şepalan ra çend risman bikşînin.
Hûn cîrani in, nabêna 10-15 deqîqe ye.
Hûn jî herin bi gerîlayên qehreman ra çend risman bikşînin.
Heger qebûl nekirin, rica bikin, bibêjin me kir hûn nekin, me efû bikin.
Ez bawer dikim ewê we efû bikin û bihêlin hûn çend risman bi wan ra bigrin.Ewê ji bo we bibe şeref.
Lê we carê daye ser rêya xerab, hûn titştên bi şeref nakin.
Hûn fêr bûne di qunckên tarî da bi qatil û  terorîstên Daîşê û El Nusrayê ra risman bigrin. Û ev jî rûreşiyeke mezin e….

Tîşortê Kurdistanê bû sebebê qetla Kemal Kurkut !


Di Newroza Diyarbekrê da sebebê qetla xortê kurd Kemal Kurkut tîşortê Kurdistanê bûye.
Ji ber tîşortekî navê Kurdistanê li ser lê bûye polîsan di nuxta kontrolê da Kemal Kurkut sekinandine.
Tîşortê wî jêkirine û lêxistine. Û dema ji destê wan reviyaye ew ji para bi xwînxwarî gulebaran kirine û kuştine.
Înfazeke pir hovane û pir namerdane ye...
Ji xwe dema berdidinê û dikujin di risman da xweş xuya dike. Tazî ji nava koma polîsan direve. Polîsê ji para berdidê û dikuje jî tê dîtin.
Van qatil û gurûhên faşîst xortekî wek gulekê, wek şitlek rihan kêfî înfaz kirin.
 Û em jî nikanin tiştekî bikin, em tenê kanin rismê xort belav bikin û pê xemgîn bibin.
Û di ser da jî van zaliman gotin terorîst e, di çentê wî da bombe hebûye û bi kêrê êrîş polîs kiriye.
Hemû vir e, eslê wê tuneye, ji ber xwestin kurdekî bikujin ketin xwîna vî xortê kurd.
Xwedê kir rojnamevanekî ev risim kişandin.
Di risman da meriv xweş dibîne xortekî tazî li ber çavê bi sedan însan çawa îfaz dikin.
Ez bawer nakim netîceyekê bide, lê belê dîsa jî dibê malbata wî, baro û hêzên kurd li qatilan gilî bikin, girtin û cezakirina qatilan bixwazin…
Ev bedena tazî , ev reva ji destên hovan û ev sûretê ji ber derba guleya namerdekî  kiriye hawar ewê tu carî ji hafiya kurdan derneve.
Kemal Kurkut şehîdekî kurd û Kurdistanê ye, emê tu carî vî xortê wek tayek rihan ji bîr nekin...

Mirîşka birçî di xewna xwe da xwe di embara garis da dibîne


Xeyala Tirkiyê ya paşdagirtina, yanî îşaxala Kurdistana başûr û rojava ne tiştekî nuh e, her kes viya zane.
Çimkî tirkan tu carî dev ji fikir û emelên xwe yê ”Mîsakî Millî”(sonda netewî, manîfestoya netewî) bernedane.
Ji xwe sebebê îro li 9 ciyên Kurdistana başûr leşkerên tirk hene û bi operasyona Mertala Ferêt hin herêmên Kurdistana rojava îşxal kirine ev xeyal û emelên Tirkiyê ye.
Tirk hîn û hîn Kurdistana başûr û rojava wek Kurdistana bakur malê xwe, erdê xwe dibîne.
Mirîşka birçî di xewna xwe da xwe di embara garis da dibîne...
Sînorekî xeyalan tuneye, her kes her xeyalê bike û di serê xwe da û li ser masan gelek plan û projeyan çêke.
Lê navê wê li ser e, xeyal e, xewn e, tu têkiliya wê bi rastiyê û bi realîteya heyî tuneye.
Xeyala tirkan ya ”Mîsakî Millî” yanî paşdagirtina Kurdistana başûr rojava tenê husnu quruntuyeke tirkên pan-turkîst û faşîst e.
Enver, Cemal û Talat paşa jî wek Erdogan dan dû xeyalên împaratoriyeke pir mezin.
Lê taliya wan pir hazîn bû.
Nayonalîzma tirk nasyonalîzmeke irqşî û faşîst e, pir dirinde ye. Lema jî kane her dînîtiyê bike lê ewê li zirarê derkeve…
Îro li herêmê gelek hûtên mezin hene, Tirkiya Erdogan li ba wan ne mirîşke jî…

XXX
Selahedîn Çelîk, di nivîsa we ya Rûdawê da bal kişandiye ser tiştekî pir muhîm. Qala hejmara taybet ya kovara ”Tirkiyeya Nû/Yenî Turkiye” kiriye.
Kovarê di jimara xwe ya taybet da ”Kurdistana Rojava, Başûr, Kerkûk, Hewlêr û beşekî Kurdistana Rojhilat di nava xerîteya Misakî Mîllîyê da nîşan daye.
Û Recep Tayyip Erdogan jî ji vê kovarê ra pêşgotin nivîsîye. Çelîk gotiye:
”Li Tirkiyê bi navê "Tirkiyeya Nû" kovareke stratejî-çêkirinê derdikeve. Xwedî, kevnewezîr Hasan Celal Guzelê nîjadperest e. Kovarê, bi navê "Misakî Mîllî" hejmareke taybet weşand (Çile-Şibat 2017). Erdogan pêşgotin nivîsandiye. Nexşe/xerîte jî heye. Kurdistana Rojava, Başûr, Kerkûk, Hewlêr û beşekî Kurdistana Rojhilat di nav Misakî Mîllîyê de ye. Ma êdî zêdeyî gotinê ye?”
Lê siyasetmedarên başûr hîn jî dibêjin na lo, ne wiha ye, ne wek hûn dibêjin…

XXX

Melîh Gokçek nuha di kanala Haberturkê da got dewletê wek tedbîr 20 milyon însan çekdar kirine û hemû swîlên di 15ê temûzê da li dijî darbeyê derketin girtine ordiyê, hemû kirine leşker.
Heger ev îdîa Melîh Gokçe rast be, hukûmet hîn jî ji darbeyeke leşkerî ditirse û ji bo xwe biparêze sîleh li hemû endam û alîgirên AKPê, MHPê û partiyên faşîst belav kirine.
Ocaxên Osmaniyan(Osmanli Ocaklari) yek ji orgaanîzasyona AKPê ya paramiliter e.
Bêyî hêzên dewletê yên resmî, polîs, leşker û cendirme hebûna 20 milyon însanê çekdar felaketeke mezin e…
Tirkiye kane ji Îraq û Sûriyê xerabtir bibe…
Û hedef pêşî jî kurd û elewî ne…

22 mars 2017

Erdogan ji ber kurdan gefan li Ewrûpayê dixwe


Min şîfreya gefên Erdogan yên li Ewrûpayê ji hev derxist…
Serokkomarê Tirkiyê Erdogan, do Ewrûpa bi van gotinên jêr tehdît kir:
”Ez ji Ewrûpayê ra dibêjim. Heger hûn wiha dom bikin, sibe yek ewrûpî jî, yek Xerbî jî li tu dereke dinyayê ewê nikanibe bi huzûr û bi ewlehî gava xwe bavêje kuçeyan.”
Ajansa Reuterê û hemû medyaya Ewrûpayê bi firehî cî dan van gotinên Erdogan. Yanî mesaja wî pir cidî girtin.
Ev gotin û tehdîda Erdgoan şîfrekirî ye.
Lê min şîfreya van gotinên Erdogan ji hev derxist.
Erdogan bi van gotinên xwe yên şîfrekirî ji Ewrûpayê ra got:
-Heger hûn dev ji alîkariya kurdan bernedin û wek em dixwazin dijminatiya kurdn nekin û hemû kurdên em ji we dixwazin teslîmî me nekin, emê kuçe û kolanên Ewrûpayê li we heram bikin.
Yanî sebebê vê gefa Erdogan kurd in, alîkariya Ewrûpayê ya bi kurdan ra ye.
Erdgon û Tirkiye ji alîkariya li Sûriyê û li Îraqê Emerîka û Ewrûpa bi kurdan ra dikin pir û pir aciz in.
Bi vê axaftina xwe Erdogan ji Emerîka û Ewrûpayê ra got:
”Ya hûnê piştgiriya xwe ji ser kurdên rojava, PYDê û YPGê û kurdên başûr û pêşmerge qut bikin ya jî emê zarokên xwe yên cîhatçî derbasî hereketê bikin…. Tercîh ya we…”
Min bi xwe ji gotinên Erdogan ev fêm kir…
Gelo min şaş fêm kiriye?

XXX
Erdogan îcar pir vekirî bi terorê gef li Ewrûpayê xwar , got heger hûn wek min nekin, ezê dinyayê li we bikim zindan, hûnê nikanibin ji malên xwe derkevin kuçe û kolanan…
Erdogan:
” Ez ji Ewrûpayê ra dibêjim. Heger hûn wiha dom bikin, sibey yek ewrûpî jî, yek Xerbî jî li tu dereke dinyayê ewê nikanibe bi huzûr û ewlehî gava xwe bavêje kuçe û kolanan. Heger hûn vê riya bi xeter vekin herî bêtir hûnê zirarê bibînin…”
Bi baweriya min dibê ewrûpî van gotnên Erdogan di ser guhên xwe ra navêjin îmkan û kapasîteya Erdogan heye li Ewrûpayê terorê bide dest pê kirin û gurrtir bike...
Bi hezaran çete û terorîstên cîhatçî di bin destên wî da ne, kînga bixwaze kane wan têxe hereketê...
Bi îhtîmaleke mezin ewê piştî referandûmê bike.
Ji xwe di axfatina xwe da gotiye, "hela bira 16ê nîsanê derbas bibe..."

Wiha dom bike tirk ewê hiş berdin

Dîplomatên ewrûpî û emerîkayê êdî bi şal û şapikên kurdî bi kurdan ra Newrozê pîroz dikin…
Bi Xwedê malik li tirkan viritî, nuha Erdogan û Bahçelî bi hev ra di şînê da ne û porê xwe dirûçikîn.
Rebenan ji qahra kurdan hewqasî xwe kurr û kem kirine, porê birûçikînin jî bi serê wan ve nemaye...
Tiştê ez texmîn dikim di van rojan da halê "birayên" me yên tirk ji halê helawçiyan jî xerabtir e, psîkolojiya wan laçqe bûye, lema jî kanin zirarê bidin der û dora xwe...
Dibê kurd û cîran mîran û helbet ewrûpî li xwe miqate bin...
Yê Emerîkayê jî di nav da, dîplomat û konsulên 20 welatan li Hewlêrê beşdarî şahiya Newrozê bûne û bi kurdan ra Newroz pîroz kirine.
Le Efrînê leşkerên rûs û li Kobanê û Cerablûsê jî leşkerên emerîkî bi gerîlayên YPGê ra risman dikşînin....
Li Hewlêrê jî dîplomatên emerîkî û ewrûpî bi şal û şapik bi kurdan ra Newrozê pîroz dikin!
Li Emerîkayê li Qesra Spî Donald Trump bi heyeta kurd ra sohbeteke ji can û dil dike.
Û dibêjin de bira tirk neqeherin û neteqin!
Yaho ji Xwedê bitirsin, ma çawa tirk ewê har û dîn nebin û dev li kevir û daran nekin ?
Hema ez jî tirk bim ezê jî ji qehra bibêjim "PEQ" û biteqim...

Bunya ”birayên”  me yên tirk hewqas tazîq û tahrîk raneke…
Helbet Erdogan ewê Ewrûpayê tehdît bike…
Konsulê Emerîkayê yê nuh Ken Gross jî  îsal li Hewlêrê bi kurdan ra Neroz pîroz kiriye.
Lê belê dîplomat ne tenê beşdarî şahaiya Newrozê bûne, di ser da şal û şapikên kurdî jî bera ser bejn û bala xwe dane û risim kişandine.
Hêvî dikim tim wiha dom bike, Xwedê vê tifaqa emerîkiyan û ewrûpiyan û kurdan tu carî xera neke înşelah...
Xwedê bi xêrê bigerîne.
Lê yê kincên kurdî li xwe kin êdî zû bi zû ji kurdan naqetin.
Bi Xwedê halê tirkan ne tu hal e, nuha Erdogan, Bahçelî, Yildirim û Çavuşoglu bi hev ra di şînê da ne û porê xwe dirûçikîn.
Wa ye ji cepheya Rûsyayê jî xeberên ne xweş tên.
Dibêjin Rûsyayê hîn ambargoya li ser gelek malên Tirkiyê, wek firingî, xiyar, goşt, mirîşk, mewîj û sêvan ranekiye…
Yanî cepheya Tirkiye li hember şer bike roj bi roj firehtir dibe. Emerîka, Ewrûpa, Îran, Îraq, Sûriye, Yûnanîstan ne bes bû, wa ye Rûsya jî lê zêde dibe…

Keçik ji lawikan zûtir asîmîle dibin

Keçeke bi navê Serdem Kahraman li ser asîmîlasyonê gotiye,
”Ez dibêjim mêr ji jinan bêhtir kurdî xeber didin, dibêjin çima wilo dibêjî. Bijîşk bi xwe kurdî diaxivî û bersiv dida nexwaşan, sekretera ba wî jî timî tirkî diaxivî.”
Çavdêriyeke pir balkêş û muhîm e.
Ev îdîa Serdem Kahraman xanimê min ji gelek kesên din jî bihîstiye û hinekî jî ez bi xwe bûme şahid.
Ji xwe sebebê piraniya zarokên kurd îro bi kurdî nizanin û li kuçe û kolanan bi hev ra bi tirkî dipeyivin dayik in. Heger dayik bi zarokên xwe ra bi kurdî bipeyiviyana zarok ewê neketana vî halî, ewê bi hev ra bi kurdî bipeyiviyana.
Em bi kurdî zanin çimkî dayikên me bi me ra bi kurdî peyivîne…
Dema em zarok bûn em bi hev ra bi kurdî dipeyivîn çikî zimanê me yê malê, yê dayikê kurdî bû.
Dema zimanê malê bû tirkî û dayikan dest pêkirin bi zarokên xwe ra bi tirkî peyivin kurdî jî qediya.
Dayikan, gundiyan kurdî anîn heta vir, nehîştin bimre, pê kilam û dûlik gotin, pê şîn û şahî kirin lema jî kurdî nemir.
Feqet dayik êdî bi lez dev ji kurdî berdidin, lema jî kurdî mahkûmî mirinê ye. Heger kurd li Kurdistana bakur di demeke nêz da nebin xwedî desthilat û zimanê kurdî nebe zimanê perwerdê şansê kurdî tuneye, wek min berê jî got, emê jî bibin lazên Kurdistanê…
Yanî îdîa mêr ji jinan bêtir bi kurdî dipeyivin û dinivîsin rast e.
Kesên bi kurdî dinivîsin piraniya wan mêr in.
Çend blogerên jin yên xurî bi kurdî dinivîin hene?
Di medyaya sosyal da çend jinên tenê bi kurdî dinivîsin hene?
Ev gelkî muhîm e.
Dibê yek xêra xwe di vî warî da lêkolînkê bike.
Bi kurtî asîmîlasyon di nava keçikan da bêtir serketî ye…
Di vê netîceyê da bêguman rola siyaseta dewletê pir e, ji bo keçikan asîmîle bikin dewlet gelek metodan bi kar tîne…
Lê ev sebeb yek netîceyê naguhere…

Bêdewletî û maneya jiyanê

Rojekê zilamek mir…
Gava bi mirina xwe hesiya, bala xwe daya Xwedê çenteyek di dest da û nêzî wî dibe. Pir tirsiya. Lê dereke pê da biçûya tunebû.
Di nabêna wî û Xwedê ev axaftina jêr derbas bû.
Xwedê: Haydê lawê min wexta çûyinê ye, dibê em herin.
Mêrik: Ma hewqasî zû? Gelek planên min hebûn.
Xwedê: Ez xemgîn im, lê belê wexta çûyinê ye. Dibê em herin…
Mêrik: Di wî çenteyî da çi heye?
Xwedê: Tiştên tu xwediyê wan bû.
Mêrik: Tiştên ez xwediyê wan bûm? Yanî tiftarên min? Kincên min. Perê min…
Xwedê: Na. Ew ne yên te bûn, ew yên dinyayê bûn.
Mêrik: Wê demê bîranînên min in?
Xwedê: Na. Ew aîdî zemên bûn.
Mêrik: Wê demê jîrekiyên min in?
Xwedê: Na. Ew aîdî şertan in.
Mêrik: Heval û malbata min e?
Xwedê: Na lawê min. Ew aîdî rêya tu meşiyayî ye.
Mêrik: Jina min û zarokên min in?
Xwedê: Na. Ew aîdî dilê te ne.
Mêrik: Wê demê bedena min e?
Xwedê: Na, na. Ew aîdî axê ye…
Mêrik: Wê demê sedîsed ruhê min e?
Xwedê: Tu şaşiyekê dikî lawê min. Ruhê te aîdî min e.
Mêrik: Hew sebir kir, bi çavên mişt hêsir û bi dilekî tirsok çente ji destê Xwedê girt û vekir…
Çente vik û vala bû…
Bi xemgînî, bi dilekî şikestî û bi kelogirî ji Xwedê pirsî:
-Ma ez ne xwediyê tu tiştî me?
Xwedê: Rast e. Tu ne xwediyê tu tiştî bû.
Mêrik: Wê demê çi yê min hebû?
Xwedê: Kêlîk(bîstik). Tenê bîstikên(kîlîkên) tu jiya yên te bûn.
Jiyan tenê kêlîkeke/bîstikeke.
Her bîstikê bijîn.
Ji her bîstikê hez bikin.
Û zewq û lezetê ji her bîstika jiyanê bigrin.
Jiyan bîstika tu tê da dijî, qedrê wê baş bizanibin…
Lê belê ev jî heye, bêdewletî koletî ye. Merivê bêdewlet ne xwediyê kêlîkek jiyana xwe ye.
Çimkî ne mervekî azad e.
Jiyana merivê bêdewlet, jiyaneke bindest e û ew jî nayê kişandin, her kêlîka(bîstika)wê eziyet e.
Heta meriv nebe ferdekî xwedî dewlet tu tahm û maneya jiyanê jî û mal û milkê dinyayê jî tuneye…

21 mars 2017

Newroza hemû kesên welatparêz û têkoşer pîroz be !

Newroza we, roja berxwedan û hildana ala azadiyê pîroz be !
Li gorî xeberên medyaya kurd Newroza Diyarbekrê û tevayiya Kurdistana bakur bi selmetî û pir baş derbas bû.
Li Diyarbekrê, Wanê û hin derên din polîsan bi êrîşên xwe gel neherehet kirin, lê ne bûyerên mezin in.
Şikir heta nuha teqîn û kuştî tuneye.
Ev jî ciyê kêfxweşiyê ye.
Newroza Diyarbekrê ji texmînan zêdetir qelebalix bû.
Esas li gel hemû astengî û terora dewletê li her derê Newroz qelebalix û bi coş derbas bû…
Lê çi heyf îsal jî di Newrozên HDPê da ala Kurdistanê tunebû û dîsa axaftinên tirkî zêde û serdest bû, kurdan dîsa Newroza xwe bê ala Kurdistanê û bi tirkî pîroz kirin.
Dibê meriv vê yekê rexne bike...
Newoza gelê kurd û hemû welatparêz û serxwebûnaxwazan pîroz be !
Bijî Newroz û micadela azadiyê…
Bijî kurd û Kurdistan û serxwebûna miletê kurd!
Bimre bindestî û koletiya tirk, ereb û faris !

XXX
Newroza gelê kurd yê fedekar û têkoşer, ya hemû kes û hêzên azadîxwaz û serxwebûnxwaz pîroz be !
Bi hêvîya îsal em li başûrê welatê xwe Kurdistaneke azad û serbixwe bibînin !

XXX
Ne rast e meriv bibêje merivên baş diçin buhuştê/cinetê. Merivên baş herin ku wira dibe buhuşt.
Û mervên xerab jî herin ku, li kîjan welatî bibin hukumdar wira dikin dojeh/cehnime.

Tu bi qasî zimanê xwe heye



Xaliyeke yekî ya herîr(hevrîşim)hebû. Xaliyeke antîk û pir giranbuha bû, ji bavê wî jê ra yadîgar mabû.
Rojekê biryar da bifroşe.
Bir mazatê, da destê delalan, rê viya da, rê wiya da lê kesî nekirî. Dawiya dawî bir ba yekî pir zengîn.
Yê zengîn bala xwe da xaliyê û buhayê xaliyê pirsî.
Xwediyê xaliyê got 100 zêr.
Yê zengîn got baş e, min kirî û rabû 100 zêrê wî dayê.
Xwediyê xaliyê ji kêfan firiya. 100 zêr ne perakî hindik bû…
Di vê nabênê da yê zengîn jê pirsî, got:
-Ma tu zanî ev xalî çuqas pere dike?
Mêrik got, na, ez nizanim…
Yê zengîn got:
-Ev xalî herî kêm 3000 zêr dike.
Xwediyê xaliyê matmayî ma, lal bû…
Yê zengîn pirsî:
-Te çima bi 100 zêrî firot?
Mêrik hinekî fikirî û got:
-Ezbenî li qusûra min nenêre, lê belê meblaxê(reqemê) herî mezin ez zanim 100 e.
Yanî reqemeke ji 100î mestir nizanîbû…
Fîlozof, matamatîkçî û zimanzanê avusturî Ludwig Wittgenstein dibêje, ”Sînorê zimanê min sînorê dinya min e.”
Heta zengînîya gotinan, piraniya mefhûm û teşbîhan û kûrahiya di nabêna maneyan da di zimanekî da bi pêş nekeve karê bi wî zimanî were kirin ewê bi sînor be.
Zimanê te çiqasî zengîn be asoya(ufqê) te jî, sînorên fikirandina te jî û xeyalên te jî ewê hewqasî fireh be.
Li gorî texmînan zimanê axaftinê di deqîqeyê da 150-200 kelîme ye.
Lê zimanê fikirandinê di deqîqeyê da li dora 1300-1800 kelîmê ye.
Ji ber vê jî zihnê ji alî gotin, mefhûm/têgehan ve têra xwe ne zengîn û fireh be ewê rastî gelek astengan were, ewê gelek zahmetiyan bikşîne.
Ev jî tê maneya yê bi 150-200 gotin difikire ewê tu carî nikanibe yê bi 2000 gotin difikire fêm neke.
Ji bo meriv ji hev fêm bike dibê meriv ji zimanê hev fêm bike û ew jî girêdayî zanîna gotinan û mefhûman e. Yanî xezîneya(gencîneya)meriv ya zimên çiqasî zengîn be meriv hewqasî ji rehet hev fêm dike…
Lema jî camêrekî gotiye, ”tu bi qasî zimanê xwe heyî…”

20 mars 2017

Tirkan MAZLUM-DER jî ji kurdan paqij kirin !


Hukûmeta AKPê bi tayinkirina qeyûmê dewletê, yanî mamûrê dewletê dest danî ser MAZLUM-DERê(Komeleya Piştgiriya Mafên Mirovan û Mezlûman) jî.
Tirkên di nava MAZLUM-DERê da do li Anqerê kongreyeke awarte çêkirn û bi biryarekê  him hemû kurd tasfiye kirin û him jî hemû şaxên (şûbeyên) di destê kurdan da bûn girtin û MAZLUM-DER ji kurdan paqij kirin.
MAZLUM-Der (The Association for Human Rights and Solidarity for the Oppressed) ev 26 sal in ji bo mafên mirovan dixebite û her sal raporan belav dike.
Li seranserê Tirkiyê û Kurdistanê 24 şaxên MAZLUM-DERê hene; jê 16 şax girtin.
Ji 16 şaxên  girtin 12 jê li Kurdisatnê ne û 4ê din jî li Xerbê lê ew jî di destên kurdan da ne.
Yanî 16 şaxên/şûbeyên di destên kurdan da bûn girtin û MAZLUM-DER bi temamî kirin komeleyeke tirkan.
Çawa 90 belediye bi zor ji kurdan girtin, eynî tişt anîn serê MAZLUM-DERê jî.
Bi baweriya min tirk baş dikin.
Dibê em dev ji tirkan berdin û berê we bidin welatê xwe, gelê xwe organîze bikin.
Hukûmetê berê qeyûmek tayinî ser MAZLUM-DERê kir û dû ra jî bi ”kongreyeke awarte” MAZLUM-DER kir komeleyeke tirkan ya di bin emrê Erdogan da.
Tiştek êdî pir eşkere ye, tirk êdî  naxwazin bi kurdan ra bijîn.
Gava kurd ji komeleyeke wek MAZLUM-DERê ne siyasî û tenê ji bo mafên mirovan dixebite, bi vê zorbatiyê werin qewitandin êdî mesele me û tirkan qediya ye.
Tirkên di nava MAZLUM-DERê da naxwazin li dijî zulma dewlet li kurdan dike derkevin û terora dewleta xwe bikin rapor.
Tirk êdî naxwazin di tu platformekê da werin ba kurdan, dixwazin dewleta xwe, sîstema xwe ji kurdan paqij bikin.
Dibê kurd vê rastiyê bibînin, qebûl bikin û êdî di çarçeweya kurd û Kurdistanê da xwe organîze bikin.
Kesên ji xwe ra dibêjin em kurd iin û doza mafê kurdan dikin, dibê êdî dev ji hevaltiya tirkan berdin, ji partî û komeleyên tirkan vekişin û li ser asasê netewî tifaqan û rêxistinan çêkin û di vê çarçewê da xwe organîze bikin.
Dibê êdê em MAZLUM-DERA kurdan û Kurdistanê çêkin, dev ji hevaltiya tirkan berdin.
Serokê Mazlumderê Omer Faruk Unsal ji Rûdawê ra gotiye:
“Hin alî me bi netewperestiya kurdî tobetbar dikin. Lê heta niha ne endamên me û ne jî di asta serokatiyê da me piştgriya tundîyê nekiriye û em nakin jî. Lê ew dixwazin em rastiyan veşêrin. Ew buxtanan li me dikin, bila kerem kin gotinên xwe îsbat bikin.”

 Serokê Şaxa Amedê yê MAZLUMDERê Reha Ruhawî jî gotiye:
”Hinek baskên MAZLUMDERê dixwazin em li dijî mafên kurdan kar bikin.Hûn jî zanin meseleya mafê mirovan zêdetir peywendî bi Kurdistanê heye. Şax û endamên li qadê her tiştî dibînin em in. Em jî dema  raportekê amade dikin, em bang li her aliyî dikin. Em gazî şaxê Stenbol û Îzmîrê jî dikin, lê nêzî salekêye ev heval ne tevlî rapora dibin, ne jî li ser raporan nêrîn û rexneyên xwe parve dikin. Dema rapor derketin jî bi rêya çapemeniyê li dijî raporan daxuyaniyê didin.”
Heger em kurd in û navê welatê me Kurdistan e wê demê dibê em partî û komeleyên xwe ava bikin, kurdan organîze bikin, dev ji xelaskirina tirkan berdin….

Îcar jî Rûsyayê Tirkiye ŞOK kir !

Tirkiye dîsa ŞOK bû !
Emerîka yê çend caran Tirkiye ŞOK kir !
Almanyayê çend caran Tirkiye ŞOK kir !
Hollandayê Tirkiye ŞOK kir !
Ewrûpa her roj ŞOK dike !
Îcar dora Rûsyayê ye.
Rûsya mabû, wa ye Rûsyayê jî Tirkiye ŞOK kiriye !
Û him jî pir mezin ŞOK kiriye…
Yaho her kes van tirkan ŞOK dike !
Ez nizanim ev dinya ji tirkan çi dixwaze ?
Li gorî medyaya tirk dinivîse Rûsyayê bi PYDê ra peymanek leşkerî çêkiriye.
Li gorî peymanê, Rûsya ji bo şerê li dijî terorê(yanî şerê li dijî zarokên Tirkiyê)ewê li Efrînê binkeyeke(şargeheke)leşkerî ava bike.
Serokên hukûmeta AKPê bi vê xeberê ŞOKEK mezin derbas kirine.
Hêdî hêdî, bi Xwedê hûnê hîn gelek ŞOKAN derbas bikin.
Ji nuha û pê da Tirkiye ewê ji ŞOKAN xelas nebe.
Heta hûûn neyên îmanê, heta hûn dev ji neyartiya kurdan berdin,a mfên kurdan nedin û Kurdistana serbixwe qebûl nekin, hûnê hîn gelek ŞOKÊN wiha derbas bikin…
Û gava ŞOK li pey hev werin aqil diçelqe, dev xwar dibe û bunye felc dibe…
Ji xwe ji nuha jî kes bi çavekî normal li Tirkan nanêre, her kes muamela merivên dîn û har û ji bo Ewrûpayê pir tahlûke bi tirkan ra dike…

 XXX
Herî kêm ji Serîhildana Şêx Ubeydullahê Nehrî û vir da ye kurdan dest bi xebat û micadela avakirina Kurdistaneke serxwebixwe kirine...
Û di vê riya azadiyê da gelek ezîyet û cefa kişandin, marûzî gelek qetlîaman bûn, li ser her buhostek axa Kurdistanê xwîna xwe herikandin...
Lê li gel van zor û zahmetiyan jî kurdan tu carî dev ji hedef û îdîala xwe ya mezin, Kurdistaneke serbixwe bernedan.
Û ewê tu carî bernedin jî...
Kurd carê ketinê rê, miheqeq ewê vê micadelê bibin serî û biqedînin. Astengiyên li ser rê tên derxistin, bendên li vir û li wir tên lêkirin kefteleftên beyhûde ne...
Rê hinekî dirêj bibe jî karwan roj bi roj nêzî hedefa xwe dibe…
Îrada miletê kurd ji planên neyar û xayinan gelkî saxlemtir û xurttir e.
Tarîx şahidê vê ye.
Ew çi bikin jî ev ezm û îradeya ji polayê jî serttir ewê neşikê, netewe…

XXX

Îro roja pêşî ya buharê ye. Ronahiyê zora tarîtiyê bir, me sala kevn li pey xwe hîşt û em ketin saleke taze.
Ji îro pê da rojên dirêjtir û ronahîtir li pêş me ne...
Ez hêvî dikim ev buhara û ev sala nuh û rojên ronî qeder û pêşroja me kurdan jî ronîtir bike, tifaqa me xurttir bike û îcar azadî û serxwebûnê bike nesîbê me...

Internetê û medyaya sosyal kurd bêtir kirin dijminên hev


Vê internetê, medyaya sosyal malik li kurdan viritand, kurdan, bi taybetî jî kurdên terefdarên Ocalan û PKKê û kurdên dilxwaz û terefadarên PDKê û Barzanî hevûdu perîşan kirin…
Û bi şerê xwe yê partîzan jî zirareke mezin didin tevgera kurd ya netewî, rê li ber yekîtiya kurdan digrin.
Yanî zirara medyaya sosyal daye kurdan û didê heger ji kara wê ne zêdetir be, ne kîmtir e ...
Tabî yên li ser navê PKKê û PDKê, Ocalan û Barzanî di medyaya sosyal da şerê hev dikin hemû jî ne alîgirên rastî ne, gelekên wan ajan provakatorên dewleta tirk in, li ser navê vî alî û wî alî kurdan bera hev didin.
Geh xeberekê li dijî vî alî, geh li dijî wî alî belav dikin.
Geh beyana berpirsiyarekî PKKê, PYDê tahrîf dikin, geh ya bepirsiyarekî PDKê û Barzanî tahrîf dikin.
Û bi vî hawî ji herdu alîyan jî bi hezaran însan pir rehet tên lîstika van ajanên dewletê û neyarên kurdan…
Gelek caran kesên welatparêz û xwedî tecrûbe jî tên vê lîstikê û pir rehet van xeber û beyanên vir, ya jî tahrîfkirî belav dikin.
Ez çend caran bûme şahidê vê yekê…
Berê, gava tora internetê û medyayên wek facebook û twitterê û nizanim çi quzelqurtê tunebûn kurdan nikanîbûn zirar bidana hev.
Çimkî wasiteyek, platformeke lê şerê hev bikirana tunebû, bixwestana jî nikanîbûn têketana gewriya hev.
Lê bi peydabûna vê teknîka nuh û medyaya sosyal her kes kane di mala xwe da bi kurdekî wî serê dinyayê ra têkeve minaqeşê û dilê hev bihêlin.
Bêguman gelek feydeyên tora internetê û medyaya sosyal gihîştiye me kurdan jî, lê di warê siyasî da zirara daye civata kurd jî pir mezin e.
Hin lêkolîner, civaknas dibê vê mijarê tetkîk bikin, li ser kar û zirarên tora înternetê û medyaya sosyal daye civata kurd derxin ortê.


19 mars 2017

Tirkiye li dij derket ala Kurdistanê li Kerkûkê were hildan

Tirkiya xwedîgiravî ”dostê” kurdên başûr bû li hemberî hildana ala Kurdistanê li Kerkûkê  xwe gelkî aciz kir û got hildana ala Kurdistanê zengîniyên Kerkûkê yên sosyal û kulturî û nasnameya Kerkûkê xera dike…

Berdevkê wezareta karên derve yê Tirkiyê Huseyin Muftuoglu, li ser hildana Ala Kurdistanê li ser sazî û dezgehên fermî yên Kerkûkê  daxuyanîyek da.
Muftuoglu di beyana xwe da got:
”Teger û tesarufên wiha yên yekalî zirarê digihînin xebatên lihevkirinê yên li Îraqê. Teşebusên bi vî rengî zengîniyên Kerkûkê yên sosyal, kulturî û aborî  û nasnameya  Kerkûkê ya pirkulturî laçqe dike…”
Yahaaa, ala Îraqê û erebî zirarê  nade zengîniyên Kerkûkê yên sosyal û kulrturî  û nasnameya Kerkûkê ”laçqe” nake, lê ala Kurdistanê û zimanê kurdî zirarê dide kultura Kerkûkê û nasnameya wê laçq dike…
Do gava hin berdevkên turkmenên Kerkûkê di civîneke çapemeniyê da li hemberî hildana ala Kurdistanê nerazîbûna xwe nîşan dan, min di nivîsa xwe da got miheqeq tiliya Tiriyê di vê da heye, bêyî daxwaza Tirkiyê tirkmen vê dijminatiya xwe nîşan nadin.
Îro wa ye derket ortê ev texmîna min rast bûye û Tirkiye li pişt vê protestoya tirkmenan e.
Hukûmeta başûr û serokên PDKê baweriya xwe pir bi hukûmeta AKPê dianîn û Tirkiye wek ”dost” didîtin.
Bi vê gava dijayetiya ala Kurdistanê tirkan careke din qîlê xwe nîşanî hemû kurdên başûr, hukûmeta Kurdistana Federe û serokên PDKê dan.
Ji ber ku hukûmeta AKPê wek taktîk destûr da ala Kurdistanê di dema serdanên Barzanî da were hildan, hin kurdên me tavilê dest bi pesnên Erdogan û AKPê kirin, qala guhertinên mezin kirin…
Lê bi vê beyana  Huseyîn Muftuoglu derket ortê Tirkiyê hîn dev ji siyaseta xwe ya berê ya antî-kurd bernedaye, Tirkiyê ji bo Kerkûkê û Îraqê do çi digot, îro jî eynî tiştî dibêje.
Yê nezan û bi silaveke, bi dereweke tirkên irqçî, îslamî û pan-trkîst dixapin kurd in.
Kurdan heta nuha ji bo parastina Kerkûkê bi sedan şehîd dane.
Tirkmen ne li dij in kurd Kerkûkê biparêzin û her roj ji bo wê xweîna xwe  biherikînin.
Lê belê li dij in ala Kurdistanê li kêlek ala Îraqê were hildan…
Lê belê li dij in zimanê kurdî li Kerkûkê bibe zimanê resmî…
Li dij in çimkî Tirkiye li dijî ala Kurdistanê ye û resmîbûna kurdî ye.
Li dij in çimkî Tirkiye naxwaze Kerkûk bibe bajarekî kurdan.
Lema jî tirkmenên girêdayî Tirkiyê emrê patronên xwe bicî tînin.
Mesele ev e.

Internetê û medyaya sosyal kurd berra hev dan û bêtir kirin dijminên hev


Vê internetê, medyaya sosyal malik li kurdan viritand, kurdan, bi taybetî jî kurdên terefdarên Ocalan û PKKê û kurdên dilxwaz û terefadarên PDKê û Barzanî hevûdu perîşan kirin…
Û bi şerê xwe yê partîzan jî zirareke mezin didin tevgera kurd ya netewî, rê li ber yekîtiya kurdan digrin.
Yanî zirara medyaya sosyal daye kurdan û didê heger ji kara wê ne zêdetir be, ne kîmtir e ...
Tabî yên li ser navê PKKê û PDKê, Ocalan û Barzanî di medyaya sosyal da şerê hev dikin hemû jî ne alîgirên rastî ne, gelekên wan ajan provakatorên dewleta tirk in, li ser navê vî alî û wî alî kurdan bera hev didin.
Geh xeberekê li dijî vî alî, geh li dijî wî alî belav dikin.
Geh beyana berpirsiyarekî PKKê, PYDê tahrîf dikin, geh ya bepirsiyarekî PDKê û Barzanî tahrîf dikin.
Û bi vî hawî ji herdu alîyan jî bi hezaran însan pir rehet tên lîstika van ajanên dewletê û neyarên kurdan…
Gelek caran kesên welatparêz û xwedî tecrûbe jî tên vê lîstikê û pir rehet van xeber û beyanên vir, ya jî tahrîfkirî belav dikin.
Ez çend caran bûme şahidê vê yekê…
Berê, gava tora internetê û medyayên wek facebook û twitterê û nizanim çi quzelqurtê tunebûn kurdan nikanîbûn zirar bidana hev.
Çimkî wasiteyek, platformeke lê şerê hev bikirana tunebû, bixwestana jî nikanîbûn têketana gewriya hev.
Lê bi peydabûna vê teknîka nuh û medyaya sosyal her kes kane di mala xwe da bi kurdekî wî serê dinyayê ra têkeve minaqeşê û dilê hev bihêlin.
Bêguman gelek feydeyên tora internetê û medyaya sosyal gihîştiye me kurdan jî, lê di warê siyasî da zirara daye civata kurd jî pir mezin e.
Hin lêkolîner, civaknas dibê vê mijarê tetkîk bikin, li ser kar û zirarên tora înternetê û medyaya sosyal daye civata kurd derxin ortê.

XXX

Heta Kurdistan çê nebe li herêmê aramî ne mimkûn e...
Fîlozofê Fransî Bernard Henri Levy gotiye pêwîstiya cîhanî bi Kurdistaneke serbixwe heye.
Fîlozof Bernard Henri Levy, bi eslê xwe cihû ye û dostekî kurda ye. Ev cara pêşî ye wiha dibêje.
Dinyayê êdî fêm kirine hewcedariya dinyayê bi Kurdistanê ye. Heya li herêmê Kurdistan çênebe û kurd nebin xwedî dewlet rehetî ne mimkûn e.

Tirkiyê îcar tirkmenên Kerkûkê li hemberî kurdan pîj kir

Tirkmenên Kerkûkê li dijî hildana ala kurd û resmîbûna zimanê kurdî derketin
Hûn dibînin ew jî wek tirkan çi bêbav û neyarên kurdan in?
Ji ala Îraqê û erebî ra îtîraza wan tuneye, lê yê kurdan bi wan tahl e…
Di vê şêla tirkmenan da sedîsed tiliya Tirkiyê heye, li ser daxwaza Tirkiyê tirkmen vê neyartiyê bi kurdan ra dikin.
Ev protestoya tirkmenan ji bo kurdan belayeke nuh e, Tirkiye jî nuha ewê dakev meydanê û piştgiriyê ide tirkmenan.
Kurdên başûr, PDK ewê bibînin Tirkiye çiqasî "dostê" wan e...
Heger heta nuha li Kerkûkê ala kurd bi ser avahiyên dewletê da nehatiye hildan û zimanê kurdî jî nebûye zimanê resmî skandaleke mezin e…
Kurdî li seranserê Îraqê zimanê resmî ye, lê li Kerkûkê heta nuha ne ala kurd hatiye hildan û ne jî kurdî zimanê resmî bûye.
Hema bira ew walî jî ne kurd bûya.
Meriv fêm nake partiyên kurd heta nuh çawa ev yek qebûl kirine?
Li Kerkûkê kurdan heta nuha bi sedan şehîd dane, lê hîn nuh ala kurd lê tê hildan û kurdî dibe zimanê resmî.
Diyar e derdê partiyên me ji alê û ji zimên bêtir, talan û dabeşkirina petrolê bûye, wexta xwe dane şerê li ser petrolê.

XXX
Serok û siysetmedaran siyaset kirine gêrmiya gavana, madê meriv jê digere, dilê meriv jê dixerbile.
Gur û keftaran çarhawêl dora wan girtine, ji dêlî ew li hemberî gur û kefraran hêzên xwe bikin yek, xwe biparêzin, bi hev ketitine, dikin çavên hev derxin.
Xwedê kir Emerîka nahêle xwîna hev birjînin, berî êrîşên gur û keftaran ew hevûdu bixwin. Heger Emerîka bihîşta li Şengalê, li Sûriyê nuha qira hev anîbûn.
Daîş, Tirkiye, Îran, Îraq ne bes e, wa ya tirkmenan jî derketin ortê. Ev hêzeke Tirkiyê ya nuh e, Tirkiye bi tirkmenan li hemberî kurdan cepheyek nuh vekir...
Xwedê aqilekî netewî bide serok û siyasetmedarên kurd...

XXX

Tirkiyê li hemberî kurdan du cepheyên nuh vekir.
Li Sûriyê bi navê ”Artêşa Eşîrên Cizîrê û Ferêt” yanî Daîşek nuh ava dike. Yanî Daîşê, Nusrayê çeteyên din reorganîze dike. Navekî nuh li wan dike.
Û li Îraqê jî tirkmenên Kerkûkê xist hereketê.
Li ser daxwaza Tirkiyê, tirkmen li dijî ala Kurdistanê û zimanê kurdî derdikvin.
Li pişt vê dijminatiya tirkmenan Tirkiye heye.
PDK û kurdên başûr ewê nuha bibînin Tirkiye çi xebîs e, çiqasî "dostê" wan e !
Gur û keftaran dora wan girtine, ji dêlî ew li hemberî keriyên gur û keftaran hêzên xwe bikin yek, xwe biparêzin, bi hev ketitine, dikin çavên hev derxin.
Xwedê aqilekî bide serok û partiyê kurdan..

18 mars 2017

Tirkiye li hemberî kurdan Daîşeke nuh ava dike


Tirkiye bela xwe ji kurdan venake. Wa ye di bin navê ”Artêşa Eşîran” da li hemberî kurdn cepheyeke nuh vekiriye.
Li gorî Rûdaw dinivîse, Tirkiyê li Ruhayê gelek serokên eşîrên ereb di konferansekê da anîne ba hev û di konferansê da biryara avakirina artêşeke nuh, bi navê ”Artêşa Eşîrên Cizîrê û Ferêt” girtine.
Ev, li hemberî kurdan û PYDê vekirina cepheyek nuh e.
Daîş û Nusra û hemû çeteyên cîhatçî li Sûriyê li ber qedandinê ne, gelekên wan reviyane Tirkiyê. Di demeke kin da ewê ji Reqayê û gelek derên din werin paqijkirin.
Diyar e Tirkiye ji nuha da, di dewsa Daîşê û Nusrayê da artêşeke nuh ava dike. Ya jî navê wn diguhere, dike ”Artêşa Eşîaran”.
Lê malzeme, hêz û çete eynî ne.
Çeteyên ji Sûriyê û Îraqê direvin ewê îcar di bin navê ”Artêşa Eşîrên Cizîrê û Ferêt” da şerê xwe yê li hemberî kurdan bidomînin.
Yanî reorganîzeya Daîş û Nusrayê ye, nav maske ye.
Çimkî navê Daîşê û Nusrayê û yên din êdî ji bo Tirkiyê bar e, dinyayê mohra terorîstiyê li wan xistiye. Bi van navan nabe.
Lema jî navê wan diguhere û navekî din li çeteyên xwe dike.
Navê nuh kirine ” Artêşa Eşîrên Cizîrê û Ferêt”.
Li gorî di xeberê da hatiye gotin ji nuha da hezar û 800 çekdarên ”Artêşa Eşîrên Cizîrê û Ferêt” heye.
”Nûnerekî konfransa eşîran ji Rûdawê ra gotiye:
”Em ji Ewrûpa û dewletên îslamî û Amerîkayê dixwazin alîkariyê ji ser PYDê qut bikin, ji ber ku wan xelkên gundan koçber kirine. Em ji hikûmeta Tirkiyê û Civaka Navdewletî jî dixwazin alîkariya Şoreşa Sûrî û Artêşa Azad û eşîrên Sûrî bikin, ji bo ku navçeyên xwe ji PYDê rizgar bikin. Ti ferq di navbera PYDê, DAIŞê û rejîmê de nîne…"
Vana gotinên dewleta tirk in, Çavuşoglu, Erdogan, Yildirim van gotinan her roj dubare dikin.
Bi kurtî meriv kane bibêje, Daîş, Nusra û hemû çeteyên cîhatçî li Sûriyê têk biçin jî Tirkiye bela xwe ji kurdan venake. Ewê di bin nav û cepheyên din da şerê kurdan bike.
Nav ”Artêşa Eşîran” be jî, çete ereb in jî hêza li pişt Tirkiye ye. Heger bi rastî “Artêşa Eşîran” çê bibe û şerê kurdan bike, ev Tikriye ye.

XXX

Li gorî AKPê jenosîda Helebçê tenê ”bûyereke xemgîn” e..
HDPê bi pêşniyarekê xwestiye meclîsa Tirkiyê qetlîama Helebçê wek jenosîdê, komkujiyê qebûl bike.
Lê partiyên tirk piştgirî nedane pêşniyara HDPê.
CHPê gotiye ”Qetlîama Helebçê” ne jenosîd e, ne komkujî ye, tenê ”qirkirineke”.
Tiştê ez zanim ”qirkirin” û jenosîd eynî tişt e. Lê li gorî CHPê ne eynî tişt e. Yanî nexwestine piştgiriyê bidin kurdan, nav bahane ye.
Lê di eynî xeberê da tê gotin, cigirê serokê CHPê Engin Altay gotiy haya wan ji pêşniyara HDPê tuneye. Dema ew pêşniyarê bibînin belkî kanibin piştgiriyê bidinê...
AKPê, yanî partiya îslamî û partiya herî bêtir dostê kurdan û Kurdistana başûr jî gotiye, ”bûyereke/hedîseyeke xemgîn ” e , ne jenosîd e, ne komkujî ye…
MHP ji xwe ji kok da li dij e, ew diwaze ew bi xwe eynî tiştî bike…
Yanî tirkên ”bira” û dostên me kurdan naxwazin qetlîama Seddam anî serê kurdan ra bibêjin qetlîam…

17 mars 2017

Erdogan emrê girtina Ewrûpayê da tirkan !

Erdogan emrê girtina Ewrûpayê da tirkên li Ewrûpayê dijîn !
Pênc zarokan çêkin û Ewrûpayê bigrin !
Hêdî derdikeve ortê, tirkan çavên xwe bera Ewrûpayê dane. Çawa Tirkiye ji bîzans û yûnan û Kurdistan jî ji kurdan û Hatay, Mêrsîn, Îskenderûn û hin bajarên din ji ereban girtin, dixwazin Ewrûpayê jî ji ewrûpiyan bigrin.
Heger ne hemû Ewrûpa be jî destpêkê dixwazin ji çend welatên nufûsa wan lê zêdeye dest pê bikin û dû ra jî gav bi gav welatên din jî bigrin.
Bi baweriya heger ewrûpî ewv ewrûpî bin tirk ewê bigihîjin hedefa xwe, piştî 40-50 salên din ewê gelek welatên Ewrûpa bikin welatên tirkan.
 Erdogan di vê beyana xwe ya jêr da pir eşkere emrê girtina Ewrûpayê daye tirkan, gotiye:
”Di vê nabênê da ez ji deng li birayên xwe yên tirkên Ewrûpayê dikim. Pir cidî li wan deran xwedî derkevin. Li taxên(semtên)herî baş bijîn. Li otomobîlên herî baş siwar bin. Ne sê zarokan, pênc zarokan çêkin. Çimkî pêşeroja Ewrûpayê hûn in…”
Bi van gotinên xwe Erdogan ji tirkên Ewrûpayê ra vekirî dibêje zarokan zêde çêkin ji bo em kanibin Ewrûpayê bigrin.
Ji xwe ewrûpî êdî nazewicin û zarokan jî çênakin. Yên çê dikin jî herî zêde du zarokan çê dikin. Bi nufûsê be jî Eweûpa ewê ji tirk û ereban ra bimîne. Ewê li hev par bikin.
Yanî bi baweriya min ev gotinên Erdogan ne gotinên vala û beradayî ne, ev plan û hedefeke tirkan ya pir kevn e.
Heft, heyşt milyon tirk li Ewrûpayê dijîn, belkî hîn zêdetir. 
Li welatekî wek Hollandayê  biçûk 500 hezar tirk hene. Li Almanyayê nufûsa wan 3-4 milyon e.
Nufûsa Danîmarka 5 milyon e, 100 hezar tirk lê dijîn.
Bi kurtî li her welatê Ewrûpayê nufûzeke wan ya mezin heye û li hin welatan bi milyonan in.
Piştî 20-30, 40 salên din li gelek welatên Ewrûpa kanin bi kêmanî mafê otonomiyê û heta federasyonê bixwazin.
Û dû ra jî wek li Tirkiyê û Kurdistanê kirin, wan welatan jî ewê bikin welatên xwe û gelên wan welatan jî wek kurdan, yûnanan, ermeniyan asîmîle û qetil bikin.
Tirk dişibin kulî, têkevin ku derê dikujin, mehû dikin…
Di nava 150 salan da demografiya Kurdistanê guhertin û bi milyonan kurd kirin tirk. Û ev jî ne bes bû Kurdistan jî kirin Tirkiye, navê wê jî ji ortê rakin.
Ewê eynî tiştî bînin serê Ewrûpayê jî.
Ma li Stenbolê eynî tişt nekirin?
Di vî warî da(asîmîlasyon û qirkirinê da) tirk miletekî pir jîr û zîreke, tew meriv nabîne miletan çawa dihelînin û çawa ji ortê radikin.
Ermenî, yûnan, ereb, asûrî-suryanî, pontus û gelên derya reş di nava 90 salî da ji ortê rakin.
Kurd jî di komayê da ne. Umrê kurdan jî herî zêde 20, 30 sal maye.
Yanî taliya kurdan jî ewê wek ya ermeniyan û yûnanan be.
Mizgeft, komeleyên tirkan, hemû rêxistin û dezgên wan yên li Ewrûpayê di bin kontrola MITa tirk da ne, hemû hêlînên ajan û faşîsta ne.
Û hukûmeta AKPê jî vana baş bi kar tîne.
Mizgeft û hemû rêxistinên tirk, di bin çi navî da dibe bira bibe, ji bo civata Ewrûpa, ji bo demokrasîya Ewrûpa gefeke pir mezin e.
Dibê Ewrûpa viya bibîne û tedbîrên xwe bigreû vê tora tirkan ya îslamî û pan-tirkîst belav bike. Ya na ewê pir poşman bibin.
Heger ewrûpî ji nuha da tedbîra xwe negrin bi Xwedê çû ji wan da, tiştê anîn serê me kurdan, ewê bînin serê wan jî.
50 sal şûn da gelek welatên Ewrûpa ewê têkeve destê tirkan û li yên nekeve destê wan jî ewê bibin xwedî otonomî û federasyon…
Ev mesaja Erdogan despêka vê hedefa tirkan e…

XXX
Berpirsiyarên hukûmeta AKPê bi dor Yekîtiya Ewrûpayê tehdît dikin. Wezîrê karên hundur Suleyman Soylu gotiye:
”Bi Ewrûpayê ra peymaneke me ya paşdaşandinê heye. Ka em her meh 15 hezar koçber bişînin Ewrûpayê bira aqilê wan were serê wan…”
Çend roj berê Bînalî Yildirim jî eynî tehdît kiribû, gotibû tehamula me jî heta derekê heye, heger Ewrûpa sozên xwe neyne cî emê peymana koçberan xera bikin.
Tehdîd, şantaj karê Erdogan e, ji xwe bi vê metodê hat heta vira.
Ji Erdogan ra pere lazim e, ji bo 6 milyar euro ji Yekîtiya Ewrûpayê bigre van tehdît dike.

16 mars 2017

Rastî bi înkarê ji ortê ranabe

Li welatên Ewrûpa çiqasî heq, huqûq, edalet, wekhevî  û demokrasî hebe jî hin kurdên dîndar dîsa jî naxwazin rastiyê qebûl bikin.
Çimkî di warê îdeolojîk  da li dijî xerbê ne.
Çimkî tenê dînê xwe û îdeolojiya xwe rast dibînin.
Lema jî nexwazin qebûl bikin Xerb, Ewrûpa ji welatên misilman hezar qatî baştir û adiltir in.
Lê bi înkarê rastî nayê veşartin, her tişt li ber çava ye.
Dibê meriv bi ûjdan be, dibê meriv rastgo be, ji ber mulahazeyên îdeolojîk rastiyê înkar neke, belovacî nîşan nede.
Gava meriv destê xwe deyne ser ûjdanê xwe û di her warî da Almanyayê, Hollandayê, Swêd û heta hemû Ewrûpayê bi hemû welatên musilman ra miqayese bike, merivê bibîne di orta Ewrûpa û welatên musilman da çiya hene…
Bawer bikin di yek warî da jî welatekî musilman ji Ewrûpayê, ji yek welatê Ewrûpayê ne baştir e, ne pêşdatir e, ne adiltir û demokrattir e.
Li yek welatekî musilman însan jî û heywan jî bi qasî Ewrûpayê ne azad e, ne xwedî maf e û ne xwedî heq e.
Lema jî bi milyonan însan ji welatên musilman reviyane Ewrûpayê û hîn jî direvin.
Li Ewrûpa zarokên herî feqîr jî bi qasî zarokên herî zengîn xwedî maf û îmkan in.
Dewlet li Swêd ji bo seqetekî rake deyne, bibe bîne 3, 4 kessan dide ber.
Meaşê dê û bavê dide ji bo li zarokê xwe yê seqet binêre.
Ji bo seqetek li derekê kar bike dewlet kane 200-300 hezar  euro lê mesref bike, jê ra erebeyeke xusûsî bi 30-40 hezar eur bikire, jê ra kompîtoreke xusûsî bide çêkrin.
Viya bêyî ferqîyet û  ji bo her kesî, ji bo seqetekî musilman, îslamîstekî dijminê ”kafiran” û civata Swêd jî dike…
Lê hin dîndarên me hîn jî qal û qîlan dibînîn, hîn jî li dijî Ewrûpa ne û hîn jî wan ”cahnimî” dibînin.
Carê li Ewrûpa dewlet nahêle tu kes rezîl bibe, mecbûrî malbataxwe be, bêxanî û birçî bimîne.
Li Swêd bi dehhezaran xerîb, ereb, somalî, musilman, efrîkî bi salan bêyî rojekê jî bixebtin dewlet li wan dinêre.
Bi hezaran jinên somalî û ereb ev 20-sal in, 30 sal in li vir dijîn, lê hîn çarçefa xwe dananîne. Hîn rojekê jî nexebitîne…
Dibê meriv dev ji tiştên kitabî û îdeolojîk berde, rastiyê qebûl bike.
Ewrûpî, xiristiyan di her warî da ji musilmanan pêşdatir, humanîstir, adiltir û demokrattir in.
Bi hezaran ”kesên” musilman wan ”kafir”  û ”cahnimî” dibînin karên xwe, rehetiya xwe berdidin û diçin Afrîkayê, Sûriyê, Afganîstanê alîkariya feqîran, jinan û zarokan dikin.
Û feqîr û musilman jî ji bo peran wan direvînin, fîdyeyê dixwazin û gava fîdyê negirin dikujin.
Li Ewrûpayê yên li koçberan xwedî derdikevin, wan dibin malên xwe, di dêran da diparêzin kesên çep in, komunîst in, keşe ne.
Dewleta tirk hewqas zulmê li kurdan dike, we qet dîtiye dîndarên tirk, muftî û meleyên tirk hatibin hawara kurdan?
Dibê meriv dev ji dijminatiya miletên din, dînên din, welatên alema xiristiyan, Ewrûpayê  berde, kî zalim be, kî neheq be li dij be û kî adil û xwedî edalet û huqûqnas be biparêze, teqdîr bike…


XXX
Denîz Baykalê pan-tirkîst û antî-kurd di mitînga CHPê ya Trabzonê da qiyamet rakiriye, tirk kirine Rustemê Zal û gotiye ev 100 sal in li ser serê wan wer şer û ceng e, lî dîsa jî kes nikane bi wan, kes nikane cumhûrîyeta wan ji ortê rake.
Hela bala xwe bidin van vir û fortên vala:
”Ev 100 sal in em cumhûrîyetê di şertên herî dijwar da li hemberî 7 duvelan diparêzin û şerekî namûsê, micadeleyeke man û nemanê didin, me ev mucadela bi zaferî tacîdar kiriye. Di şert û mecên herî xerab da em tim li ser nigan tîk mane…” û nizanim çi û çi…
Biçirîne, tirk gava qala Tirkiyê û dewleta xwe dikin, rewşa xwe hewaqasî dramatîze dikin, hewqasî tramatîze dikin, meriv dêbeje belkî hemû dinya li dewleta wan hatiye hev, li ser serê wan wer herb û çeng e, tirk bi bi 77 dewletan ra di herbê da ne, lê dîsa jî kes nikane bi wan.
Bi van gotinên pan-tirkîst û şovenîst hestên tirkan yên irqçî pompe dikin,
Tirk motajê quretiyê ne, hewecedariya wan ji pesnên nasyonalîzmê ra heye, beq nequre û ewê bidirre…

Tirk wek hertim zû hêrs bûn û zû poşman bûn

Tirk bi rastî jî merivên sivik û heta hûn bixwazin cahil in. Çûkê wan, mezinê wan cahil in, ji zarokan jî xerabtir in. Psîkolojiya tirkan psîkolojiya zarokên şerûd e, zû hêrs dibin û zû nerm dibin…
Dibê tirk ji te bitirse, ji te netirse hevaltiya bi tirkan ra ne mimkûn e.
Çimkî xwedî qerekterekî netebitî û êrîşka in.
Tenê ji zorê û ji tirsê fêm dikin.
Tenê zor û tirs kane wan sakîn bike…
Ya na merivên pir êrîşkar in, heger netirsin kane çavên meriv derxin, kanin pê li serê meriv kin, kann meriv rencîde bikin...
Û devê wan jî heta tu bixwazî pîs û genî ye.
Li hemberî yê zeîf hurmeta wan bi qasî misqalekî jî tuneye.
Ji medeniyetê û kultura demokraiyê ji bin da bêpar in...
Tirk wek guran in, bi kê kanibin dixwin, qet efû nakin...
Lê gava pê nikanibin jî dikin kûzekûz...
Min nuha li hevpeyvîna serokwezîr Bînalî Yildirm guhdarî kir. Diçe Gurcîstanê, di balafirê da bi rojnamevanekî ra dipeyivî.
Li ser gelşa di nabêna Tirkiyê û Hollandayê da ji rojnamevan ra pir hêdî, pir  nermik digot gerek meriv zû hol nebe, zû neqehere. Gerek meriv pir sakîn be, gotina herî dawî di serî da nebêje. Wek welat ne şert e em reaksiyeke bêpîvan nîşan bidin. Dibê meriv li netîceyê bifikire, hesabê û dûr û nêzîk bike, sakîn be, filan û bîvan…
Ez matmayî mam.
Fena ev mêrik ne ew Bînalî Yildirimê 4-5 roj berê heqaretên herî mezin li serokwêzîrê Hollandayê û li siyasetmedarên ewrûpî dikir.
Fena ew Bînalî Yildirmê hêrsok, êrîşkar û xeberok çû be û yekî din hatibe.
Bînalî Yildirimê heta do ji Hollandayê ra gotinên nemayê kirin, îro jî şîretan li yê rojnamevan dike, dibêje gerek meriv zû hol nebe, zû hêrs nebe, di serî da gotina herî dawî nebêje û sakîn be…
Baş e, heger ya rast dibê meriv zû hêrs nebe û gotina herî dawî di serî da nebêje, çima Erdogan holandî bi nazîzmê îtham kir?
Çima Erdogan gotinên dibê meriv tu carî ji xelkê ra nebêje her roj  ji holandiyan ra, ji almanan û ewrûpiyan ra dike?
Here van şîretan li Erdogan û li Çvuşoglu bike, li xwe bike...
Tabî rojnamevan jî newêrîbû bigota tu van şîretan li kê dikî?
Yê hêrs bû û ji Hollandayê ra gotina herî dawî kir tu bû, Erdogan bû. Erdogan got li Hollandayê faşîzim heye, tu ferqa wan ji Hîtler tuneye, vana bermayiyên nazîzmê ne…
Tirk tim wiha dikin, di gelşeke herî biçûk da wek zarokan zû sor dibin, zû hildiperikin ser û çavên meriv, dikin qîjewîj, xwe dînemîno dikin, wek boxê har êrîşê her kesî dikin, gotina herî dawî dibêjin.
Lê dû ra wek balona tu ba ji ber berdî, dibêjin “fisss” û vaa dibin…
Sebebê vê jî psîkolojî û haletî ruhîya tirkan ya seqet nasyonalîzma tirk e. Nasyonalîzma tirk, nasyonalîzmeke pir qebe û pir êrîşkar e, nasyonalîzmeke her tim xwedî gelek dijminên der û hundur e.
Nasyonalîzm xwedî dijminên der û hundur pir tahlûke ye, zû dibe faşîzm û nasyonalîzm…
Nasyonalîzma tirkan ne welatparêzî û hezkirina welat û milet e, ji wê bêtir nêzî faşîzmê ye. Heta faşîzim e. Çimkî neyartiya kurdan, ermeniyan, yûnanan û hin miletên din û dînê xirîtaniyê asasê nasyonlaîzma tirk e.
Yanî nasyonalîzma tirk îdeolojiyeke irqçî û faşîst e û gelkî jî êrîşkar e…
Tirk wek milet hîn xwe ehlê cî û vê axê nabînin, zanin ew xerîbê vê axê û vî welatî ne.
Zanin wan ev erd û av bi hîle û bi zorbatî ji xelkê girtine, bi zorbatî dest dane ser welatên xelkê, ser mal û milkên xelkê.
Lema jî tu carî xwe rehet hîs nakin, tirsa rojekê ewê ji vir werin qewitandin tim di dilê wan da ye.
Ji ber vê jî qebedayîtiyê û zirzopiyê dikin, dixwazin bi qebedayîtiyê, bi zirt û pirtê xelkê bitirsînin. 

Dayê bîna sêvan tê !


Komkujiya Helebçê birîna dilê hemû kurdan…
Îro 16ê Adarê ye, roja rejîma Seddam Husên li bajarê Helebçê jahrî, gaza xerdelê bi ser kurdan da barand û bajarek kuşt !
Di dîroka miletê kurd da 16ê Adara 1988a rojeke pir xembar, rojeke pir reş û bi êş e…
Di 16ê Adara 1988a da rejîma Saddamê dîktator bi ser bajarê Helebçeyê da jahr barand, bajarê Helebçeyê bi bombeyên kîmyewî bombebaran kir.
Di bombebaranê da li dora 5-6 hezar însan bi carekê da hatin qetilkirin û nêzî 10 hezar însan jî birîndar bûn û seqet man.
Piştî Hîroşîma û Nagazakîyê ev cara pêşî bû bi çekên kîmyawî li bajarekî di yek carê da 5-6 hezar însan dihatin kuştin.
Ji ber ev êrîşa hovane li hember miletekî bêpişt û bêxwedî, yanî li hemberî kurdan hatibû kirin dinyayê di destpê da xwe kerr û lal kir, ne Neteweyên Yekbûyî û ne jî dewleteke din li hemberî vê jenosîda mezina tiştek nekir.
Ji xwe heger ne xêra sûretên çend rojnamevanan bûya kesî ev qetlîama mezin nedibhîst.
Qetlîama Helebçeyê di dilê hemû kurdan da birîneke pir kûr ya bêderman e, heta kurd hebin ewê qetlîama Helebçeyê tu carî ji bîr nekin.
Di 29 saliya qetlîamê da ez hemû şehîdên Helebçeyê bi giramî û bi hurmet bibîr tînim û serê xwe li hemberî hemeû şehîdan ditewînim.
Ji bo kurdan şert û îhtîmalên Helebçeyên nuh hîn ji ortê ranabûye
Herçiqas îro li başûrê Kurdistanê statuyeke kurdan heye lê dîsa jî îhtîmalên Helebçeyan ji bin da ji ortê ranebûye.
Û heta kurd li her çar perçeyên Kurdistanê azad nebin û nebin xwediyên welatên xwe, tehlûkeyên dubarebûna Helebçeyên nuh ewê û tim û tim hebin...
Ji bo kurd careke din Helebçeyan û qetlîamên wiha nebînin dibê li her çar perçeyên Kurdistanê jî kurd ji bindestiyê xelas bibin û bigihîjin azadîya xwe, bibin xwedî dewlet…


Dijayetîya şexsan û partiyan dibê nebe dijayetiya Kurdistana başûr

Li ser çarçewa şêl û siyaseteke netewî dibê çawa be Lezgînê Çalî gotiye:
”Li seranserî Cîhanê tenê yek desthilata kurdî heye ko statûyeka navneteweyî heye, ew jî Herêma Kurdistanê ye. Dibê bihêt parastin. CHPyî û MHPyî û AKPyî ji hevdu hez nekin jî, şerrê TCyê(Cumhûrîyeta Tirkiyê) nakin.
Kurd jî dikarin ji PDKyê hez nekin, lê nabe şerrê Hukmeta Herêma Kurdistanê bikin.”

Bi baweriya min ev şêleke netewî ye û rast e. Heger meriv kurdperwer be dibê meriv wiha bifikire.
Meriv kane li dijî partiyan û siyasetmedaran be, kane li dijî PDKê û Mezûd Barzanî be û ji wan qet hez neke. Lê dibê Kurdistana Federe biparêze, dibê bi tu hawî dijminatiya Kurdistana Fedre neke.
Çimkî tu kesê nemir tuneye, Barzanî jî îro heye, sibe tuneye. Gelek tiştên Barzanî ez jî li dij im û rexne jî dikim. Siyaseta wî ya bi Tirkiyê ra û ya yekîtiyê rast nabînim û rexne dikim. Lê ji bo ku Barzanî îro serok e ez dijminatiya Kurdistana Federe nakim. Ez wê, vê desthilta kurdan wek roniya çavê xwe diparêzim
Bira Kurdistan çê bibe kî çê dike bira çêke, kî dibe serok bira bibe, ewê jî rojekê bimre...
Ewrûpa jî ji van qonaxan derbas bû...

XXX
Komela dostaniya Swêdî-Kurdan îro li Stockholmê li Muzeya Etnografîya şeveke kulturî çêkirin. Şeveke bi xwarin, vexwarin, axaftin û muzîk bû.
Min û xanimê me li bajêr hev û du dît û piştî bîstek ger, em çûn Muzeya Etnohrafîya. Şeveke xweş bû. Me xwar, vexwar û li muzîkê guhdarî kir.
Bi vê minasebetê ez ji hundur derketim.
Em berê çûn ciyeykî nuh vebûye, dereke piçekî luks bû. Serwîsa wan pir baş bû.
Me qahwe lê vexwar.
Dû ra em bi otobozê çûn Muzeyê, ciyê şevê.
Sosyolog Osman Aytar bi fîlmê dîa bi kurtî qala dîroka kurdan, îşxala Kurdistanê û liberxwedanên kurdan kir. Li ser herçar perçên Kurdistanê û rewşa nuha hin agahiyên konkret da.
Çalakiyên wiha ji kurdan bêtir ji bo swêdiyan e, zêde ne qelebalix bû, lê dîsa jî baş bû, gelek swêdî hatibûn. Ez bwer dikim heger dawiya heftê bûya ewê qelebalixtir bibûya.

15 mars 2017

Gava bi însên ra hestên şermê nemîne însan kane her derewê

Erdogan ji hollaniyan ra ra gotiye:
”Em zanin cibîlîyeta wan, qerekterê wan çiqasî xerabe ye. Em zanin wan 8 hezar boşnak çawa kuştin. Em vana hemûyan baş zanin. Bira kes dersa medeniyetê û medenîbûnê nede me. Enîya vî miletî spî ye, lê belê enîya wan wek qîrê rewş e.”
Pir ne dûr, par 13 bajarên kurdan tep û dûz kirin. Di van bajaran da bi gotina wan 4 hezar îndan kuştin. Di du zêrzemiyên Şirnexê tenê da 200 kes înfaz kirin.
650 hezar însan bera çolan dan.
Lê hîn jî enîya wî û dewleta wî wek spî boz e…
Hestiyê zimên tuneye, gava ûjdan tunebe û bi însên ra hestên şermê jî nemabe însan kane her derewê, her bêbextitê bike...

XXX

Başçawîşê tirk yê qereqolê ji muxtarê gund ra got, ”muxtar, weleh tu merivekî pir baş î, pir rind î, lê belê birayê te yê dêqahp merivekî pir bênamûs û bêşeref e, ew bi destê min keve ezê kera bikşînim ser diya wî…”


Erdogan, berpirsiyarên hukûmeta AKPê, bi hezaran tirk û medya tirk her roj ji kurdan ra eynî tiştî dibêjin, ji kurdên dewletê, kurdên zilamên xwe ra, ji kurdên ”maqûl” ra dibêjin ”hûn pir baş in, hûn pir maqûl in”, lê belê PKK, PYD û HDP terorîst in, ”dêqahp” in, gerek em bi hev ra şerê wan bikin û bi dinyayê bidin îspat kirin ew terorîst in.


Û yên me jî ji dêlî bibêjin terorîst û ”dêqhpê” herî mezin hûn in, we welatê me îşxal kiriye û zulmeke mezin li me dikin, hebûna me qebûl nakin, di studyoyên telewîzyonan da serê xwe li ba dikin û dibêjin rast e, bi rastî jî vana merivên pir nerehet in, terorîstên har in, dibê koka wan were qelandin…

Ew ji bîr dikin eynî dewlet û eynî kes sibe gava dor were wan, ewê eynî tiştî ji wan ra jî bibêjin. Çimkî tir û dewleta wan ji kes û partiyan bêtir li djî Kurdistanê e, li dijî serxwebûn azadiya kurdan e. Îro PYD û PKK hinekî xurt in ji wan ra dibêjin "terorîst",lê sibe ewê ji wan a jî bibêjin.
Ma heta çend sal berê tiştên vê dewletê û vê hukûmetê ji Barzanî û Talabanê ra digotin me ji bîr kir?
Dijminên bav û kalan tu carî nabin dostên lawan...


XXX

14 mars 2017

Xebatên Ziya Avcî şayanî her teqdîrê ye

Nabêna mala me û kekê Ziya Avcî bi trênê teqrîben 15-20 deqîqe ye. Lê em qet hevûdu nabînin.
Swêd wiha ye, dema meriv li hev negere û neçe taxa(semta) hev, belkî bi salan jî meriv rastî hev neyê.
Ji bo meriv hevdu bibîne dibê meriv li hev bigre, bixwaze hevûdu bibîne. Û em herdu serî jî cangiraniyê dikin.
Du roj berê min telefonî wî kir û min got heyran were carê em hevûdu bibînin, bi hev ra qahwak tahl vexwin û bîstekê sohbet bikin. Ji zû da ye me hevûdu nedîtiye…
Bi telefona min kêfxweş bû, got weleh tu rast dibêjî.
Ez dirêj nekim, me do li taxa Liljeholmen li qahwexaneyekê hevûdu dît û me sohbeteke germ û xweş kir. Bi kurtî ji min ra qala xebtên xwe kir, qala berhemên werdigerîne kir.
Devê min ji hev çû, çawa kane hewqasî pruduktîv be min fêm nekir. Min tenê teqdîr kir.
Camêr mala wî ava be destvala jî nehatibû, kitêba Serhildana Şêx Ubeydullahê Nehrî jî di destê xwe da ji min ra anîbû. Ji min ra îmze kir.
Ez pir kêfxweş bûm.
Şêx Ubeydullahê Nehrî û serîhildana wî gelkî muhîm e, serîhildana pêşî ya ji bo Kurdistaneke serbixwe. Helbet berî Şêx Ubeydullah jî gelek serîhildanên kurdn çêbûne. Lê belê tu serîhildaneke kurdan ya berî wî, wek ya Şêx Ubeydulahê Nehrî vekirî Kurdistaneke serbixwe ji xwe ra nekiriye hedef. Şêx Ubeydullah bi xwe dibêje ”armanca min ew e ez Kurdistaneke serbixwe damezirînim.”
Erê Ziya Avcî ew jî wek min teqwit bûye, lê belê ji xortekî aktîftir e.
Ew wek gelek kesên din, kalên din wexta xwe li malê li ber telewîzyonê bi temaşekrina fîlm û programên tirkan derbas nake.
Camêr wek mûriyan(gêrikan) dixebite.
Heta nuha gelek berhemên hêja ji soranî ya wergerandiye ya jî transkrîbeyî(ji herfên erebî soranî kiriye herfên latînî kurmancî) kurmancî kiriye.
Bi xêra vê xebat wî ya salan ya li ser tarîxa kurd û Kurdistanê û bîranîn hin şexsiyetên muhîm, gelek berhemên bi soranî bûn kurmancî  û gihîştin ber destên xwendevanên kurd yên kurmanc.
Hin kes di reqlama xwe da pir hosta ne, Ziya Avcî ne kesekî wiha ye, pir dixebite, merivekî pir pruduktîv(berhemdar)e, lê qet reqlama xwe nake. Lema jî haya kesî zêde ji xebatên wî nbe.
 Ez bawer dikim umrê wî di ser 70î ra heye, lê maşala dîsa jî kane rojê 8-10 saetan bixwîne, binivîse û wergerîne.
Ez vê xebata wî pir teqdîr dikim.
Lema jî min bi zor lîsteyek çend kitêbên wergerandine jê girt.
Ez li jêr vê lîsteyê bi we ra jî parve dikim.
Wek hûn jî dibînin Ziya Avcî 23 berhemên pir hêja li kitêbxaneya kurdî-kurmancî zêde kiriye.
Û hemû jî berhemên pir hêja û muhîm in.
Lê wergerên wî  tenê ne ev in, ji min ra qal kir, hîn gelek tiştên li ber çapê jî hene. Ji ber hîn çap nebûne navê wan nenivîsandiye.
Ji bo van xebtên wî yê hêja ez çiqasî spasî kekê Ziya Avcî bikim bi rastî hindik e.
Dixwazim bi vê nivîsa kin spasiya xwe pêşkêşî wî bikim û bibêjim hezar carî mala te ava be.
Ziya Avcî merivekî bi xîret e, çi ji destê wî tê wi ya dike.
Xwezî her kurd wek wî bi xîret û fedekar bûya û bi mesûliyeta ferdeê miletekî bindest herekt bikira.
Hêvî dikim siheta wî xera nebe û gelek berhemên din li kitêbxaneya kurdî  zêde bike.
Çimkî bi soranî li ser dîrok, edebiyat û serîhildanên kurdan gelek berhemên hêja hene.
Çend numûne ji kitêbên Ziya Avcî ji soranî kirine kurmancî:

- Şerefname, Tarîxa Qedîm a Kurdistanê: Mîr Şeref Xanê Bedlîsî
- Tabloyên Şerefnameyê Yên Minyatûr: Ebdulreqîb Yusif
- Şairên Klasîk Yên Kurd (Dîwana Kurmancî): Ebdulreqîb Yusif
- Kurdistan û Kurd: Ebdurrehman Qasimlo
- Di Rêya Azadîyê de Çil Sal Xebat: Ebdurrehman Qasimlo
- Komara Kurdistanê: Kerîmê Husamî
- Çend Rûpel Ji Dîroka Gelê Kurd C.I, C.II: Dr. Kemal Ehmed Mezher
- Kurd û Kurdistan Di Belgeyên Nehênî Yên Brîtanyayê de: Dr. Kemal Ehmed Mezher
- Dîroka Kurd û Kurdistanê. M. Emîn Zekî
- Simko (Îsmaîl Axayê Şikakî): Mehmed Resûl Hawar
- Serhildana Şêx Ubeydallahê Nêhrî Di Belgeyên Qaçarî de : Mihemed Baqî
- Adet û Rusûnatmeyên Ekradîye: Mele Mehmûdê Bazîdî
- Çil Hikayet: Mele Mehmûdê Bazîdî
- Jana Gel: Îbrahîm Ehmed
- Pêşmerge: Rehîmê Qazî
- Koka Kurdan a Etnîkî: Vilchevisky
- Kurdistan û Prosesa Îslamkirina Kurdan: Şivan Osman Mistefa
- Yadaşt: Refîq Hilmî
- Ebdurehîm Rehmî Hekarî: Ferhad Pîrbal
- Li Pişt Derîyên Daxistî (Bîranîn-Belge): Arêz Ebdulla
- Mele Mistefa Barzanî Di Belgeyên Sovyetê de: Efrasyab Hewramî
- Di Dawîya sedsala 19an û Destpêka Sedsala 20an de Jiyana Siyasî û Rewşenbîrî Ya Kurdan: Celîle Celîl
- Bîranîn û Şahidîya Hinek Bûyeran: Ziya Avci



Heta Erdogan tirsê nebîne ewê Ewrûpayê rehet nehêle

Tirk wek xerzê kulî ne, wek bizrê pirparê ne, li her welatî hene.
Tirk bi qasî li Ewrûpayê hene, li Afrîkayê û li hemû welatên erab jî hene.
Lê Erdogan ji bo propagandeya referandûmê zilamên xwe naşîne Suûdî û Qeterê û welatên ereb û Afrîkayê, tenê dişîne Ewrûpayê; Hollandayê, Almanyayê, Swêd û Danîmarkayê…
Li Erebîstana Suûdî bi kêmanî 100 hezar tirk hene.
Nufûsa tirkan li Swêd 60. hezar û li Danîmarkayê jî li dora 60 hezarî ye…
Lê Erdogan zilamên xwe naşîne Suûdî, dişîne Danîmarkê, Swêd û Hollandayê.
Çima ne Suûdî, Qeter û Kuwêt?
Çima Hollanda, Almanya, Danîmarka û Swêd?
Ma tirkên Suûdî sexte ne, ne tirk in?
Ma rayên tirkên Suûdî û Qeterê ne ray in?
Dibê hinek vê pirsê ji Bînalî Yildirim, Çavuşoglu û Erdogan bike?
Ew zanin li Suûdî û Qeterê A azadiyê jî tuneye, kes nikane devê xwe veke. Lema jî riya xwe bi wan welatan naxin…

XXX
Ew çi şelafiyê bikin jî vala ye, tirk ewê ji wan ra nebêjin eferim, ewê li wan neyên rahmê, ewê ji xezeba Erdogan û Bahçelî xelas nebin…
Tiştê ji wan ra kar bimîne tenê ev şalûzî ye…
Leşker û polîsên tirk nehîştin parlamenter û wezîrên HDPê bi rojan herin bajarên xwe, herin malên xwe.
Yên me hîn jî Hollandayê û ewrûpiyan ji ber neheqî li tirkan kirine şermezar dikin...
Dema aqil par bû vana negihîştin ser...

XXX


AKP, gelşa di nabêna Hollandayê û Tirkiyê da wek şerekî di nabêna musilmanan û xiristiyanan da dibîne û di afîşeke xwe da jî ev yek eşkere gotiye.
”Ev pevçûn, pevçûna Hîlalê û Xaçê ye. Di binê Hîlalê da bi yek bin! Emê pir qelebalix bibin. Hûnê bibînin.”