Merivê rastgo tim li karê ye

-Merivê durust(rast) him bedena wî û him jî ruhê wî rehet e.
Merivê durust eynî wek zêr e, zêr jî herkes bi xwe ve nake, jê hez nake. Lê ev yek qîmeta zêr naxîne.

XXX
Rindê Çaçan xanimê, li ser Borîs Pasternak û bûyerên li dora berhema wî ya bi nav û deng, Doctor Jîvago nivîseke enfes nivîsîye. Di nivîsê da li ser Pasternak û romanê agahiyên kin û hêja hene. Rindê Çaçan xanimê, di nivîsa xwe da nivîskarekî rastgo û bêtalih, şairekî mezin, berhemeke pir hêja û serdemeke tarî û îstîsmarên dewletan yên siyasî bi zimanekî sivik û edebî pir xweşik aniye zimên.

XXX

-Hin însan du maskeyên wan hene, li ku derê, di kîjan rewşê da kîjan maske lazm be wê maskeyê bikar tînin. Lê bi wextê ra demek tê êdî ew jî nizan kîjan maske ya rastîn û kîjan jî ya sexte ye.
Ya beş ew e ku meriv xwe ji kesên wiha dûr dûr xe. Çimkî meriv jî nikane maskeyên wan ji hev bigerîne…

XXX

Terora dewletê çuqasî berfireh dibe bira bibe, hîle, dek û dolabên hukûmeta AKPê çuqasî îblîswarî, pir û mezin dibin bira bibin, kurd ewê tu carî dev ji micadela xwe ya azadî û serxwebûnê bernedin.
Kurdan di dîraka xwe da gelek gedûkên wiha dîtine û derbas kirine.

XXX

Êş barê rastiyê ye, merivê dibihîze û dizane di bin êşê da dipelixe.
Montaigne

XXX

Însan êdî wek legoya(pûzzleya) perçeyên wê wendabûyî ne. Hinekan dil, hinekan ruh, hinekan jî meju tuneye.
C. Palahniuk