Seroka PYDê Asya Abdulah gotiye, ”Dewletên emperyalîst ji bo
ku em dewleteke kurd ava bikin zorê didin me, lê belê emê tu carî neyên vê
lîstikê.”
Heger bi rastî Asya Abdulah ev gotin kiribe ji bo PYDê
skandal û rûreşiyeke mezin e.
Û di eynî wextê da heqareteke li hemû keç û xortên li Kobanê
û Kurdistana Sûriyê canên xwe feda kirin.
Xanim him seroka kurda ye û him jî li dijî avabûna dewleteke
kurd e !
Ecêba giran, sosireta mezin !
Ecêba giran, sosireta mezin !
Madem Asya Abdulah xanim yeka hewqasî ”antî emperyalîst” e,
wê demê di şerê Kobanê da çima xwe avêt dexl û bextê emperyalîstan û ji wan
alîkarî xwest.
Çima ji alîkarî û bombebaranên emperyalîstan ra li çepikan
dixist?
Ne alîkariya emperyalîstan bûya îro Asya Abdulah tunebû, Koban îro di bin destê qatil û çeteyên Daîşê da bû.
Ne alîkariya emperyalîstan bûya îro Asya Abdulah tunebû, Koban îro di bin destê qatil û çeteyên Daîşê da bû.
Dibê Asya Abdulah rabe û rûne û spasî "dewletên
emperyalîst bike. Û nuha jî ne ji tirsa dewletên emperyalîst be tirk ewê me li
hewa bixwin...
Madem tu dewleta kurd naxwazî wê demê şerê te ji bo çi ye û
tu li pê çi ye û çi dixwazî?
Ez bi xwe bawer nakim ”dewletên emperyalîst” ji bo avakirina
dewleteke kurd zorê bidin Asya Abdulah.
Lê heger bi rastî tiştekî wiha hebe û Asya Abdulah li dij
be, ev neyartiya miletê kurd e, dibê kurd li hemberî vê xanima li dijî dewleta
kurd serî hildin û li her derê wê û partiya wê protesto bikin.
Heta nuha me digot dinya, emperyalîst alîkariya me nakin,
naxwzin em kurd bibin xwedî ddwlet.
Lê heger ”emperyalîstan” nuha siyaseta xwe guhertine û ji bo
dewleteke kurd alîkariya me dikin, lê belê Asya Abdulah û PYD li dij derdikeve
sosiret û rûreşiyeke mezin e.
Her kurd dibê vê beyana Asya Abdulah bi şîdet protesto bike.
Li hemberî gotinên wiha dibê kurd bêdeng nemînin. Dibê kesên wiha nebin serokên
kurdan.
Em nikanin welatê xwe rizgar bikin, kes alîkariya me nake ev
tiştekî din e, lê belê gava xelk bixwaze alîkariya me bike û em bibêjin ” na em
serxwebûnê naxwazin” , ev neyartiya miletê kurd e.
Inga kommentarer:
Skicka en kommentar