Parlamenterê Êlihê(Batmanê) Bengî Yildiz, li ser daxwaza ji ber ku wî kevir avêtiye ji pûlisan da, dibê îmûnîteya(miafiyeta) wî ya parlamenteriyê jê were stendin û were mahkimekin gotiye, ”Îmûnîteyê(dokunulmazlixê)rakin, emê ji keviravêtinê mahkime bibin û hûnê jî ji diziyê…
Bi rastî jî Bengî Yildiz pir xweş gotiye. Sûcû mebûsên kurdan yê herî mezin keviravêtin û şîrmaqlêdana pûlisan e.
Lê yên din bi piranî diz, sextekar, çete û qatil in.
Hemû parlamenterên BDP-ê baş li ber xwe didin, tiştên baş dibêjin.
Lê gotinên Bengî Yildiz û Sabahat Tuncerê, "min ew şîrmaq li zîhnîyeta dewletê xist", pir xweş û dîrokî ne.
Parlamenterên BDP-ê serbilindiya miletê kurd in. Bi kişandina wan ya bi erdê ra dewlet, miletê kurd bi erdê ra dikşîne, heyfa sîleya xwe ji kurdan digre.
Her kurdê bi xîret, bi ûjdan dibê vê heqareta li hember parlamenterên kurd wek heqareta li hember xwe û tevayiya miletê kurd qebûl bike.
Kêm însan vê fedekariyê dike.
Ez bi xwe dema van risman dibînin ezabekî ûjdanî dikişînim û loma jî dixwazim weke însan û kurdekî wacib û wezîfeya xwe bînim cî, bi qasî ku ez kanim titştekî bikim.
Ji bo ku meriv vê fedekjariyê bike dibê meriv pir bi xîret, pir bawermend û pir fedekar be.
Ji ber vê mêranî, fedekarî û li berxwedana wan, ez we hemû siyasetmedar û parlamenterên KCK-ê û BDP-ê pîroz dikim û giramî û hurmeta xwe pêşkêşî we dikim.
Ji bo vê berxwedana wan mala wan ava...
Li cîhanê tu hêza ku kanibe vê îradeya ji polayê bişkîne tuneye.
Ez bawer dikim ev gel, ev liberxwedan ewê vê dewleta faşîst tarûmar bike...
Êrîşkariya wan ji ber zeîfî û tirsê ye, ew ditirsin, dizanin ku umrê dûzana wan hindik maye, loma jî bi rengekî nemirovane nûnerên miletê kurd bi erdî ra dikşînin, wan cop dikin…
Ev ji bo dewleta tirk jî rûreşiyeke mezin e, meriv vê heqaretê û zulmê li nûner û mebûsên miletekî nake…
Inga kommentarer:
Skicka en kommentar