Ez biryra BDP-ê ya "boykota" meclîsê pîroz dikim!

Rêveberiya Licneya Navendî ya BDP-ê û parlementerên Eniya Ked, Demokrasî û Azadiyê, ji bo ku biryara YSK-ê ya derbarê Hatîp Dîcle da binirxînin îro li Amedê civinek pêk anîn. Di civînê da BDP-ê û hemû parlementeran bi yekdengî biryara boykotkirina meclîsê girtin.

Ji ber vê biryra di cî da û rast ez hemû parlamenterên Eniya Ked, Demokrasî û Azadiyê ji dil û can pîroz dikim.

Sebebên do Şerafettîn Elçî di axaftina xwe da nîşan dan hemû jî rast in. Loma jî heta ku ew daxwazên wan neyên cî dibê BDP ji vê biryara xwe ya boykota meclîsê paşda venegere.
Bi dîtina min BDP û parlamenteran bi neçûna meclî biryareke pir rast û di cî da girtine. Dibê kurd bêhurmetî, heqaret û zulmeke hewqas vekirî qebûl nekin.

Dibê rê nedin lîstika hukûmtê ya bi kurdan.

Hukûmet di hilbijartinan da tehamulî serkeftina kurdan nake, derxistina 36 mebûsan bi wan pir zor tê.

Loma jî dixwazin bi rêyên wiha gurûbê yeko yeko perçe bikin.

Dixwazin vê plana xwe bi Hatîp Dîcle tecrûbe bikin û reaksiyona kurdan fêr bibin.

Ji xwe wa ye derket ortê ku YSK-ê ev biryar li ser gilî û daxwaza cîgirê serokê AKP-ê û bi piştgiriya CHP-ê û MHP-ê girtiye.

Yanî ev biryara YSK-ê li ser israra AKP-ê hatiye girtin.
Lê AKP-ê digot ku tu têkiliyeke wan bi vê biryara YSK-ê ra tuneye, YSK, dezgeheke serbixwe ye, biryarên xwe ew bi xwe dide.

Eşkere bû ku ne wiha ye.

Bi kurtî di vê biryara YSK-ê da rol û tesîra AKP-ê pir mezin e, hetta meriv dikane bibêje ku AKP-ê bi zor ev biryar bi YSK-ê daye girtin.

Loma jî dibê BDP û parlamenterên Eniya Ked, Demokrasî û Azadiyê vê zorbatiya hukûmeta AKP-ê qebûl nekin û Hatîp Dîcle tenê nehêlin.

Heger BDP bi hin zixtên derûdorê û yên hin kesan vê neheqî û zorbatiyê qebûl bike, ne tenê parlamenteriya Hatîp Dîcle, ewê parlamenteriya 5 kesên din jî bişewitînin.

Loma jî dibê BDP û hemû parlamenterên wê, li ser soza xwe, ”ya emê gişê biçin meclîsê ya jî em yek jî naçin” bisekinin.

Dibê BDP terka Hatîp Dîcle neke.

Dibê bi 78 hezar rayên Hatîp Dîcle parlamenteriya jineke bêexlaq, kêmfersend û faşîst neyê qebûlkirin.

Heger BDP û parlamenterên wê ji bo kursiyên xwe vê neheqiyê qebûl bikin ewê pir û pir eyb bikin û netîceyên vê teslîmiyetê jî ewê pir giran bin….

Dibê tirk bibînin ku lîstika bi kurdan hewqasî ne erzan e.