‘‘Ma qey operasyonên siyasî heta nuha qet nehatine kirin? Ev tiş ne rast e.
Ji 14-ê nîsana 2009-ê heta nuha operasyon bêrawestan didomin. Hejmara siyasetmedarên kurd yên ku heta nuha hatine girtin nêzîkî 1000 kesî ye.
Ji ber vê yekê, operasyonên siyasî ji bo me ne tişteke nû ye. Tiştên ku tên gotin, jixwe hatine ceribandin. Tê gotin ku ewê parlamenterên me jî bêne girtin, ewê partîya me jî bê girtin. Jixwe 5 parlamenterên me nuha di girtîgehê da ne.
Metodeke nû nayê bîra me. Heger serokwezîr riyeke din keşif kiribe, haya me ji vê yekê tuneye. Loma jî ji bo me, oprasyonjeke nû ewê nebe surprîz.
Lê heger serokwezîr ji nû ve dest bi siyaseta çewsandinê bike, ewê bi xwe di binê wê de bimîne. Êdî piştî vê yekê qetlîamên giştî tên, çikandina sêdaran tê.
Heger serokwezîr Erdogan jî weke Esad dixwaze bi tankan têkeve bajaran, em vê yekê nizanin. Belê, ev metodeke nû ye..‘‘
Selahettîn Demîrtaş şiroveyeke pir baş û pir reast kiriye, ji vê şiroveyê rastir şirove nabe.
Bi rastî jî Erdogan û hukûmetên berî wî, li hemberî kurdan ji îşkencê û kuştinê bigre heta bi wêrankirina gund û bajaran, her babetê terorê û şer bikar anîne, yanî tu metodeke ku nehatibe ceribandin nemaye.
Tiştê nehatiye ceribandin, weke Esad dike, weleh bi balafir, tank û topan bombebarankirina bajaran e.
Bi ”metoda nû”, heger qesda Erdogan ev be, bira wê jî biceribîne.
Lê çawa ku hemû ”metodên” din yên nemirovana tu netîce nedan û bêencam man, bêşik ev êrîşa ku Erdogan hêviya xwe pir pê girêdaye jî weke wan, ewê tu netîceyê nede û ewê nikanibe liberxwedan û tevgera kurd ya netewî bişkîne.
Tenê, ewê ji herdu aliyan bibe sebebê kuştina bi sedan, belkî jî bi hezara însanan…
Û ev jî ev serî 30 salî ye ku bi sedan carî hatiye ceribandin û tim jî şaşiya wê îspat bûye.
Ne mimkûn e ku urd bi tehdîdan, bi terorê, bi girtin û kuştinê dev ji doza xwe ya netewî berdin.
Esas ne kurd, dibê Erdgoan dev ji vê xeyala vala berde.
Ji ber ku mesela kurd meseleyeke milî ye, doza miletekî bindest e. Heta ku ev milet mafên xwe yên rewa yên netewî bidest nexe, ev liberxwedan û têkoşîn ewê tim berdewam be, tu êrîş, tu artêş nikane vê têkoşînê bişkîne ya jî biqedîne.
Ya herî rast dibê leşker û siyasetmedarên tirk dev ji xeyala tirkkirina kurdan berdin û mafên wan yên ntewî qeebûl bikin û zêde nebin sebebê kuştina însanan…
Berpirsiyarê 12 leşkerên ku îro li Hekariyê hatine kuştin Erdogan û hukûmeta wî ye, bi emrê wan ew leşker çûn wir û hatin kuştin.
Erdogan ji bo kêf û seyranê bi hezaran leşker naşîne wir, ji bo kuştina zarokên kurdan dişîne wir.
Û deme meriv ji bo kuştina xelkê here, bêguman xelkê jî meriv bikuje. Û gava meriv hat kuştin jî dibê meriv zêde neke qîjewîj…
Inga kommentarer:
Skicka en kommentar