Zabitê ku orjînala Belegeya Micadeleya Bi Îrtîcayê ra ya ku îmzeya Albay Dûrsûn Çîçek li binî bû ji dozgerên doza Ergenekonê ra şandibû, bi hin belgeyên nuh ra nameyeke din ji dozger ra şandiye.
Hin beşên vê nameya nuh û hin belgeyên pê ra îro di çapemeniyê da hate belavkirin.
Di vê nameya nuh da, generalên cûntacî ji bo ku raya giştî ya ku piştî weşana belgeyê li dijî wan çêbûye berteraf bikin çawa dixebitin, kîjan taktîkan dixin praktîkê yek bi yek tê îzahkirin.
Bêyê wê, navê kesên vê xebatê dimeşînin jî tê gotin.
Wek tê zanîn leşkeran, bi navê ”Belegeya Micadeleya Bi Îrtîcayê” ra li hember hukûmetê plana darbeyeke leşkerî amade kiribûn.
Lê ev plan berî ku têkeve jiyanê ji alî zabitekî navnediyar ve ji dozgerên doza Ergenekonê ra hat şandin û bi vî rengî plana artêşê nîvçe ma.
Piştî îfşabûna ”belgeya darbeya leşkerî”, li hember artêşê û serekerkaniyê medyayê û civatê reaksiyonek baş nîşan da û gelek kesî daxwaza îstîfaya serokerkan Îlker Başbûg kir. ..Vê rewşê cî li artêşê û li serokekanîyê teng kir.
Çimkî êdî înkar jî ne mimkûn bû. Berê gotin belge sexteye, îmze sexteye, lê piştî derketina orjînala belgeyê êdî hertişt derket ortê û înkar ne mimkûn bû.
Piştî eşkerebûna hewqas belge û delîl, girtin, îfade, mahkime, herkesî bawer dikir ku êdî mesele qediyaye û leşker hew teşebusî tiştekî wiha dikin.
Lê bi vê nameya duyem ra diyar dibe ku mêrikan nesekinîne, eynen dîsa weke berê amadekariyên xwe berdewam dikin.
Wisa xuyaye ku camêran dibêjin, îcar nebû carek dinê…
Yanî eşkerebûna darbeya berê, belgeyên derketin ortê, reaksiyona civatê ew qet nedirsandine.
Ew darbe neçû serî, haziriya yeka din dikin.
Ev jî nîşan dide ku ji hukûmetê, ji dadgehan natirsin. Heger bitirsiyana, hger bizanîbûna netîceya vî karê wan ewê bibe sebebê ”serê” wan, careke din eynî tişt nedikirin.
Lê waye dikin.
Him jî li 430 malperên kurd û tirkan guhdarî dikin.
Zabitê muxbîr, bi nameya xwe ra lîsteya 430 malperên ku ji alî serekerkaniyê va tê taqîbkirin jî şandiye.
Li hember her malperê, meyla siyasî(dîndar, Fetullahçî, Cudaxawaz, elewî, li dijî artêşê û hwd.) nivîsîne.
Min bala xwe dayê, malperên girtine bin çavdêriyê bi piranî malperên kurdên bakur in. Tenê çend malperên nûçeyan yên kurdên başûr wek Pûkmedî” û yek dudiyên din hene, lê yên din hemû yên kurdên Tirkiyê ne.
Bêyî bloggan, tirkî, kurdî, hema hema hemû malperên kurdên Kurdistana bakur girtine bin kontrolê, heta yên bajaran jî, yên belediyên DTP-ê jî.
Lê tiştê herî balkêş tenê çend malperên weke ”Netkurd, Nefel, Avestakurd, Rojeva kurd û Haberdiyarbakir” di lîsteyê da tunene.
Mesela ”Haber Diyarbakir him bi kurdî û him jî bi tirkî weşanê dike û malperke pir mezin e jî, lê dîsa jî navê wê tuneye.
Ev yek ji bo Avestakurd, Nefel û Netkurd”ê wissa ye.
Çima navê wan di vê lîsteyê da tuneye meriv şaş dimîne?
Gelo navê wan di lîsteyeke din heye.
Ya jî pîvan û sebebekî leşkeran yê din heye?
Min got, belkî giranî dane malperên bi tirkî, lê dûra min bala xwe dayê ne wisaye, melperên kurdî yên pir biçûk, heta yên şexsan jî girtine bin kontrolê.
Mesela navê ”Kerkûk Kurdistan e” heye, lê navê ”Nefelê” tuneye. Halbû ”Nefel” ji ”Kerkûk Kurdistan” e gelkî aktîftir e…
Herçiqas ”blogg” di vê lîsteyê da tunebin jî ji ber ku navê navê ”hindik-rindik” tê tuneye ez qeherîm.
Esas pir ne dûr î îhtîmalêyê ku lîstyeke ”bloggan” jî hebe. Piştî ku malperên şexsan girtine bin çavdêriyê çima ewê ”bloggan” negrin bin kontrolê?
Netîce, derdikeve ortê ku leşkeran hîn kevirê xwe bi ber xwe da bernedane, mêrikan hîn jî li pey xelkê ne, hîn jî li xelkê guhdarî dikin, hîn jî amadekariyên xwe yên darbeyê didomînin.
Û hukûmet ş dozger jî vê yekê dizanin lê diyar e nikanin koka wan biqelînin, wan ji bigrin, ceza bikin.
Heger wiah biçe, pir ne dûr e ku ew kesên hemberî xwe ji artêşê dûr xin û tasfiye bikin.
Mamo, ji sedi sed bloga te ji di bin chavan de ye
SvaraRadera