25 mars 2011

Dibê her kurd piştgiriyê bide tevgere bêîtîatiya sivîl

Ji do da ye ez difikirim, ji xwe ra dibêjim, gelo ji bo çi HAK-PAR, KADEP, TEVKURD, komel û rêxistinên din yên kurdan piştgiriyê nadin çalakiya BDP-ê û KCD-ê ku j ido da ye li Diyarbekrê dane destpêkirin.
Di normaê da dibê ev rêxistin ji serî da tevî vë çalakiya nerazîbûnê, vê tevgera temokratîk bibûna.
Lê li gorî xebera AKnews-ê, HAK-PAR û KADEP-ê îro diyarkirine ku ew jï piştgiriyê didin vê xwepêşandana rewa.
Serokê HAK-PAR-ê Bayram Bozyel gotiye, ew jj^di digel daxwazên BDP-ê û KCK-ë ne.
Cîgırê Serokê Giştî yê KADEP-ê Yûksel Avşar jî gotiye, “Çalakiyên bi vî rengî yên kurdan yên ku şîdetê li xwe nagirin û bo ragihandina daxwazên kurdan tên kirin, rewa ne.”
Beşdariya HAK-PAR û KADEP-ê pêşketineke baş e û dibê hemû ronakbîr, nivîskar û partî û rêxistinên kurdan yên din jî beşdar bibin.
Dibê ne li Amed û Batmanê tenê, li her bajarê ku hêza kurdan lê heye Çadirên ”Çareseriya Demokratîk” werin vegirtin.
Ez gelkî këfxweş bûm nuha gava min xwend ku li bajarê min Wêranşarê jî ”Çadira ”Çareseriya Demokratîk” hatiye vegirtin.
Beşdarî çuqasî zêde û berfireh be hewqasî baş e, dibê bi sedhezaran, bi milyonan kurd tevî vê tevgerê bibin û hêdî ïtîrazî sîstema û îdareya berë bikin.
Yanî serî li hemberî qanûnên nîjadperest rakin, li her derê bi kurdî bipeyivin.
Ev riyeke rast û pir jî bi hêz e.
Heger kurd di vê riyê da israr bikin ewê biserkevin, tu hêz nikane wan rawestîne.
Ji ber ku ne tevgereke çekdar e, loma jî dewlet nikane bibêje ”teror” û zor û şïdetê jî bikar bîne, bikar bïne jî ewë li zirarê derkeve.
Wek min di nivïsa xwe ya do da jî got, dibê kurd zorê bidin parlamenterên AKP-ê yên kurd, alîkarî û piştgiriyê ji wan jî bixwazin.
Serkeftin ya me ye, ji ber ku em bi heq û ew neheq in; ji ber ku ew zalim û me mezlûm in…

Inga kommentarer:

Skicka en kommentar

PARVE BIKE